رحت و عيدت عادي .. سلام بارد جدا
لكن حللت و استنتجت انه هما كذا مع كل زوجات أقاربهم .. ماعرف ليش ماخدين فكرة !؟
لانه كانوا معايا سلفاتي و مرة قريبهم .. و اخت زوجي عينها عالجوال و مطنشة الكل و ما تكلم احد و لا تعبرهم

الفرق بيني و بينهم .. اني ما اعبر الي ما يعبرني ..
و زوجي ما يطول لسانه علي قدامهم ..
وإني معطية لأولادي اعتبار و ما اخاصم أولادي قدامهم و لا اسمح لأحد ..

اخت زوجي بعد الفطور .. جالسة مع اخوانها و اختها تركتنا كالعادة انا و سلفاتي و زوجة قريبهم
استغربت انها ما جاملت زوجة قريبهم و لا عبرتها و جالسة طول الوقت مع أقاربها الرجال ..
عرفت انه هذا طبعهم ..

سالت سلفتي ليش هما كذا !؟
قالت من يوم تزوجت و كذا طبعهم أخواته .. يتجمعوا و يطنشوني و انا اخدمهم شاي و قهوة ..
و هما كذا .. و لو احد عمل لهم نفس الشي ؛ يزعلوا منه ..

غريبة ؟
مع انهم متزوجات .. يعني المفترض لو ماتعلموا في بيت اهاليهم؛ يتعلموا في بيت أزواجهم ؟

التعامل كان امس رسمي طبعا كالعادة ..


و هما أخواته أصلا ما يدقوني بالكلام .. غير لما اكون مع زوجي ..
يعني إياك اعني .. و اسمعي يا جارة ..

خلاص قررت كذا اكون مع أخواته
ما أرد عالدق .. طالما الكلام غير مباشر و حركاتهم باين مقهورين


دقيت امس على اخته و قلت قبل لا تسافر خليني اعزمها على فطور
و اجاملها مرة وحدة

بس طنشتني و ما ردت
و مادري لو عندها أصلا رقمي او لا

لاني لما دقيت قبل كم اسبوع على وحدة من أخواته و ابارك لها عشان الولادة
ما عرفتني بالبداية و سألتني متى غيرت رقمي !؟

رقمي غيرته من سنة و نص

الأمور شكلها بدأت تسوء من جديد ..

و أنا ما صار يهمني ، و متجاهلتهم من أسبوعين ..

لإنه هما اللي يبدأوا بالغلط

والبادي اظلم

__________________

الفترة الماضية ، عزمتهم ..
و أصلا عزموا نفسهم عندي كلللللهم ..
و قالوا له ، شوف نحن اليوم الفلاني عندك و جهز نفسك

لكن زوجي تهرب منهم عشان لا يفتح باب على نفسه .. و مع انه زوجي يحب الضيوف و الناس و العزايم ..
و لما أهلي يزوروني ، ما يقصر معاهم .. و يوصيني اني ما أقصر أبدا في الضيافة ..

( لكن أهله مو مثل بقية الناس .. تجاربي معهم بداية الزواج / و تجارب سلفاتي معاهم .. كفاية مرة )

و صار اخوه يدق بالكلام و زوجة أخوه كمان تدقني بالكلام ..
مع إنها اكثر وحدة مقهورة من أهل زوجي .. و مقهورة اني ليش ما اصير مثلها ..
( عندي سلفتين .. وحدة طيبة و تحبني و مظلمة مسكينة و اللي عاشت معاهم سنوات / وحدة لا .. سوسة )

المهم ..
أنا أرد عليهم بطريقة دبلوماسية .. و أجاملهم قدر المستطاع ..

و فعلا فعلا فعلا ..
نزلت السوق و صرفت 1000 ريال أقل شي عشان استقبلهم ببيتي ، و لإنه أولادي قطعوا الكنبة الجديدة ..
هذا بس تحسينات للبيت ، و غير مصاريف الأكل .. الي كنت حاسبة حسابه ..


زوجي تفاجأ و قالي مرة ما كان له داعي ..
و صرف اهله و تهرب منهم ..

.
.

يعني نيتي و الحمد لله كانت صافية و تمام ..
و اتصلت على أخواته و عزمتهم و كلمت أمه و عزمتها ..

بس زوجي ما يبغى ( لإنه أكيد فاهمهم ) ..

.
.

و مع انهم لما يعملوا عزيمة أو يخرجوا كلهم مع بعض يفطروا أو يتغدوا بالمول و ينادوا زوجي ..
ما يبلغوني و لا يعبروني .. و طنشت و عادي .. و لا يعزموني اي مناسبات لهم ..
لا زواج / لا شبكة / لا ملكة / لا سابع .. إلخ

هما كذا مع كل حريم أولادهم ( زوجة الولد = شغالة لهم )

.
.

تجاهلت و طنشت و ما همني .. و كبرت دماغي
هما الخسرانين

مع انها قلة ذوق الصراحة ..

.
.

الزبدة :

إني عزمت و ما قصرت ، و كبرت دماغي عن الأمور التافهة و ما دققت ، و زوجي صرفهم ..

.
.

( يتبع )

( ممكن نقل الموضوع لقسم المتزوجين .. بناء على التطورات الأخيرة
و ما نستغنى عن اراء مبتعثة و عضو قديم .. الله يجزاهم كل خير

أحتاج رد شوك أيضا .. و اللي عارفين طبايع اهل زوجي )

__________________

هل راجعتي الردود السابقة للموضوع هذا؟

__________________

أخوي

ما أبغى يجوا عضوات و أعضاء مو فاهمين الموضوع و يتفلسفوا و اجلس اشرح من جديد
و اللي فيني بجد كفاية .. يعني كويس اني عايشة حياتي و الحمد لله و متجاهلة

أنا محتاجة لرأي شوك و بقوة و لرأيك أخوي

و مبتعثة متفائلة
الله يسعدها ما قصرت أبدا و مشيت معايا مراحل كثيرة
و تحسنت فعلا الأمور .. و الله يجزاها خير

لكن المكان لا يسمح غير إني احدد 2
و أبغى شوك .. بليز

ما راجعت الردود الآن ..
لكن افتكر كل نصايحكم ..

و الأمور كانت ماشية بتحسن و الحمد لله ..

أنا ما أقدر اصير مثل ما يبغوا هما ..
و هما ما راح يتقبلوا - روح الطير - بالشكل هذا ..

و زوجي أنا كذا ( عاجبته ) ..
مع إني أدري بداخله ( يتمنى إني أطاوعهم ) ..

لكن أنا شايفة سلفاتي ..
كيف يعانوا بصمت و لو تكلموا ( زوجهم يضربهم ) ..

فما راح يحسوا و يفهموا أهل زوجي بأغلاطهم ، غير لما تجي وحدة مثل - انسة منشن -
و تعلمهم حدودهم ( فين ) .. و تخليهم يعرفوا ( حجمهم ) قد ايش