نبض كلامك مفهوم وواضح
ويمشي كلامك في حال ماخرجت من بيتها ..


لكن تخرج من البيت وتضع شروط كهذه ..غلط

دامها كذا المفروض حطت شروطها يوم كتابة العقد علشان يكون على بينه ..

اعانك الله اخي الكريم
وافينا باخر مستجداتك

__________________
الناس يمحون ماضيك الجميل مقابل آخر موقف سيء منك ، و الله سبحانه يمحو ماضيك السيء مقابل توبة منك ، فأيهم أحق بطلب الرضى ؟

قرات ردودكم جميعها ..

ولفت نظري رد نبض الدان .. اجل اهلي مو لازم يدخلون بيتي .. والله هزلت وبمعنى الكلمه .. يتضح لي ان في مشكله في مجتمعنا وطريقه تفكيره عن اهل الزوج .. وماهو كيد الاخوات اللي تتكلمين عنه !!! زوجتي ومن هم على شاكلتها .. كانت تذم بااختي وامامي ع الطالعه والنازله .. من اختك كذا ماراح تتزوج واختك واختك ... واختي يوم تتكرم زوجتي بالزياره لبيت اهلي .. تكرمها وتقدم له ماتطلب من احتياج بيدايه حملها وغير انها قامت بكوي عبايتها مساعدتها بكثير من الامور .. ولكن زوجتي المصون لديها من الحساسيه مثل ماهو واضح بردك ..

اجل اقول لي اهلي مو لازم تجوني ولا زوروني ويوم يسألون عن راعيه البيت وينها اقولهم .. مشغوله ولا ماهي فاضيه .. والله من العيب وقله الاحترام لي ولي بيتي ولي اهلي ..

بصراحه في سفري بديت افكر في الموضوع من جميع النواحي .. وبالفعل لم اشتاق اليها ولا الى اسلوبها بااي شئ .. واللي مصيرني هو حملها فقط لاغير .. تولد المولوده ولها حريه الاختيار من انها تمسك بيتها او تفارق وبدون شرووط وكلام فاضي ..

طفشت بل تعبت من التوتر وكثره التفكير في وضع ليس فيه خير مرجو ..

ونعم فيك والله
الزوجه الي ماتحترم أهل زوجها ووالديه خاااصه
مالها لزوم
وأصبت عندما قلت لها الخيار اما تمسك بيتها وبلا شروووط وعساك بعد ترضى وترتاح نفسك وترجع تودها من جديد وان اختارت الفراق فالحمدلله بدالها اخير منها والبنت ماراح تضيع واللوم مو عليك ع الام الي اختارت وهي بعمر كبير والمفروض انها عاقله وقد قرارها


موفق اخووووي 👍🏻👏🏻

نعم اخي شاطئ الراحه ،،،

الحياه مره وحده .. ليه الواحد يقعد يتعب نفسه في اعاده تأهيل زوجه .. ويضيع عمره في هذه المعمعه من الخلافات والنزاعات ..

استنفذت لدي جميع الحلول الممكنه .. ولا عاد في صبر ولا حيله للتعامل معها للأسف ..

فعلا اللي هاذا اوله ينعاف تاليه .. والله المستعان

إستعذ بالله من الشيطان الرجيم

واستعن بالله ولا تستعجل بعدك في أول حياتك

لا تسمع لكلام ناس جالسين يحرشونك ويحضونك باتخاذ خطوات تأثر عليك و على بيتك وهم ماراح يكونوا معك في اللي بيصير معك في المستقبل




استعن بالله واصبر

انا اشوف ان الزوجه تتغير اذا وقفها عند حدها لانك ايضا مشاركها باغلاطها يعني تعيب على اختك وانت ساكت فظنت انك موافقها وان اهلك مو مهم علشان كذا اتجرات واشرطت هالشرط لكن لو موقفها من البدايه ماشرطت والمره من رجالها وانت الحين بديت تعرف اللي لك واللي عليك ومتى تعاملها بحزم فليه جالس تدخل في راسك افكار سيئه انها ماتتعدل وتهون على نفسك فراقها.

اخوي كم صار لها متغيبة عن بيت الزوجية

__________________
سبحان الله وبحمده سبحان الله العظيم

اخي الكريم لا تستعجل بأي شي حاليا اتركها لبعد الولادة فلا تتواصل مع اي شخص من طرفها ! الا اذا احد الرجال كلمك فقول له الموضوع كامل وشرط الرجوع ! غير ذلك اترك التواصل تماما ولاتعطي اذنك ولسانك لاي فرد اخر ... راح توصلها
الفكرة وراح تعيد التفكير بكلامها و رد فعلها فإن بادرت فخير على خير وإلا فمصروف الطفلة توصله كاملا لها بالنهاية هالطفل البرئ ماله ذنب بمنازعات الكبار فلاتقصر عليها ابدا .....

الله يوفقكم ويجمعكم ببيتكم ان شاء الله ويهديها ويسخركم لبعص ان شاء الله

يا خوي ايش الحياة المتعبة هذي !!
لم يضيق الله عليك و النساء كثير ..

__________________
"إنه ليقف خاطري في المسألة والشئ أو الحاجة التي تشكل علي فأستغفرالله تعالى ألف مرة أو أكثر أو أقل حتى ينشرح الصدر وينحل إشكال ما أشكل"-ابن تيمية.