هو تفكيره كذا يحب يشرط عليها فلوس نصف او جزء من الراتب قد يكون بسبب انه محب للمال او يعتقد انه نظير تقصيرها في البيت و غيره من الاسباب(التي انا لا ابررها بالمناسبة)
المهم شرعا جائز له ذلك
رضت بذلك فلتعمل و تلتزم بذلك الشرط لا ترضى تقر في بيتها و هذا هو الافضل

.................................
والله انا سمعت فتوى شخص يقول زوجتي كانت موظفه واخذت منها فلوس مقابل وظيفتها
ونمت عندي هالفلوس
وزوجتي مره طيبه تعين اخواتها، وودي اعطيها هذي الفلوس هديه ولكن اخاف تصرفها
قاله الشيخ هذي في الحقيقة فلوسها ورجعها له موب كهديه هي حق لها

عندنا مشكلة عميييييقه
في علاقة الزوج بالزوجة
واللي خلا صراع الحداثه اللي بصف المرأة يطلع
هو مثل هذي الامور اللي مادري من وين ابتكرت وزعم انها حق للرجل

اي. جل بأخذ من امرأه مال مقابل خروجها للعمل ، وليس مساهمة مثلا في احضار خادمه تقوم مقامها ببعض المهام
يرجع هالمال لزوجته احسن من ان ربي يكويه فيه

اي شرط لا يخالف الشرع هو جائز.

بس شرط الفلوس حلو. عشان كذا كثر عليه السؤال
شرط يدل على الطمع و الاستخفاف بجهد الزوجة و كأنها رايحة تستجم
ماشاء الله وش بيصير لو أتحمل تقصيرها و تلطف معها و ساندها
و هي من عيونها بتساعد من غير شروط.

__________________

لا معليش هذا شرط واضح استغلال المرأة فيه ، واستغلال ضعفها
واتمنى من علماء الشريعة نقده والوقوف عليه
يعني على ايش تأخذ من زوجتك نصف راتبها او ربعه ، مقابل خروجها من البيت
يجيك الرد لانها قصرت في حقي
اشرح لنا كيف قصرت في حقك ؟
طالعة طول الصباح ورجعت ونامت
طيب انت راح تجي الصباح للبيت ؟ لا
انت متأكد انها بتنام اذا رجعت من الدوام ؟ لا
طيب متأكد انها ماراح تصحى بدري وهي عاطله وقت دوامك ولما ترجع تنام؟ لا
طيب انت متأكد حتى لو كانت عاطله ونايمه الصباح ما تنام العصر!
بعد لا

اما تعويض النقص المحتمل في اداء المهام ان حصل منها تقصير
من خادمه مثلا للغسيل والطبخ
فعلا هذا تتحمله المرأة
اما شغل جيبي خادمه وسايق وعطاني راتب ، وش هذا ؟؟
صار هو اللي يشتغل عندها؟؟ طبعا وظيفته وشو زوج للإنجاب والبرستيج وإشباع الغريزي!!!

تخيل زوج دوامة من 8 الصباح الى 5
ودوام زوجته من 8 الصباح الى 2

بينها وبين عودته3 ساعات يمديها تنام وتصلح غدا
وبعد تروح لأبو ريالين
على ايش ياخذ منها مقابل !!!
وين التقصير بالموضوع

وش فيك علي وش قلت انا😁😁
طيب انا دارية انه فيه استغلال


بس نعم يمكن تقصر الموظفة بسبب الجهد المبذول خارج المنزل
بس ليش الفلوس. بتعوضه عن الرغبة اللي فاتته😫

__________________

انفعلت شوي ، لان بجد احس المسألة مفروض تتناقش من العلماء

طيب انا بقولك مثلا ، الان الزوجات الشابات ، غالبا يسهرون
وغالبا تأخذ لها اقل شيء ثلاث ساعات زي الجني لحالها ع النت
او ع التلفزيون وكلها أوقات مهدوره ومايستفيد منها الزوج ، وتأثر على جهدها ع قولتهم
المهم ممكن تتابع فيلم ، او برنامج ، او تدور فستان ع الانستقرام

يعني اعرف متزوجة حديثا تقول انام اذا طلع زوجي الدوام ، اصحى 2 عشان اصلح الغدا
راح وقتها في النوم ، وجهدها ع السهر والانستغرام والافلام ، وتويتر ، ومحد خذا منها فلوس
ومقدار الساعات اللي تنامها8 ساعات في النهار ما تسوى شيء عند نومة الليل والجهد المشحون ع اصوله

لأن ما ورآها فلوس😁وش بيطلب يا حسرة
الموظفة ورآها ذهب. و الحجة. مقصرة😃👍

__________________

بالضبط ، لذلك اعتقد والله اعلم
ان مسألة خروج الزوجة للعمل بغير شرط
يتطلب فيها رضى الزوج فقط اذا كانت مو شارطة
زيها زي نوم المرأة عند اهلها ، او اختها
واقفه فقط على رضى الزوج
مقابل ذلك تلتزم المرأة باحضار خادمة تزهب الغداء وتغسل الملابس
وتلتزم بمصاريف السائق
كذا معقول ومقبول اما عطيني فوق هذا فلوس !!!
اراه استغلال
ومن الخطأ التشجيع على هذا الاستغلال المادي للمرأة