مادري وش دخل الكرم ونومها بغرفة النوم ؟!!

وياللا افتحي على نفسك باب ..
بعض الازواج ماينعطون وجه وبكل مره بينوم احد بغرفة نومك دامك سمحتي ..

بكرا لو جت اخته قالك بنومها عندنا بغرفة النوم ..

انا اشوف صراحه تجهزولها المجلس من والى عشان تكون هي مرتاحه
احس صعبة تنام بغررفه النوم بتنحرج هي اكثثر بعد
وانتي موظفه واكيد اغراضك كلها بغرفه النوم
بس دامك استعجلتي وقلتي لزوجك تنام بغرفه النوم فمو حلوة ترجعين بكلامك خلاص خلي كلمتك وحده
ماتدرين يمكن تجي امه وهي ترفض تنام بغرفتكم

يعني أمه بتطب عليهم فجأة؟!!!

أكيد بيكون في وقت يمدي أحبه ترتب الغرفة وتشيل الخصوصيات اللي المفروض محد يشوفها.

وأكيد أخته أو أي حد من أهله وضعهم مختلف ولا يجب لهم نفس المستوى من الاهتمام.

وحتى أمه نفسها كان ممكن بالفعل تجهيز مكان آخر لها غير غرفة النوم لو كان ولدها اقترح هذا .... لكن ما دام يبا أمه تقيم في غرفة النوم فمب حلوة نقول له شوف لها مكان ثاني.

لو الكلام طلع من ولدها أو الأم نفسها انحرجت ورفضت فهذا شي ثاني .. لكن إنها تطلع من أحبه مب حلوة.



مب مطلوب من أحبه تكون مبسوطة من الوضع .. لكن مطلوب صبر وتحمل وتقدير للأمور.

يعني معقول محد فينا سوى شي عكس ما يحب .. وسكت وتحمل وطوّفها؟!

__________________


اللهم طِيبَ الأثر .. وحُسْنَ الرحيل.

الغرفة كلها خصوصيات يعني دولاب الملابس مثلا والعطور وهذي الأشياء كلها وين تحطها؟! بيصير شغلة وعفسه اذا بترتب ملابس وبتطلعهم لمدة اسبوع او بتظل تدخل وتطلع من الغرفة..الأفضل ان تظل غرفتها لها وبالعكس اتجهز المجلس واتخليه جاهز ومن أحلى مايكون وتكلم زوجها وتقوله بشتري أغراض لتجهيز غرفة خالتي وبيعرف..

العطور خصوصيات؟!!!


على كل حال .. اللي يبا ياخذ الموضوع ببساطة بيسهّل الأمور على نفسه وعلى اللي حواليه .. واللي يبا يحبّكها بيطلّع مبررات وحج تعقّد الموضوع وتحوله إلى مشكلة.

__________________


اللهم طِيبَ الأثر .. وحُسْنَ الرحيل.

حبيبتي مو سالفة خصوصيات السالفة نقل الأغراض والعفسه اللي راح اتصير .. وانا مااشوفها مشكلة اذا جهزت غرفة لخالتي بالعكس احس ان ضيوفي يرتاحوا أكثر اذا جوا وشافوا غرفتهم جاهزة..على العموم الشخصيات تختلف يمكن انتي عادي عندك ضيوفك مثلا يناموا على سرير الزوجية ..ولكن في ناس يعتبروا سرير الزوجية شي مقدس وخاص للزوجين ..وفي النهاية الله يوفقهم ويسعدهم وكل واحد ينام ع الجنب اللي يريحه

غرفة النوم لها خصوصيه

ملابسها للنوم وغيرها صعب صعب تشوفها أم زوجها


خليك مبتسمه و اطلبي منه تطلعون تشترون سرير لها مريح لظهرها ودولاب لملابسها ورتبي المجلس لها بحيث تكون غرفه لها وبطانيات و دفاية زيت

بخريها لها و أشتري مواد الأكل أتوقع لها نظام معين لأنها مسنه وخذي أجازه من دوامك أو تغيبي يومين ترتبين أمورك وجيبي خادمه لأمور البيت ورعايتها وأنتي في دوامك

أحتسبي الأجر وأكرمي الضيف الله يرزقكم بالذريه الصالحه

عزيزتي احبه ،، اخذي الموضوع ببساطة بعض الاحيان تجبرين على فعل مالاتحبين ! كلنا مرينه بمواقف مشابهه ونمشي الوضع دامه مؤقت ومنها ثواب من رب العالمين ...

موضوع غرفة النوم ،، هو اقتراح زوجك فقط لانه كرجل ماعنده اختلاف في نومه الغرفة عن المجلس ! ولان غرفتكم مريحة لوجود السرير والذي منه من اغراض غرف النوم المجهزة فاعتبرها المكان الاريح لوالدته كون المجلس غير مجهز بهالامور ...
اللي عليك طنشي هالنقطة وماتدرين اذا جات ام زوجك هي اللي ترفض اصلا ! ،، وبعد فيه حتمال انو ممكن حتى مايسكنوا عندك ... عليك فقط الموافقة وخلي السفينه تمشي بحمايلها وانتظري ولا تستبقي الاحداث واعتبريها فترة وتعظي باذن الله.. اصري عليه على بر والدينه مو بالفلوس لااا بالرحمة والطاعه حتى لو بالمجاملة يفرحهم وانتي اللي بتكبرين بعينه وبيستحي من منعك من الصرف على والدتك او استقبالها ...

ماعليه حتى لو الامر بيضغطك شوي لكن وراه ثواب كبيير واعتبريها كوالدتك ووالدك واصبري و ساعدي زوجك بخدمتهم ، الله يوفقك ويسخر لك زوجك ان شاء الله ...

موب مسألة خصوصيات ...

المسأله اغراضها وحاجاتها وعفشها ينحاس وتغير مكان نومها علشان بس ينقال انها اكرمت ام زوجها ..
وهو الكرم منا ونوم الام بغرفتها مناك ..

ولا اشوفه من المناسب اجامل بشي غير منطقي ..


لو اني ام وقالي ولدي نامي غرفتي
انا ماشوفها كرم ولا حب ولا اشوفه يدور راحتي
لان راحتي انام بمكان مناسب مو يحطني بمكان نوم غيري ..

لو تدرون أصلا زعلان ولا مفكر فيني .. براحته البيت بيته يستقبل اللي يبي .. تعبت من هالحياة معه..

اليوم بروح لاهلي وأفكر أطلب منه أنام عندهم لبكرة .. لان كل واحد جالس لحاله لاكلام ولا شيء..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..