ماودي تنتظرون وأبتلي فيكم هههههههههههه لكن متعة الكتابه هو تشويقكم 😎
امممم خطأ أنا ذكرت لفيصل من قبل إني عرفت صاحبة الساعه والخاتم وذكرت انه تعمد للبس هدية مادلين !!
بس والله عجبتيني ودي تكتبون ابي أدخل مخيلتكم وأستقبل ردود أفعالكم أبي أعيش قصتي وانا داخلكم !! 😁

لا مو تشويق الا عذاب هههههه

__________________
أشهد أن لا إله إلا الله و أشهد أن محمدا رسول الله صلى الله عليه و سلم

يبغاها تشعلل غيرتها وتتكلم صح
بانتظار البارت الجديد

بالتوفيق وعد

__________________
سبحان الله وبحمده..سبحان الله العظيم

اخيرا خلصت قراءة جميع الصفحات

فيه حلقة الليلة ولا انام ؟

جعلني فدااك الآن بكتبها بس ماظني بتلحقين عليها نامي جعله عوافي وأقريه مع قهوة صباحك وبعده نوريني بحروفك 💝

وصلنا للمطعم نفطر ماكنت أشتهي الأكل سد نفسي من الصبح طلبت لي قهوه وجلست أشرب فيها : وراك ماتفطرين
بدون ماأناظره: ماأشتهي
: وين تشتهين اذا انت ذابحه عمرك قهوه
: نفس طبعك
إبتسم : يعني انت متفقه معي إنه بينا أشياء كثيره نتشابه فيها!!
رفعت له حاجب : بِسْم الله عليّ من إني أشابهك
ضحك بصوت عالي : هههههههههههههههههههههه والله ي بختك
صديت عنه مقهوره: خير إن شاءالله
حاسب ومد لي ايده اللي فيها الساعه والخاتم : مشينا
وقفت من دون أمسك ايده وكملت طريقي ولما طلعنا من المطعم مسك ايدي وشد عليها بضيق : خذني للشقه
بإبتسامه عريضه : آسسسف ، مافيه شقه الا لما أقول أنا
حاولت اسحب ايدي لكن مسكته كانت قويه وبنرفزه: مالي خلقك ترا ولا لي خلق للتمشيه كللش
إلتفت لي وهو يبتسم: ومن قال انه طالعين نتمشى
عاقده حواجبي معصبه : وين بنروح أجل
حط ايده ع شفايفه: أمممممم << إلتفت مبتسم >> مفاجأة .
بغيض: لا إنت اليوم مو صاحي
عقد حواجبه : عشان إني بفاجئك
عصبت : لا من بداية اليوم وتصرفاتك تدل ع انك مو صاحي
رفع حاجب وابتسم: مثل إِيش طيب ؟!
ناظرت ايده ورفعته له : هذاً مثلاً
نزل أيدينا : اهاا .. عادي
عصبت : وشو عادي ذه شي مو عادي أبداً
وقف قدامي وناظر بعيوني : ليش
الكلام رفض يطّلع معي ، : تكلمي قولي لي ليش مو عادي وش الغلط إني ألبسهم
ثرت عليه : الغلط انه من من الساعه والخاتم وليش لابسهم وش تقصد بالحركه هاذي
بعد من قدامي وكمل مشي ورفع متونه : ماأقصد شي كل مافي الأمر انهم لهم مكانه خاصه بنفسي وحنيت لا أقل ولا أكثر
بألم: تدري وش يعني كلامك هذا
إبتسم وإلتفت لي : اللي يعنيه وش لك فيه ، خلينا بيومنا هذا لأنه مهم جداً بالنسبه لي
صديت عنه أمنع دموع القهر لاتفضحني وأضعف تعبتني ي فيصل كل تصرف منك وكل كلمه تقتل فيني حد الوريد ،
دخلنا محل ملابس سهره إستغربت: وش تبي من هنا
طلب منهم فستان سهره بسيط وناعم وجابوا له كذا موديل واختار واحد نعوم وكيوت وساتر ودفع حقه وكملنا المشوار وانا طول الوقت أسأل وين رايحين ووش المفاجأة ولمن هذا : اممم سمعتي باللي يقول من الذوق رد الهديه بهدية
وقفت مصدومه : وش تقصد؟!!
سحبني أكمل مشي : اللي فهمتيه ي عمرري
داخلي ( وش الوقاحه اللي انت فيها سخيييف وحقير) جلست آكل في نفسي وانتبهت ع محل سحبته لصوبه: وش فيك
: بدخل هنا بآخذ هديه
إبتسمت : لجدي
دخلنا المحل وإخترت ساعة جورج آرماني وطلبت منه ينقش عليها أحبببك حد الجنون ، عقد حواجبه : هذا لجدي
إبتسمت له : إييه
طلب من البائع مايكتب عصبت : لييش
بحزم : بس تاخذينها كذا ولا بلاش منها أساساً خذنا له هديه تكفي
: قلتها خذنا وانا حابه أهديه مني انا شخصياً
بجديه : وانا قلت تبينها خذيها من دون تكتبين عليها أساساً جدي وش فهمه بالحركات هاذي
زممت شفايفي قهر: وانت وش عليك فهم او لا المهم انا فاهمه وش أسوي
: لا يعني لا وخلصيني لايضيع وقتي ع الفاضي
بعناد : وأنا قلت أباها بالكلام
شكر صاحب المحل ورد الساعه وسحبني معه برا وانا معصبه واضرب في ايده : فصيييل هدني أبا آخذ الساعه لجدي مو كيفك تسيرني وراك كذا << وبعد الضرب اللي جاه إلتفت لي ثاير وواصل حده : شببببب وامشي ساكته لا أسكتك بطريقتي
بعناد: ماابي رجعني الشقه ماراح أكمل معك
صر ع أسنانه: بلعي العافيه ي هدييل ولا تخليني أتهور
خفت من نظراته اللي ماتبشر خير كان حده معصب حتى انه عصر إيدي عصاار ، جاريته ومشيت معه ودخلنا كذا محل بعده دخلنا مقهى طلب لنا قهوه ومزاجنا ماكان ذاك الزود وقفت : ع وين ؟
: الحمام ولا فيه حظر تجول << عزكم الله
صد عني ورحت الحمام وبعد ماخلصت حاجتي جيت برجع مكاني لكن تذكرت ساعتي وناظرت مكان ماهر جالس وشفته مشغول بجواله والمكان مايبعد عن هنا كثير طلعت أشتريها 😁 << العناد اذا ركبني ركبني 😂
والحمدلله ماخذ وقت كثير خبيتها في الشنطه ورجعت له وكان مشغول بجواله ويضحك غرت من اللي يكلمه انا مكشر في وجهي ومعه ضحكه واصل للصين 😒 جلست ورفع راْسه : ماشاءالله كل هذا بالحمام
مارديت عليه ورجع إنشغل بجواله وانا مليت ووصلت حدي : ماباقي شي ع الظهر خلنا نرجع الشقه
حاسب وطلعنا من دون مايتكلم معي نزلني الشقه وكمل طريقه وقبل قال انه ماراح يرجع الا بعد المغرب وإني ماأحسبه بالغدا ولما سألته ليش قال مشغول << 😡
بعد ماصليت حسيت بتعب ريحت ظهري ع الصوفايه وسرحت فيه وبتصرفاته اليوم هو قال انه يحبني وانه مايميل لها. وانه يكرها ويحتقرها طيب ليش حن لهديتها ولبسها وانه لها مكانه في نفسه وبكل وقاحه خذني اليوم أختار لها هدايا تعبت أفهم الإنسان هذا !! إذا كان يحبها ليش كذب عليّ ومثل الحب لي ليش علقني فيه وخلاني أحبه << غمضت عيوني >> لا لا هو مايحبها نسيتي كلامه وش قال عن اخر موقف صار نسيتي كلامه مع سمر << شدِّيت شعري >> طيب هو ليش يتصرف كذا ليييييييش ؟؟
صعدت خذت لي شور دافئ بريحة اللافندر أهدي فيها أعصابي وتوتري وابعد عني الأفكار المزعجه ريحت راسي نص ساعه وبعده طلعت ونمت ع وضعي << بملابس الحمام >>

وقبل المغرب بنص ساعه صحاني : هدوله قلبي قومي
فتحت عيوني بتعب : همممم
مسح ع خدي وإبتسم ، فركت عيوني مثل الأطفال وسحب ايدي وباسهم : صح النوم ي طفلتي
إلتفت للنافذه: حنا إِيش اللحين
مبتسم : العصر داخلين ع المغرب
نقزت وتكشف شي من جسمي وانتبه عليّ وتوترت انا وقفت بسرعه وهو صد أحترمني : صلي صلواتك وأنزلت تحت أحتريك
وبعد ماصليت فروضي نزلت له وكان جالس وحوله أكياس عقدت حواجبي هذا بعض اللي خذناهم اليوم الصبح إبتسمت سخريه وبنفسي << ردتهم أميرة زمانها >> إنتبه لي وإبتسم : حي الله هالدول جعلني فداه
بسخريه : شالسالفه ماعجبوها أميرتك
مبتسم : من قال أساساً أميرتي واثق بذوقها ومتأكد أنه راح يعجبها اي شي يجيها مني يكفي أنه الفيصل هو اللي جابه
بحرره في نفسي << جعلها ماتتهنى فيها >> : قدرها
ضحك : هههههههههههه طيب قومي تجهزي لأنه بعد العشا طالعين ع طول ماعندي وقت
عقدت حواجبي: وش له أتجهز ووين طالعين انت اليوم كلك ألغاز وانا أمشي وراك مثل البكمه
قرب شوي وناظر عيوني : سوي اللي قلته لك ولا مو واثقه فيني
بلعت ريقي وتوترت هزيت راسي إييه ، إبتسم وقرص خدي : يلا قومي لكن بعد فنجان قهوه من إيدك الحلوه
إبتسمت له وقمت سويت له قهوه ومديته له جيت بمشي لكن مسك ايدي وقال : خذي الأكياس تجهزي فيهم
رفعت له نظري وضحك : هههههههه هذا لك
فهيت: كييف انت قلت انه ...
قاطعني وهو يضحك :ههههههههههه صح حقها خذيته لها اما هذا لك انت
عصبت وحذفتهم : ماآبيييهم خذه لها كلهم
وهو مازال ع ضحكته : لا بتلبسينهم برضاك ولا انا بلبسك غصب
مشيت عنه وانا معصبه خذ الأكياس ووقف بطريقي ورفع حاجبه وابتسم ع جنب : ي بننت تدرين فيني مجنون وأسويها ع أحب من قلبي بعد تدرين ليومك هذا ماتهنيت بحلالي << غمز ، وتقشعر جسمي خذت الأكياس ورررررركض وهو جلس يضحك >> اذا ماكان اليوم ي هديل لنا نصيب بالأيام الجايه ههههههههههههههههههه
جلست ع السرير حاولت أهدي من نبضاتي : وش فيك ي هديل خايفه ذه حقه حمدي ربك صابر عليك لليوم ، ايه حقه بس توترت عادي وبعدين انا ودي أعطيه حقه بس مو اللحين ياربي مو اللحين ، غمضت عيوني اطرد الفكره والخوف وقمت أجهز وبعده صليت وناظرت شكلي بالأخير ونزلت له كان واقف ع نافذه الشرفه ولابس طقم أسود وقفت وراه : أنا جاهزه << إلتفت لي وناظرني من فوق لتحت ، وقرب مني >> ماشاءالله حافظك ربي من عيوني ومت عيون خلقه
إبتسمت خجل ومسك ايدي وحطه ع قلبه ( قولي لي ماذا فعلتِ بي كيف تمكنت من كسر جبروتي وجعلتني أسيركِ أسير هواك وعشقك !! قولي لي ي فاتنتي كيف جعلتي هذا ينبض بأسمك إنت إمرأتي وسيدتي أنت فاتنتي وعشقي وأنا الفيصل أسير هواك ِ ) ضعت تهت بكلامه ونظرات عيونه اللي كلها حب وشوق وبعد لحظه هو إبتعد مدري ليش لكن كان فيه يستغل اللحظه ذي بعد عني وعطاني ظهره ومشى كم خطوه : مشينا اذا خلصتي
ركبت السياره ولما حرك انتبهت لأيده مازال لابسها إنقهرت منه فوق عاشق وهنا خاين : ماشاءالله للحين فيك حنين
عقد حواجبه : نعم !!
أشرت بعيوني ع الساعه وابتسم : أشوف الساعه شاغلتك طول اليوم بسيرتها
بكره: وانت طول اليوم لابسها
وش يضرك طيب
بعدم إهتمام : مايضرني بشي بس أكره الكذب واللف والدوران
ههههههههههههه طيب أنا ماكذبت ولا لفيت سألتيني وجاوبت
بقهر: انت فاهم قصدي لاتسوي فيها ماأنت فاهم
لا وش قصدك
بعصبيه : الساعه ذي والخاتم هدية حبك مادلين ليش تدعي وتكذب انه مابينكم شي وأنك ماتحبها
اييييه قصدك كذا اهااا آسف ماعندي وقت للإجابة
نعععععم وش تقصد
أقصد ماعندي وقت أضيعه بالجواب وانا واثق ومتأكد إنك ماراح تصدقين مني كلمه
بعصبيه : لأنك مب صادق معي
: شفتي كيف لذا اتحفظ أفضل
ايييه أفضضل
طيب نزلي وصلنا مسك ايدي ودخلنا كان المكان رااايق وجميييل ورود ابيض نازله ع أغصانها من السقف وطاولات موزعه بكل مكان وعليها شموع ابيض وبتلات الورد وضيافه بسيطه ومن الباب للمنصه ممتد قماش ابيض << المكان سحري وهادي وكان زحمه >> إلتفت له : انت وين جايبني المكان كأنه فرح زواج
إبتسم : صح عليك زواج
بخوف هو كاشخ ولابس كأنه معرس : من زواجه ؟!!!!
مبتسم دقيقه وبتعرفين ، بنطق الا ابتدت موسيقى الأوبرا وانفتح الباب وطلعت منها أجمل عروس شافتها عيوني وشهققت هاااااا 😮

ومضه :
هل يجوز لك أن تعذب قلباً ذاب عشقاً بهوااك .. 💔

والنهاية معاه 😡

اتوقع الحفلة لها
بس العروس ماني لاقيه لها تفسير
مستبعدة تكون مادلين

ياااااي
عرس سمر الحبوبة

يا الله يا ريتني ما دخلت وقريت الا وقت انتهت القصة لانو هيك ما بتوفي معي يعني متل اللي جوعان وبياكل لقمة وناطر الباقي لينضج 😓😓😓😓😓

اهم شي سيرة الاكل شو جاب لجاب 😁😁😁😁😁


المهم ليش عم يحرق فيصل بهدولة وما بدو يقلها من مين الساعة وايمتا رح يخبرها انها من منى حسب اعتقادي

وانا اتوقعت انو آخدها مفاجأة لتشوف جدها ومنى بس طلع في عرس
فالمرشح الاول عرس سمر يا رب تزبط ههههه
تسلم الايادي عزيزتي وعد الذات
واكتبيلي يافطة انو انا ممنوع عليي ادخل لتكمل القصة
للصراحة لانو كنت مندمجة فيها وعايشة احداثها بكل تفاصيلها وهلئ واقفة بنص الطريق 😭😭😭😭😭

بس بيقولوا هيدا هوي اسلوب التشويق صح
بس ليش انا ما بينفع معي
الله يعطيني الصبر واتحمل الانتظار للاحداث الجاي بكل شوق
يعطيكي الف عافية 🌷🌷🌷🌷🌷🌷🌷🌷🌷🌷

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه