كوكي وهو في احلى من النهايات السعيدة 😆

__________________
سبحان الله وبحمده..سبحان الله العظيم

صحيت من النوم مرتاحه وخجلانه 🙈 حمدت ربي انه مش موجود عشان اقدر آخذ راحتي وأرجع ع طبيعتي خذت لي شور بعده تعدلت وكل مسارح بالي في أمس توردت خدودي وتوترتايدي ترجف إبتسمت وضميت وجهي بين أيدي : ليش متوتره كده ومستحيه خلاص صار زوجي وحبيبي رفعت راسي وناظرت نفسي بالمرايا مبتسمه : أصبحت عروس كامله << حطيت ايدي ع قلبي اللي كانت نبضاتي سريعه>> أصبحت ملك حبيبي خذت دفتري الأسود اللي صار له من زمن مركون وكتبت ( تطمن ي حبيبي وأخيراً بعد طول الإنتظار والأسى وغيم الحزن أمطرت ، ثمرة فؤادك بالأمس أصبحت عروس، طويت كل الآلام والأحزان مع صفحة الأمس وإبتديت بصفحة حروفها كلها سعاده وفرح وحب ، لا لاتتضايق مني إنت الشخص الوحيد اللي ماأقدر أطويه مع الأمس إنت أمسي ويومي وكل عمري مازلت أنتظر وع أمل أشوفك ويجمعني فيك ربي من جديد ،ههههههههه تطمن مكانك بقلبي محفوظ لا فيصل ولا غيره يقدر ياخذه ، أحبك ي بعد كل غالي )
خذت شنطتي وحطيت دفتري الا اتذكر العلبه وأبتسمت فتحتها بعده قفلتها رميت الشنطه ع جنب ونزلت أتفقده وينه فيه لكن تفاجأت السلالم كلها ورد أحمر منثور وشموع الجو كان رايق وجميل جو رومانسي 😍 مشيت ع الورد أشوف الدرب اللي بياخذني ( لطاولة صغيره فيها بوكيه ورد أحمر وعلبه أنيقه خذت الورد وشميته خذت الكرت ( صباح الخير ولا الخير يهدي لك صباحته، صباح الحب ي عشقي ، صباحي أنت وبك أكتفي ي أجمل عروس نبض لها قلبي ، أحبببك) بست الكرت والورد وخذت العلبه فتحتها كان عباره عن إسواره ناعمه كرستاليه أبيض بأسود.
وع طاولة الطعام الفطور مجهز وكرت ( جهزت لك الفطور مثل كل مره بحب وشوق لشوفة عيونك ومبسمك لكن طرأ علي أمر مهم أعذريني حبيبتي ساعه بالكثير وأنا عندك وأدري تُحبين القهوه ساخنة لذا جهزتها وتركتها في الغلايه ، أحبببك ) جلست أفطر وأحمد ربي وأشكره ع نعمته والسعاده اللي أنا فيها وطلبته يديمها عليّ ولا يزولها عنّا .
رتبت الطاوله وخذت كوب القهوه وجلست أستمتع بالجو اللي ناقصني وجوده خذت جوالي ورسلت : أهوى رجلاً هو لقلبي سلطاناً )
شوي وجاني رده ( أني أهواك ي أميرتي أنت وحدك حروف قصيدتي وأسطورتي أنتِ عشقي وعروسي أحبك حتى الرمق الأخير )
خجلت من كلامه دايم يغلبني بتعبير عن مشاعره قطع عليّ رسالة ثانيه( إشتقتِ لي )
رديت له ( عندما نشتاق لأحد وبشده يصبح العالم وكأنه خالي من البشر..! )
رسل ( يعني ؟!! )
هههههههههههههه ورسلت ( المعنى واضح !!) الا صوت من وراي نقزني ( ليش مشاعرك فيها غموض )
إلتفت له وإبتسمت : الا من ناحيتك أبد مو غامضه وان كانت ناظر لعيوني لأنها فاضحتني وإن مافهمت لاحظ تصرفاتي وإرتباكي وإن مافهمت لها إسمع من صوتي لهفتي وان مافهمت قرب مني خطوه وحط إيدك ( مسكت ايده) وقربها من قلبي وإسمع لنبضاتي وإنصت للي تقوله وقتها بتعرف وتفهم من غموضي إني أحبك وأحبك وأشتاق لك حتى وإنت معي ) إبتسم وعبر لي عن مشاعره وشوقه بطريقته ثم إبتعد عني وكنت خجلانه وضحك : ههههههههههه حتى بعد كل شي صار مازلتي تستحين مني
بخجل: لو تمر علينا أعوام وأعوام بظل ع حالي وبخجلي لأَنِّي بين إيديك أنا أنثى غير !!
قبل جبيني : الله يديمك لقلبي ويدميك لي ي أغلى من نبض له قلبي .
رِن الجرس : من اللي جاينا اللحين حسبي ع وقتهم
هههههههههههه قم شوف بس من
فتح الباب وشفته تصنم : مييي...<< ماكملت >> أنا مادلين كيفك ي قمر
فيصل سحب ايدها : من سمح لك تدخلين برا يلا
بعدت ايده عنها ومسحت ع خده : لشو معصب حبيبي ماتخاف عندي كلام ضروري تعرفه المدام
بكره : خير وش عندك
فيصل : اتركيها عنك هاذي حيوانه وما...
قاطعته: خلها تقول اللي عندها تكلمي وش عندك
قربت مني ولعبت بشعري وتبتسم جا فيصل وبعد ايدها عني ودفعا وصرت ورا ظهره : تكلمي قولي اللي عندك وألفي بسرعه
مشت حولنا وتتلمس الورد والبوكيه والشموع : ههههه شو قاطعتكم من لحظه خاصه
فيصل مسك ايدها وشد ع أسنانه : بتقولين اللي عندك، ولا ارميك برا
تضحك : هههههههههههههه لشو مستعجل ع خراب بيتك اللي بدّي قوله مابيرضي حدا فيكن
فيصل قرب بيضربها لكن منعته وقالت : ي قمر اللي واقف قدامك هذا خاين ومابيعرف يحب خدعني من قبلك ولما طلبت منه نتزوج تهرب بعده أختفى وعرفت انه رجع لبلاده بس أنا مانسيته ولا كرهته حبه بقلبي يكبر يوم عن يوم ولما رجع هون فرحت كتير لكن صدمني بخبر زواجه منك بس أكتشفت بعده انه مايحبك وتزوجك هيك بضغط من أهله ( إنصدمت من اللي سمعته فيصل حكى لها ، ناظر فيني وكأنه قرأ عيوني وهز راْسه ينفي ) فرحت كتير يعني لساته بيحبني وقلبه مانسيني بتتذكري الليله اللي شفتينا فيها كان هو متصل عليّ وإستغل غيابك لعلاجك عند سمر إتصل عليّ وقال انه مشتاق لي كتير ولأيامنا مع بعض طلب مني أجي لعنده وجيته واعتذر لي وحكى لي عن حبه وانه مانسيني ومشتاق لي ووعدني ينهي كل شي ونبدأ من جديد وأنا متل كل مره صدقته لأَنِّي بحبه بجنون وسلمت له حالي ولو ماجيتي كنّا عشنا أجمل لحظه بعد غياب طو..... ماكملت لأنه جاها كف معتبر من فيصل : ي الحيوانه ي القذره << أكرمكم الله >> لاتشركيني بأفكارك الوصخه أنا أشرف من أني أكون بعلاقه مع وحده مثلك .
وهي تبكي : من شو خايف وانت قلت لي ماتحبها ومابدك إياها وأنك مغصوب تتزوجها حرام عليك حبنا يضيع بسبب وحده مثلها ....
حط ايده ع فمها : إياك تنطقين بإسمها ع لسانك القذر ، وأي حب وأي قذاره تنطقين بها انا لو أحبك قسم لأطلع قلبي من جسمي وأرميه بزباله.
مسكها وجرها برا وهي تصارخ وقفته: فييييصل أتركها
إلتفت لي وهو مازال ماسكها : إتركيها عنك ذي وحده ماعرفوا أهلها يربونها جات لعندك ترمي بلاها علينا
قربت منه وناظرتها: لا إتركها هي جات وقالت اللي عندها ولازم تسمع اللي عندي ومن دق الباب لقى الجواب ،
أنا فاهمه عليك وع كل تصرفاتك إنت من الأول وانت تحاولين تفرقين بينا ومانجحتياو ماحصلت الوسيله وغمزت سنارتك بذيك الليله لكن للأسف إنفلتت منك وقلت أرجع أعيد الطعم بشكل أكبر وأصيب بصيدي صح لكن للأسف ( ناظرت بعيون فيصل ، أعذريني أخبرك أنه قبل كنت مهزوزه وماعندي ثقه بالإنسان العظيم بعيوني والعظمة لله سبحانه ماكنت أثق بالشخص اللي واجه كل الصعوبات عشان يشفيني ويساعدني ع ماأبتليت به ، اليوم ذاك مثل ماكان ورقة حظك هو كان بعد ورقة حظ لي باليوم هذا عرفت أنبل إنسان وأوفى شخص كنت أعيش معه رغم جهلي له ، عرفت حقيقته وغايته من كل هذا وهو مساعدته لي من انه يطلعني من الظلام للنور من الحزن للفرح ، إسمحي لي أقول لك وأحطمك أنه ثقتي بالإنسان هذا ثقه عمياااء ولو شفت بعيوني أكذبها وأصدقه فيصل لي ملكي لوحدي هو لهديل وهديل له محاولتك للأسف فاشله .
فيصل من بدايه كلامي ترك ايدها ووقف يناظرني مصدوم وانا مسكت ايدها وطردتها برا وسط بكاها وقفلت ورآها الباب إلتفت له وكان واقف يناظرني بذهول وإبتسمت له وقربت : ههههه وش فيك كذا متصنم .
نفس وضعه : من متى تعرفين ؟
مبتسمه : من يوم كنت عند يمر وتتكلمون فوق راسي
ع وضعه : بس كنت نايمه
هههههههههههه تمثيل
يعني انت عرفتي بكل شي كل شي
اممممم قصدك سبب سفرنا وكذبتك للشغل ولا قصدك سبب منعك من اتصالاتي لجدي ولا قصدك بحبك ومتى إبتدا ولا قَص...
حط ايده ع شفاتي : يعني عرفتي بكل شي
بعدت إيده : وأبيك انت تعرف شي واحد ومهم إنك تغيرت بعيوني كيف ماكنت أشوفك صرت أشوفك إنسان اللي حلمت طول عمري أرتبط فيه وأحبببه .
رفعني ودار فيني وصار يصرخ بكلمة أحبببك ، وإمتلت الشقه صوت ضحكنا وسعادتنا ..
بعده نزلني : عندي لك مفاجأه كنت بقولها بس خربت عليّ بنت إبليس
بفرح : وش هي
لا لا أول بأخذ لي شور وانت جهزي لي قهوه من إيدك الحلوه وأرجع أخبرك وش هي
أشرت ع عيوني : من عيوني
باس عيوني : شكله مافيه حمام<< أكرمكم الله >> ولا شور
فهمته وركضت وانا أضحك : تعوذ من إبليس وخذ لك شور أحسن لك
عض ع شفاته : وين بتروحين مني مصيرك ترجعين لعندي
ههههههههههههههه << صعد يأخذ شور وانا دخلت اجهز القهوه واشوف لنا حلى مع القهوه ..
خذتها وحطيتها قرب الصوفايه اللي عند النافذه وكانت الدنيا مطر جلست أدعي ربي وأطلبه ومر الوقت وانا أتأمل المطر ، هديييييل << نقزت من صوته نبرته كانت كلها غضب >> إلتفت له وحاله حال : وش فيك
حذف العلبه : وش ذه ي هانم الا تكسرين كلامي وتعانديني وتنفذين اللي برأسك غصب
عضيت ع شفاتي ، : ماتردين ي أستاذه انا ماقلت لك ماتاخذينها انت بس تبين تعاندين وتقهريني يعني
فيصل أنا ..
معصب حده : بلا فيصل بلا هم إنت كسرني كلامي ي هديل وعاندتيني ( رمى الفازه اللي جنبه ومشى )

ماراح أقفلها بالومضه اليوم لأنه إذا الله شاء كتبت الحلقه اللي بعدها لعيون مريوم 💝

الساعه أشتريها لك
لحظه صمت وإلتفت لي : إشتريتيها لي !!
قربت منه ومديت له الساعه مقلوبة : إقرأ وش مكتوب
خذها وقرأ: مغرمه بتفاصيلك f&h
ممكن أكون عنيده مرات ولاأسمع الكلام
قاطعني : كثييييير مو مرات
إبتسمت له ومسكت ايده : لكن اللي متأكده منه مغرمه بك حد الجنون
ابعد خصلات شعري عني : عنيده ومهمله بحماية نفسك طفلة متنمره ماتسمعين الكلام وغامضه وكتومه ومع هذا كله أنا مغرم بكل تفاصيلك.
سحبت الساعه منه ولبسته: مو أحلى من اللي قبلها
يناظر فيها : أمم مش بطاله
ضربته ع صدره : سخييييف
ههههههههههههههههه أمزح معك والله لو أم ريالين ان عندي أغلى من كل الماركات يكفي إنها من طفلتي
ضربته مره ثانيه وتألم : آآه قلت طفله متنمره
جيت بضربه لكن صدها ومسك ايدي وضمني : بسسس ولا مافيه مفاجأه
بزعل : ماابي مش مهمه
ههههههه بتندمين ترا
عادي
مسك ايدي ولف بي : لا مو عادي لأنه شي يسعدك كثير
اللي يسعدني انك تبطل تقول لي طفلتي
هههههههههه ذه شي مستحيل
دفيته أبعده عني: إنقلب عني زين
جيت بصعد الا قال : جهزي شنطتك بأسرع وقت طيارتنا للسعوديه بعد ثلاث ساعات
إلتفت فاتحه عيوني ع وسعها ولما إبتسم وهز راْسه مأييد صرت أناقز وركضت له وضميت وجلست أبوس فيه بكل مكان أطيح فيه
وهو مبسوط ولما انتبهت ع عمري ابتعدت وشدني له : وش فيك وقفتي أظن الخبر هذا يستاهل أكثر من كذا
ههههههههههههه لا يكفي كذا وبعدين تو قلت بعد ثلاث ساعات
مازال منسدح : تدرين اللحظه هاذي وش فكرتني فيه
وانا واقفه : بإيش ذكرتك؟
بيوم خبرتك انه سمحوا الزياره لجدي وانه صحته تمام تذكرين
حمرت خدودي ، يومها كنت مستمتع بخبالك وبرائتك وحسدت جدي ع الحب هذا كله تمنيت أحضى بأكبر قدر ممكن من ذيك اللحظه وأستغلها بوجودك في حضني ويوقف الوقت كذا .
نزلت راسي خجل وقف ورفع راسي : لاتنزلين رأسك تحت اي ظرف كان خليه كذا مرفوع دايم
إبتسمت له وهزيت له راسي بإييه ، هديل أدري بحجم سعادتك لرجوعك للسعوديه بس تدرين وش حجم ضيقتي كبر هالدنيا وأكبر
افاا ليش حنا راجعين لأهلنا وأحبابنا
هههههه صح راجعين للي راح يشغلونك عني وياخذونك مني وش رايك نكنسلها ونمدد الإقامة
شهقت : هااا لا حبيبي ذي توهمات مااحد راح يشغلني عنك ولا احد بياخذني منك أنا لك لوحدك
رفع حاجب وناظرني بنص عين : أصدق يعني وجدي وجدتي
عضيت ع شفاتي : فيصل جدي وجدتي شي وانت شي ثاني
يعنيي!!
فيصل حبيبي ما جينا لأيش للعلاج وانا تعالجت من كابوسي وخوفي وتعلقي ، بس أكيد مازالوا غالين عندي وانت بعد غالي والله يقدرني أعطي كل ذي حق حقه
يلعب بشعري: فديت الحقانين
بعدت ايده وبجديه : فيصل جد أنا ماأبيك تقارن جدي فيك ولا تقارن نفسك بجدي الغيره مهما كان شعور جميل للأنثى بس أنا ماأبيها تكون مزعجه بيوم من الأيام
بغرور : لاتعطين حقوقي لغيري وماأزعجك
عقدت حواجبي : نعم ومثل إِيش الحقوق ذي
مسك ايدي : ضيقتك وحزنك همك ودمعك فرحك وضحكك حضنك وكتفك هذا ابيه لي أنا ولوحدي ماأسمح لجدي او غيره يشاركني فيه وأنا جدي ي هديل بكلامي
بدلع عفوي : من عيوووني ي عيوووني
لاااااااا انتي مش معديتها ع خير
هههههههههههه لا والله توبه خلاص بس تعال قبل نسافر لازم أشوف سمر وأودعها
ههههههههه سمر تسلم عليك سافرت اليوم الفجر لتركيا عند أهل جوخان الليله حفل زفافهم
بفرح : ماشاءالله الله يهنيهم ويسعدهم .
ناظر في الساعه : تعالي نجهز شناطنا ونخلص امورنا قبل موعد السفر
مسكت ايده وصعدنا فوق ومع حركاته زين خلصنا 🙈
وبعد ثلاث ساعات حلقنا في سمانا متجهين للوطن وهل هناك أجمل من العوده للوطن ولترابه الغالي مهما درت وحلقت بحارها السبع والعالم كله لابد تحن لأرضك وتراب وطنك مكان مولدك وكيف لو كان هالبلد فيها القبلتين ❤

مسك ايدي : نامي طيارتنا مو بخمس دقايق وواصلين
إبتسمت له : من فرحتي جفوني رفضت تغمض
ناظر فيني مبتسم وسَرِّح : وش فيك تناظرني كذا
ضم أيديني وسط إيديه: خايف
بخوف وإهتمام : من إِيش
من السعاده والهدوء اللي حنا فيها
إستغفرالله وش جالس تقول انت بدل ماتخاف قل الحمدلله والله يديمها
شد ع إيديني : ماابي أفقدك ولا أفقد هالشعور ابيه يظل دايم بينا ونتهنى فيه
ههههههههههه شكله كان لازم تتعالج معي أظن الخوف راح مني وسكن فيك
إبتسم : ههههههه اعترف كان لازم بس علاجي ودواي هو انت هديل مااحد غيرك
شدِّيت ع ايده : الله لايحرمنا من بعض ويديم علينا هالسعاده والهدوء وراحة البال .
آميييين
فيه أحد بيستقبلنا في المطار
لا منعتهم يجون سيارتي موجوده
بس انت بتكون تعبان من السفر
لا ماعليك
ومرت الساعات ووصلنا المملكه بالسلامه وبعد مشوار الطريق وصلنا ع المساويات : ليش جينا البيت كان رحنا بيت أبوي فهد مافيني صبر لليل
معليش صبري لليل انتي مانمتي وانا مثلك تعبان من السفر والطريق خلينا نرتاح قبل
بس أنا ....
ناظرني بحزم : لا بس ولا شي قلت الليل يعني الليل
بخاطري اوووف منك ومن غيرتك دخلنا وأول مافتحنا باب الرئيسي أشتغلت الشيلات وأنواع الحفلات والتلووولش ناظرته متفاجئه وضحك كان يدري ابن اللذين ويلعب فيني ،، جلست أدور بعيوني ع ذيك العيون اللي له القلب ولهان وشفقان سلمت ع الكل وع جدتي وماشفته بينهم أعتلى صدري خوف وينه مش معهم ظنيت هو اول من يستقبلني ويحظني معقوله صار فيه شي بس مستحيل لو فيه شي وكذا الأستقبال إلتفت ع فيصل أسأله بعيوني عنه وصد عني وخفففت زووود .. هدييل << إلتفت للصوت>>
طلع من غرفته ولابس بشته وكاشخ اللي يشوفه يقول رايح للعرس : حي قلبي عاش من بعد طول غيابك وحي العين نظرها من بعد شوف زول غالبها وحي حظنن فقد صاحبه << فتح إيديه وركضت له وضميته وبست ايده ورأسه وصدره ووجه: وانا حي قلبي وعيني بعد شوفتك ي الغالي بشرني عنك وعن صحتك
مسك وجهي بإيدينه المتجعده واللي ترجف بحكم السن : بعد شوف الوجه المليح غدا عمري بخير طمني قلبي عنك ياآبوك
أبتسمت له وبست ايده : وانا بخير يالغالي تطمن
ناظر بعيوني : أشوف بعيونك لمعه أنطفت من زمن لكن ردت تلمع << رفع راْسه لفيصل >> قالها وماخيب ظني فيه
فيصل : تطمن ي جدي هديل الحمدلله بخير وإن شاءالله يقدرني وأبعدها وأعوضها عن كل شي
جدي : شغلي المسجله ي منى اليوم أبا أرقص إلين تهد عظامي
وبدا يلعب بعصاته ودخل معه فيصل وشوي دخلوا أبوي فهد وعمي بو راشد وزيد وجدتي معاهم ودمعت عيوني فرح من المنظر وبعد اللمه ذي أستأذن فيصل منهم وسحبني من بينهم ع وعده لهم بأن ننزل ع موعد العشاء اللي نذر فيه جدي ،
دخلت جناحنا وجبت بدخل غرفتي وسحبني : هوب هوب وين رايحه ي ماما
ببراءه: غرفتي أبى آخذ شور
ههههههه حبيبتي غرفتك كان زمان قبل نسافر وقبل يصير اللي يصير اللحين << وجهني للباب الثاني >> هاذي تكون غرفتنا وحمامها حمامنا وكل شي فيها يخصنا حنا الأثنين
هههههه طيب وانا ماقلت شي بس أغراضي حالياً خنا ع مأنقلهم لغرفتك حبيبي
فتح باب غرفته ودخلني وقفل الباب ورآنا : اذا ع أغراضك لاتحاتين قبل مانرجع كلمت منى تنقل كل شي هنا
ماشاءالله انت ومنى تخططون من وراي
بتاخذين شورك ولا ننام حدي تعبان
نام انت انا باخذ شور وانزل لهم حدي مشتاقه
شنهووو لا انتي ماينفع معك الا كذا << حملني ونزلني ع السرير ونام جنبي وتغطى وظل حاظني: نامي أحسن لك مافيه نزله تحت الا معي
بس ..
قاطعني : لا بس ولا شي نامييي ولا حتى في الليل ماتنزلين وتعرفين فيصل قد كلامه
زممت شفايفي قهر وغمضت عيوني ولأنه صدق تعبانين وأنا أقاومه مجرد ماغمضت دخلت بسابع نومتي ..
وبعد مامرت الساعات ازعج نومتي بشعره المبلول : هدول يلا قومي ترا ازعجوني إتصالات
ابتعد عنه وع شعره : طييب بقوم بس ابعد شعرك ذه
ههههههههه مافيه اليين تقومين هذا اللي ماكان يلي ينوم واللحين بالموت يقوم
اوووف فصييل ترا جد مو وقتك
وليش مو وقتي انت قلت انك ملكي يعني كل شي لك ويخصك لي حتى وقتك
جلست وايدي ع راسي : طيب هماني قمت أرتحت
بإهتمام جلس جنبي : حبيبي فيك شي
بألم : راسي صداع فضيع وألم في بطني
تبين نروح المستشفى
لا طبعاً ، هو كم التاريخ
23 ليش؟!
اهاا خلاص
قمت ومسك ايدي : وش فيه ليش سألني عن التاريخ
بخجل : عرفت مشكلتي
وش هي
صديت عنه : تعب نسائي
ايه وش هو يع.... << سكت لما شافني متوتره وفهم قصدي >> وإرتبك: اها ط طيب تبين شي أجيبه او أسويه لك
لا حبيبي تسلم انت خلاص انزل لهم وانا شوي وألحقك
طيب انا برسل لك منى يمكن تحتاجينها
اوك ع راحتك
هو طلع من هنا ودخلت أستفرغ أكرمكم الله خذت لي بعدها شور ساخن يخفف آلامي وطلعت شفت منى تنتظرني : وش فيك عمي يقول انك تعبانه
بتعب : اي والله حييل مو شويه
وش فيك طيب
الشهريه ي أختك
وييي عاد ماجات الا اليوم بيوم عشاكم كيف بتستقبلين
سكتي والله مافيني حيل كلش بطني وظهري ومعدتي وصداع فضيع
اممم صبري عند وسن مسكّن للآلم إتصل عليها إن شاءالله يكون معها
اوك
كلمتها وشوي وسن عندنا ومعها المسكن والحمدلله خذ مفعوله سريع لبست وتزينت ونزلنا للضيوف .
تعبت حيل من الإستقبال الكبير جدي ماقصر عزم الكل والحاره كان عشا كبير مرره رغم تعبي قدرت أوجب ولما حسيت بتعب دخلت المطبخ أريح شوي ومعي البنات جلست أسولف لهم عن لندن وهواها المجنون وعن غرامي بعمهم وخالهم وكل وحده خبله أكثر من الثانيه ههههههههه
منى : يااا قلبي كذا ماراح يتحمل حسبي ع اعداكم ليتكم ماسافرتوا ولا رحعتوا لنا رميو وجوليت كذا تفطرون قلبي الصغير
وسن : آآآه ي قلبي الصغير الذي لايتحمل كل العشق هذا ياربي زوجوني واكسبوا فيني أجر
نوره : يااحلاة الزواج بأول الأيام تحسين نفسك أميرة زمانك دلع وحب وغزل وشوق ولهفه شعور جميل مو اللحين
هديل : بِسْم الله علينا من عيونكم وبعدين ي نوره الزواج مراحل وكل مرحلة منه له لذته الحياه مو كلها حب وتمعشق الحياه منوعه حاولي تاخذين من كل أنواعها شقفه ونوعيها ع كيفك تطلع ع ماتهواه نفسك لو مالألم ماانوجد الدوا ولو مالحزن ماحسينا بطعم الفرح ولو مالدمع ماعرفنا درب الضحكه عشان نسعد لازم نتحمّل دربها وعثراتها عشان لما نوصل لذروتها نحس بطعمها .
منى : ماشاءالله صرنا نتكلم بحكم
: اللي يشوف ويعيش يتعلم وانا مريت بأيام ماأتمناها لعدوي والحمدلله مريت وأجتزت ومازلت أتعلم من هالدنيا وربي يقدرني أطلع منها بنجاح .
الكل : آمييين
وسن : بس بذمتكم عمركم لو بالحلم شفتوا خالي فيصل كذا هيمان وعشقان كأنه من أبطال الدبلجات التركيه
الكل : ههههههههههههههه
أنا بعشق : فديت رجلي يغطي عليهم كلهم
منى: اي والله الأسباني الرومانسي
هههههههههههههه
لطيفه معصبه : وراكم جالسين هنا تتضحكن وتسولفن وتاركين الضيوف برا ع زعم جاين للهانم وهي هنا ومو مهتمه لهم
: أعذريني بس حسيت بتعب وقلت أجي هنا أريح
ناظرتني من فوق لتحت : لا واضح عليك التعب ماشاءالله وصوتك وضحكك واصل لآخر الدنيا
منى : وش فيك عمتي يعني الواحد مايقدر يبعد عن الزحمه ويرتاح شوي
بعصبيه : لا ارتاحي لما الكل يمشي اذا أنتم ارتحلوا من بيقوم بالواجب ويستقبل جدتي ولا جدتك
:وقفت : لا مايصير أكيد يلا جينا وراك
وعدا العشا ع خير وبعده الكل مشى ودخل جدي وفيصل وجلسوا معنا انا وسط فيصل وجدي ، مسك ايدي جدي : كأنك مسخنه ي بنيتي
فيصل بخوف حط ايده ع جبيني : الا حرارتها مرتفعه
مسكت ايدينهم: هههههه لا تكبرونها والله مافيني شي مراره يمكن من تعب الإستقبال لا أكثر
منى : اي والله الإستقبال ذه هد حيلنا
وسن تهمز رجول جدتي : ماشاءالله أحس الديره كلها جات
نوره : الديره والديار اللي جنبنا بعد ههههههههه
لطيفه وبحضنها هجير تنومها: ليش تظنون فيصل شوي عندنا
الجده : لا والله لا فيصل ولا هديل بشوي ولو بيد حدك كان عزم المملكه كلها عندنا
الجد : أنا أشهد
فيصل : ماشاءالله ماقصرت ووجودك يكفي ي الغالي ، تخيلي ي هديل جدي ماأرتاح كل سوي قايم يلعب وان جلس لعب بعصاته
بست ايده وحطيت راسي ع صدره من التعب : الله لا يحرمني منك ي الغالي
فيصل شد ع ايدي وفهمت عليه بس ماعطيته وجه لأنه جد تعبت ومافيني ارفع راسي ولا حتى عيوني
مسح ع شعري : الله يحفظك ويخليك لي ويسعدك ي الغاليه ي ريحة الغالي
بتعب : همم
مسح ع وجهي : بنتي فيك شي
همم
فيصل ترك ايدي وسحبني من جدي وضرب ع وجهي : هديل حبيبتي وش فيك
الجده : بِسْم الله ع بنيتي صابوها بالعين
أمي ام فيصل : خذ يمه عطها مويه
رش ع وجهي وفتحت عيوني << كنت أسمعهم بس مافيني افتح ولا أرد لساني ثقيل >> حبيبتي آخذك للدكتور
الجد معصب : وانت تشاورها خذها بسرعه
راسي ع صدره وشديت ع مسك ياقته وبهمس : لا خذني فوق ارتاح
حملني بين كتوفه وجدي يمشي ورآنا : ي أبوك خذها للدكتور لاتطاوعها
منى : هديل اللي فيها طبيعي بس يمكن تعبت نفسها شوي
الجده : وش فيها بنيتي
منى : تعب نسائي ي جده
( الحوار هذا كله قبل ماأصعد )
دخلنا الجناح ونزلني ع السرير وضميت نفسي مثل الدوده مسح ظهري : حبيبي خلينا نروح المستشفى
لا ماابي
ليش طيب
مارديت
طيب وش أسوي عشان أخفف عليك
مويه ساخنة
تشربينها !!
لا حطها بالكماده وجيبها
طيب ، سوا الكماده وساعدني بتغير ملابسي
ومن التعب غفييت وصحاني بعد الفجر : همم
يمسح ع راسي : كيفك اللحين أحسن
إبتسمت له : كثييير الحمدلله
الحمدلله
من وبن جاي من المسجد
اييه ، وجدي وجدتي تحت يحاتونك بس طمنتهم عليك
بعد عمري جعلني فداهم برتاح شوي وانزل لهم
لا مافيه اليوم كله نامي للظهر هذا كلام مو من عندي من جدي وجدتي يقولون أرهقتي نفسك بالإستقبال
إن شاءالله
ناظرني بنص عين : لو انا اللي طالب منك كان عاندتي بس جدي وجدتي ع طول رضختي لهم
بتعب : هههه مافيني حيل أضحك حرام عليك
نام جنبي : اوك بنام وأريحك مسكت ايده وضميته لصدري : انت راحتي ماأسمح لك تسلبك مني وتمنعني من راحتي
قربني له وضمني : انا دايم بقربك وجنبك ماأبتعد عنك الا بالموت
شديت ع بيجامته: بِسْم الله عليك بعد عمر طويل إن شاءالله
إن شاءالله .. يلا نامي وإرتاحي ي قلبي
وغطينا حنا الأثنين بالنوم ..

ومضه :
دائماً في الغيب شيء جميل يستحق الإنتظار .. 💝

تسلمين يالحلوة ..

نزلت بعد صلاة العصر لهم وكانوا جالسين ع قهوتهم بست رأسهم وإيديهم ، جده : كيفك ي أمي ذَا اللحين أحسن إن شاءالله
ايه الحمدلله حبيبتي
الجد : يومك ي بنيتي تعبانه وراك ماأرتحتي وتركتي هم الإستقبال لهم
ضميته : آفاا وَذَا كلام
أحم أحم رفعت راسي وشفته يناظرني بعصبيه وسفهته وضميت جدي أقوى: حبيبي مسوي العشا عشاني ولا أستقبل ضيوفي بنفسي مايصير
باس راسي : لا والله يصير ونص أهم ماعليّ راحتك ولو ادري بتعبك كان أجلته لليوم الثاني
بست خده : جعلتي فدا بس
بنبره عصبيه مخفيه :صبي لي قهوه
جدتي كانت اقرب مني للدلال صبت له
مافيه اليوم فطائر
الجده : الا أكيد فيه باقي من عشا أمس بس اذا انت جيعان خلني أحط لك غدا
لا لا بس ابي فطائر قومي هديل جيبي لي
الجد : وش لها تقومها من حضني نادي ع الشغالة تجيب لك ولا قم أخدم نفسك
ناظرني وصد : حميييده
حميده : يس بابا فيصل
بدون نفس : جيبي صحن الفطاير
اوك
أنا : ايه أحكوا لي كيف كان بعدي عنكم
الجد : ضيييم
الجده : أنا أشهد بالله
هههههههههه الله لايحرمني منكم
الجميع : اللهم آميين
الجده : وانت كيف كان السفر
اممم كرريه من غيركم لكن المدينة تخبل خصوصا الريف عندهم خيال لكن لو تكون جنه من دونكم ماتنطاق
فيصل بعتب وواضح عليه الزعل : العذر منك لو ندري كان خذناهم معنا
إبتسمت له : صحيح وجودهم بتكمل فرحتي لكن اللي مهون عليّ وجودك معي
الحمدلله يلا عن أذنكم
انا : ع وين
متواعد مع زيد محتاجين شي أجيبه معي
الكل : سلامتك
الله يسلمكم << طلع ولحقته في الحوش >> فيييصل
إلتفت لي بدون نفس: خيييير
قربت منه ومسكت ايده العب فيها : آفاا الحلو زعلان
سحب ايده : خلصي وش بغيتي
مسكت حواجبه المعقدة وبدلع : حبيبي معقد الحواجب ليش
بعد ايدي : مو فاضي لك قولي وش تبين ولا أمشي
طوقت رقبته وبدلع : أبيييك وماأبي غيرك
بزعل يفك ايدي : لا واضح
رجعت طوقته: واللي خلقني غيرك ماهويت وخلقه يشهدون ع كلامي غيرك ماتمنيت .
حوطني وابتسم : أحياناً أشك فيك
ضحكت : هههههه إني أحبك يعني
لا هذا متأكد كنه هههههههههه
أجل وش تشك فيه
إنك تتلذذين بغيرتي وتحبين تعذبيني
ببراءه : أناا
قرص خشمي : إيييه انت أنا ماقلت لك حضنك كلامك الغزل كله لي ولوحدي
بعدت عنه : ي اخي اطلب شي معقول انت عارف وش يعني لي جدي
رد قربني له : إييه عارف وهذا اللي ذابحني إنك تُحبين جدي أكثر مني
لا مو أكثر والله
طيب اذا مو أكثر أكيد انا ماتعديت عنه صح ولا
سكت مارديت
باس جبيني : سلام تأخرت ع زيد
طيب بس بتجي ع العشا
إن شاءالله المهم اذا احتجتي شي كلميني
إن شاءالله في وداعة الله ي قلبي
إبتسم وطلع ، وانا رجعت لجدّاني اللي وحشوووني 💞
طبعاً كلمت البنات يجون ع قولتهم مشتاقين لأكلي ومنها أعطيهم نقصتهم وجهات لطيفه مع بنتها ..
فيصل دخل علينا : السلام عليكم
الكل : وعليكم السلام
فيصل أخذ هجير من امها : خير مجتمعين عند النبي إن شاءالله
لطيفه : الخير بوجهك ي الغالي أمس ماجلسنا مع بعض عدل قلت أجي اليوم نسولف
حياك الله ي الغاليه بس جايه وساحبه غنمك مع لييييش
وسن : غنم اللي يرفسك
عطاؤها نظره يمثل انه عصبي: حسك أقصريه ي البزر وأحترمي خالك
وسن حذفت عليه الخداديه : أقووول شب بس قال خال قال
ع وضعه وحذف الخداديه: مو عاجبك ولا مو عاجبك
لا مو عاجبني يكفيك الحب
تغيرت ملامحه وبهيام: اااااه ي الحب جعلني فداها
منى صفرت : أموووت ي العاشق
مد ايده : اللهم آمييين
ضربته ع خفيف : بِسْم الله عليها
عقد حواجبه ومد بوزه مثل الأطفال : تحبينها أكثر مني
هههههه أكيد لا بس هي ماعدت عليك ولا أحبك تدعي عليها منى غالييييه كثير عندي
منى سحبتني وضمتني: جعلني فدا بس
سحبني منها وضمني ع جنب : هييييي انت قبل تحضنينها لازم تستأذنيني وعليها أشوووف أملاك خاصه ذي ي أبوي
نوره : بععععد حتى هديل ضميتها من ضمن أملاكك
ناظرني بحب : هي راس مالي وكل جاهي ولو ماأملك الا هي أنا غني
الجد بفرح : عسى الله يديم الحب بينكم ولا يفرقكم ويديم السعاده والهنا بينكم
الجميع : اللهم آميين
لطيفه : حبيبي قم ابيك بكلمة راس
أبشري ي الغاليه تبين نطلع برا ولا نروح المجلس
لا برا برد نروح المجلس أزين وأصد
حياك ي قلبي
أنا : طيب انا بقوم أجهز العشا اذا خلص ناديتكم
فيصل : أوك بس خلي الغنم يساعدونك مو بس ياكلون ويمسحون يدهم بالطوفه
وسن معصبه : أقول ذه حب وابتلشنا فيه
أنا : ههههههههههه حرام عليك والله مايقصرون
خذت البنات نجهز الأكل وهم دخلوا المجلس وبعد ماجهزنا الأكل قلت لمنى تنادي عليهم لكن فيصل طلع وملامحه غييير ولطيفة واضح عليها انها كانت تبكي خفت انه يكون صاير شي لأحد : وش فيه
فيصل مسك ايدي : مافيه حبيبتي جهز الأكل ولا حدي جيعان
ناظرت لطيفه اللي عيونها باقي فيها دموع : اييه جهز حياك
الكل جلس وانا رحت اجيب علاجهم قبل الأكل وبعده بدينا بالأكل وعيوني كانت تراقب فيهم كان فيصل ياكل وكأنه يتهاوش مع الصحن ولطيفة مالها خلق شي حتى بنتها هجير اللي ذبحت عمرها بكي ورحمتها وسن وخذتها منها
الجده : وش فيك هديل ماتاكلين
إلتفت لي وقلت : الا آكل ي قلبي بس يمكن شبعت مع الطبخ
الجد : لا ي ابوك أكلي زين صحتك هب عاجبتني
فيصل بحزم : أتركي عنك الكلام الفاضي وأهلي زين
إن شاءالله ، وبعد الأكل فيصل أستأذن منهم يرتاح ، ولطيفة خذت بنتها هجير ورجعت بيتها وتركت وسن تسهر معنا بعد رجا جدي وجدتي وكملنا السهر مع بعض وجداني ناموا وانا عقلي وفكري معه وبحالهم اللي قبل شوي أستأذنت منهم أتطمن عليه وأرجع وهم طلعوا يجهزون جلسه برا ، طلعت له وحصلته جالس في الصاله والتي في شغال وعالي وهو مش معه سرحان قصرت ع الصوت وجلست ع الطاوله قباله : يااهو نحن هنا
رفع نظره وإبتسم : حي هالزول
يحيك، وش سرحان فيه
مبتسم : ولا شي أمور شغل لاتهتمين ، راحو ؟
لا البنات باقيين سهاري تعال معنا بدل جلستك لوحدك
لا حبيبتي تعبان وابي أرييح شوي
حبيبي فيصل وش فيك حالك متغير
سحبني وجلسني جنبه : قلت لك أمور شغل ي قلبي لاتهتمين
لا ماأقصد اللحين حالك متغير من طلعت من المجلس مع لطيفه وحالكم مقلوب واضح عليها البكي وانت العصبيه ؟ لطيفه فيها شي مع زوجها ولا أحد من العايله صاير معه شي
ضمني : فدييتك ي عمري والله مااحد فيه شي كلهم بخييير لاتحاتين
بعدت عنه : بس أنا ....
حط إصبعه يسكتني: اوووش لاتفكرين بالأمر كثييير وإذا مطوله حضرتك بمنعك لاتسهرين معهم أدمنت وجودك ونومي صار صعب وانا بعيد عن حضنك
نقزت عنه : لا يابابا نام لوحدك البنات ينتظرون تصبح ع خير
طلعت وهو يضحك عليّ إبتسمت ع ضحكته وشقاوته لكن قلبي مو مرتاح كلللش
نزلت للبنات وكملنا السهر للفجر وبعده ناموا بالغرفه المخصصه لهم وانا نمت معهم بس لما صحيت الظهر لقيتني بغرفتي خذت شور ونزلت لجدّاني تحت وكان جالس معهم سلمت عليهم وجلست : تغديتوا
الجده : تو قايم الغدا تبين تحط لك حميده
بدون نفس: لا حبيبتي مش مشتهيه كلش تو جالسه من النوم
فيصل : هذا والله اللي بناخذه من السفر نفس مسدوده ونوم متقلب وبغرف غيرنا
: يعني انت اللي طلعتني فوق
بحزم : اييه ولا أبيها تتكرر لو سمحت
طيب
وشو طيب قولي إن شاءالله
الجد : شوي شوي عليها البنت توها جالسه من النوم مالها خلق للأكل ولا لها خلق مناجر
هههههه صادق جدي
ماتبين أناجرك نفذي كلامي ولاتعصبيني
الجده : وش عصبيتك فيه كل اللي سوته نامت مع البنات مو بالشارع
مديت له لساني أقهره الكل يدافع عني : لو فكرت تزعلي فكر مليون مره قبل هههههههه
عض ع لسانه: بتتمردين عليّ دوامهم معنا
الجد ضربه بالعصا : لا أطردنا من بيتي بعد
فيصل بمزح : ليش أطردنا آخذ حرمتي وأطلع لبيتي
الجده بخوف : ي ويلك لو تسويها مالنا غناتن عنها
بزعل : افاا بس عنها
الحد : عنكم أنتم الأثنين بس اذا انت بايع وش له نشتري تكفينا هديل
بست ايدينهم : مايفرقني عنكم الا الموت
الجد والجده : لك طولة العمر ي الغاليه
فيصل : أمزح ي الغالين لو بسويها كان سويتها من زماان من يوم كثرت فلوسي وكبر جيبي
انا : اي والله صحيح بعد ماكنت في لندن وشفت غناك كان عندي سؤال وأنسى أسألك
يشرب قهوته : الا وهو
ليش ماطلعت من هنا وبنيت لك قصر وخذت جداني معك ليش ظليت هنا ببيت قديم شعبي يناقض مركزك
بحب : لأَنِّي ماأقدر أعيش بعيد عنهم جربت بس ماقدرت صحيح أسافر وأبعد وأظل شهور بس أرجع لهم أنا ربيت ع يدهم من كنت بالمهد حتى لما كبرت مافكرت أرجع لبيت أبري لأنه البيت هذا صار بيتي وذكرياتي
الجد : حاول كثير فيصل يطلعنا من هنا ويبني لنا قصر مثل ماقلت ويسجله بأسمي عشان ماأحس إني دخيل او له فضل عليّ لكن رفضت .
الجده : البيت هذا ي بنيتي مو طابوق وحديد البيت هذا إنبنى ع ساس الصبر والحب التعب والراحه الشقى والفرح كل طابوقه في البيت هذا شهد ع كل شي مرينا فيه انا وجدك وعيالنا وأحفادنا واليوم راح يشهد لك ولحياتك مع فيصل وإذا ماطلعتوا منه من بعد عينا راح يشهد عيالكم ..
فيصل : لكم طولة العمر بالطاعه ، لما رفضوا وقرر جدي ع زواجي جددت فيه يتماشى شوي مع زمنا بس ع فكره ماتغير فيه شي كثير حاولت قد ماأقدر أحافظ ع ذكرياتهم .
بإنبهار : ماشاءالله بيت عامر بذكره يارب
آمييين
الجد: ولا كل واحد من عيالي يتمنى أجي أسكن عنده لكن تعلقي بالبيت هذا يمنعني إني أخون عشرته وأبعد
: الوفاء جمييل
فيصل : ماراح تروحين بيت عمك تسلمين عليهم
الا أكيد العصر إن شاءالله
ع خير وانا بمر عند أختي لطيفه
الجده : وش عندها
ماعندها ي الغاليه بس بنزل أتقهوى عندها
بس هي عندك أمس
ههههههه وإذا يعني الواحد مايزور اخته يتقهوى
الجد : الله يسهل أمرك
في خاطري وضعكم أمس يقول انه فيه شي واليوم زيارتك لها يأكد ظني ي فيصل الله يستر بس
وبعد العصر هو نزلني وكمل طريقه وقبله طلبته أجلس لليل لكن رفض وسمح لي العصريات بس 😤
بعد السلام والشوق جلسنا نتسامر وأعطيتهم نقصتهم والحمدلله عجبهم ثم سحبني ع جنب عمي : كيفك ي بنيتي
بحب كبير للإنسان هذا : الحمدلله انت طمني عنك
أنا بخير طول ماعيالي بخير
الحمدلله كلنا بخير
وأمورك مع زوجك تمام
ايه ي الغالي بخير ولله الحمد وفيصل مو مقصر معي بشي لا تحاتي
واضح هالشي من عيونك ي أبوي
إبتسمت : كيف واضح مافهمت
لمعة عيونك اللي كنت أشوفها قبل بعد وفاة أهلك أختفت لكن ظني السفره نفعت وردتها
هههههههه نفس كلام جدي سبحان الله
الله يديم عليك الراحه والسعاده
بوجودك ي الغالي
ها بتجلسين عندنا للعشا
لا ي قلبي حاولت مع فيصل لكن رفض
تبيني أكلمه
لا ي عمرري مره ثانيه إن شاءالله
إن شاءالله
وبعد صلاة المغرب إتصل عليّ ينتظرني برا طلعت له : السلام عليكم
وعليكم السلام ، كيف اللي كنتي عندهم عساهم طيبين
الحمدلله يسلمون عليك وتمناك عمي معي ونبقى للعشا كان بيكلمك ع فكره لكن قلته مره ثانيه إن شاءالله
إن شاءالله
ايه وش أخبار اللي كنت عندهم
بخير
لاحظت للطريق غير: وين بتاخذني
البحر
البحررر ، ليش
وشو ليش عيب آخذك ولا ممنوع
لا مو كذا بس ماقلت قبل ع الأقل شفت البنات وجداني يمكن ودهم بالروحه
بطفش : أوووف يعني اللحين كل طلعه نطلعها لازم قبيلتك معك
لاحظت مزاجه المعكر : لا مو قصدي بس قلت اللمه حلوه
بضجر : وانا لما أكون معك ماأحب الزحمه
طيب خلاص ع راحتي حبيبي
زفر : آسف ي قلبي عصبت عليك
مو مشكله أنا بعد غلطانه
مسك ايدي وباسها : أحبببك
وانا بعد
بنص عين : وانت إييش ي البخيله
ههههههههه أحبببببك
آآآه ي قلبي شفتي أنا كيف بالمحبه كريم وانت بالعطا بخيله
حرام عليك والله
وانا عند ربي صادق بالله كم مره في اليوم تقولينها
خلاص أسجلها لك وش رايك
حذف ايدي : إنقلعي زييين أنا ابي أسمعها منك أحس فيها مو تسجيلك صوت من دون أحساس ي البخيله
هههههههههههه
ايه ضحكي البزر
هيييي انت نفتك من كلمة طفلة تجينا ببزر
سمعيني اللي أبي أسمعه وقلبي شفقان له وأبشري باللي يرضيك
ماااافيه عناد فيك
بزر ماقلت شي فيك غلط
وصلنا للبحر ونزلت منه زعلانه وهو يضحك علي: اذا منتظره مني أراضيك لاتحلمين اذا إنت عنيده ترا أنا أعننند قولي لي اللي ابيه وأقولك اللي تبينه
ماابي شي كذا حنا متفقين
ههههههههههههه طيب
ومرت علينا لحظات وساكتين وهو سرحان ويناظر بالموج وانا أناظر فيه أحس في باله حاجه مزعجته بس ليش مكتم عليها ليش مايفضفض لي ويرتاح مسكت ايده وبعدتها وحطيت راسي ع صدره وضميت يده : الجو بااارد
آسف حبيبتي ناسي انه الجو بارد مره في البحر خصوصاً وحنا في الشتا
اللي ماخذ عقلك حبيبي
أنت مااحد غيرك
هههههه طيب
اذا بردانه ي قلبي مشينا
لا حضنك يكفيني
ضمني أكثر ، فيصل
هممم
حبيبي وش اللي شاغل بالك ومعسكر مزاجك فديتك فضفض يمكن ترتاح
شد بحضنته: لاتهتمين ي قلبي
وشو ماأهتم إنت ي فيصل بالنسبه لي شي كبير ومهم يمكن ماأعرف أعبر عن مشاعري مثلك وأتكلم بالكلام اللي تقوله لي ، مع إني أحاول وأتعلم منك بس ماقدرت تحصليني أُعبر لك من تصرفاتي حبيبي أنا لو أشوفك بضيقه أتضايق وأفرح لما أشوف ضحكتك ، حبيبي مو انت قلت لي قبل تبي تشاركني همي وحزني فرحي وسعادتي طيب ليش تبخل عليّ ذَا الحق .
باس جبيني : ماأبخل عليك وأدري فيك << قرص خدي >> صدق أحب وأتمنى أسمع منك اللي يعشقه قلبي بس لأَنِّي أعرفك وفاهمك عاذرك بس هاااا ماراح أصبر كثير صبري قليل راح أعلمك ع ايدي وأفوقك بعد هههههههههه
إبتسمت له : وانا راح أكون التلميذة المجتهدة هههههههه
فديت تلميذتي << وعبرنا عن مشاعرنا >> إبتعد عني : وش رايك نتعشى برا
اممم بس
بدا يعصب : ي ويلك لو قلتيها
ههههههههههه لا مو قايله بس ع الأقل نعطيهم خبر لاينتظرونا
اها اذا كذا أوك .
كلمهم وخبرهم وحنا بعد صلاة العشا مشينا صحيح أقترح نتعشى برا عشان نكون لوحدنا ونقضي أكبر وقت مع بعض من دون عزول لكن كان موجود معي جسد فكره كلللش مو معي وكل شوي سرحان حاولت معه يتكلم بس فشلت كل شوي يتهرب ويحصل له منفذ يطّلع منها وإذا ماحصل إبتدا بحركاته معي 🙈
رجعنا البيت هو صعد وانا دخلت أتطمن عليهم وجلست معهم شوي إلين ناموا ، صعدت وبدلت وحصلته نايم او يمثل انه نايم كانت حركته كثيير لا هو نام ولا تركني أنام كل تفكيري معه وبلطيفه اللي أكيد مزاجه كذا بسببها قمت وشغلت ع القران يمكن ع الأقل باله يرتاح ورجعت ألعب بشعره إلين إرتخى ونام ونمت بعده !!

ومضه :
الشفاه وإن إمتنعت عن الكلام ، هناك رووح تتمزق من الألم !!

بخمن امممم أتوقع أهل زوج لطيفة يضغطوا عليها تزوج أخوها لأسماء أو تتطلق

صح وعد
لا تطولي علينا.... آآآخ من أسلوب التشووويق .......

__________________
سبحان الله وبحمده..سبحان الله العظيم

نفس تفكيري

الشعب*** يريد **** معرفة**** المزيد

ههههههه

__________________
أشهد أن لا إله إلا الله و أشهد أن محمدا رسول الله صلى الله عليه و سلم

أعتذر عن بارت اليوم او الحلقه مثل ماتسموها 😁
لكثرة أشغالي ! لكن بحاول وإذا قدرت نزلت ولا وعدنا بكره إن شاءالله 💝

لااااااااااه

__________________
أشهد أن لا إله إلا الله و أشهد أن محمدا رسول الله صلى الله عليه و سلم

.......