لو ماهو مسافر ماطلعت .. أخوي قال بوديك المستشفى وبرجعك البيت قلت لا زوجي مسافر مابظل في البيت لحالي وديني بعد المستشفى لأهلي.. لو زوجي جالس في البيت ماطلعت منه..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

وانتي بينتي له انك طالعة و لا انتي راجعة ؟ خلاص ارجعي وانتهت السالفة تحسبا مانعرف الى ماذا تؤول اليه الامور.

ايه عادي هذا بيتك ارجعي بأي وقت
اصلا الرجال ماطردك ولا قال ما ابيك
يعني الموضوع بسيط
اخذتي بخاطرك
رحتي بيت اهلك روقتي.. ورجعتي


على فكرة
اذا رجعتي بسرعه احسن
لو مرت ايام وطالت السالفه بتقلب شي ثاني
وزوجك شكله هاليومين مو في المود
خذيها من قاصرها وارجعي
عندك ألف حجه:
ملابس الدوام واغراضك
مافي شي يستاهل البعد
الويك اند خلص
انه رجع من السفر

اختاري اي حجه وخلاص

قبل ترجعي بيتك اعملي تمارين الاسترخاء
شوفي طريقتها في يوتيوب


واذا تحاتي نظرته لك.. تطمني
شخصيه زوجك النوع اللي بيكابر
ويغتر شوي
بينما هو بداخله مبسوط
وبيحس انك متمسكه فيه ومالك الا هو وبيتك
اوكي ليش لا.. خليه يعيش الجو
بالنهاية بتظهري بصورة: الزوجة العاقلة
احسن ما يشوفك طايشه ومتهوره
ارجعي اليوم
عشانك مو عشانه

رجعت البيت .. وبانتظار ماستسفر عنه الساعات القادمة..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

ستسفر عن كل خير بإذن الله

نظفي البيت وبخريه وجهزي ملابس الدوام وجهزي اكل خفيف واستقبليه بابتسامة..

وحظر الواتساب خلي نفسك مادريتي..

واضبببببببطي اعصابك وردودك..
الله يبعد عنكم الشيطان يارب

نظفت البيت وبخرته .. تصدقي .. كنت حاطه صورة العرض حقتي في الواتس قبل أسبوع يمكن مكتوب عليها (مدللته لأني أميرته) .. وواحدة من زميلاتي في الدوام كانت دايم تشتكي من زوجها وجفافه العاطفي .. قالت لي أميرة مين ها وتغمز لي وتضحك .. والله أحس قلبي وجعني .. أختي نبهتني لصور العرض تقولي ترى الناس تحسد أنتبهي تحطي صور عرض تبين إن زوجك يحبك ويهديك أو من هالامور .. الله يكفينا شر الحسد..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

مع احترامي لنبض الدان

أشوف انه ماله داعي انك تبخري وتستقبلي زوجك بابتسامة لأنه بيعرف ان تطنيشه و أسلوبه الجاف معاك جاب نتيجة وراح يظل يستخدمه معاك على طول

استقبليه عادي لا مبوزه ولا متبسمه

__________________
اللهم لا تجعل الدنيا أكبر همنا ولا مبلغ علمنا ولا إلى النار مصيرنا واجعل الجنة هي دارنا وقرارنا

نفس كلام أختي بالضبط .. تقول استقبليه عادي .. وهذا إللي راح أسويه .. البيت بقوم فيه لانه مكان راحتي وأنا احب يكون بيتي نظيف ومبخر .. أما هو فبستقبله عادي جدا..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

المشكلة فيك يا لست كغيري وليست في زوجك

انتي ماعندك وسط يا تهتمين بزوجك اهتمام مبالغ فيه يا تزعلين منه زعل قوي وتصعدين الموقف بشكل مبالغ فيه

تعلمي تتحكمين في مشاعرك!

على فكرة نظرتك للزواج غير واقعية عشان كذا تنصدمين وتتحسسين من زوجك بزيادة اذا أخطأ في حقك وما تلتمسين له العذر

أشعر انك تكلفين زوجك بما لا طاقة له به وهو مش عارف كيف يرضيك عشان كذا صار يطنش وماعاد يدور رضاك

__________________
اللهم لا تجعل الدنيا أكبر همنا ولا مبلغ علمنا ولا إلى النار مصيرنا واجعل الجنة هي دارنا وقرارنا