وجهة نظري أشوف ان الاخت مجتهدة في رضى زوجها وما قصرت
ولا ارى طريقة اعطاءها المال ومساعدة زوجها بضائقته المالية فيها شيئ او اهانة بالعكس طريقتها طيبة من وجهة نظري وجزاها الله خيرا على وقوفها ومساندة زوجها في ضائقته المالية

أصلح الله حالكما وادام عليكم فضله

طبعا نحن لسنا ضد اعطاءه المال ابد
لكن هالحلقه المفرغه متى بتخلص
يزعل هو او تزعل هي لسبب تافه
وينقلب نكد
وزعل
ويصير هو شخص سيءومادي و استغلالي وفيه وفيه وفيه
وهي مهمله وسمينه وزعول وماعندها اسلوب
وشيلي اغراضك لاهلك وغيره من هالموال
فجاه يطلع موقف وتفزع بفلوسها وتعود المياه لمجاريها
الى ان تطفح المياه مره اخرى
اسالكم بالله هذي عيشه

ياأختي أنا معاك إن في أشياء كثير فيني أو فيه خطأ .. بس الحياة تعلم وأنا أستفيد من التجارب ومن نصائحكم .. أكبر خطأ أنا أسويه إني أكبر الامور بيننا وأوصلها لروحة لاهلي .. وهذا الشيء اللي بعون الله ماعاد يصير مرة ثانية .. وصلت لهالقناعة خلاص وإن شاءالله ماتتكككرر .. بالنسبة إن أفزع له بالفلوس ماأتوقع إنه عيب أو إن عيب إن زوجي يحتاجني ولكن صدقيني أبدا ماكانت الفلوس اللغة المشتركة بيننا ..هي مجرد شيء ثانوي في حياتنا .. بس فعلا يمكن أنا غلطانة لأني جيت وقلت اني اعطيته فلوس هنا بالمشكلة لان المفروض انها ماتذكر .. ترى الفلوس شيء ثانوي بحياتنا ماأتوقع إن هي اللي تربطني فيه أو تربطه فيني وأنتو قلتو هالشيء قبل كذا الفلوس ماهي كل شيء بالحياة..

أوعدكم إن أشياء كثير تتغير .. أنا تعلمت كثير .. التجارب تعطيني خبرة أكثر في الحياة ..

وأرجع أكرر يامبتعثة لو إن الفلوس هي اللي غيرت كل المشكلة اللي صايرة بيننا .. كان اخذ الصرافة زوجي وسحب وأنهى المشكلة وخلاص..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

الفلوس مسألة ثانويه عندك ياأحبه؟ اذا مسأله ثانويه ليه في كلل موضوع من مشاكلك تجيبي طاري فلوسك؟! متابعه مواضيعك من يوم كنت زائره لها المنتدى ونفس الموال ماتغير حتى اذا زوجك زعل من تصرفاتك تقولي يمكن لأني قبل كم يوم رفضت اعطيه فلوس ..وياليتني ماساعدته وهذي جزاتي اني واني وووو..
..الحل ان انتي تغيري تفكيرك وتفصلي بين راتبك ووظيفك وبين حياتك الزوجية..

أنا ماقلت إنه تغير عشان ماأعطيته فلوس .. وإذا ملاحظة ماجبت طاري هالشيء الا بعد كم يوم من المشكلة .. انا طرحت هالفكرة واخذت رأيكم فيها .. عموما مايعني هالشيء إني ماأكون غلطانة لا أكيد في أشياء خطأ كثير فيني وتحتاج تعديل بالتأكيد..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

نفس رايي ..

بس ع سالفة الكوي يعني مؤقتا اكويله مو ضروي تنكوي عند المكوجي مادام الظروف مو سامحة انا ثياب زوجي تنكوي بالبيت..خصوصا انه مسؤلياتك مو كثيرة لاتخلينه يطلع بثياب مو مكوية🌞

أخبار حلوة يا أختي..
الله يهنيكم ويصلح حالكم..

يمكن أغلب الأعضاء ما حبوا أنك تساعدي زوجك بالمال..
بالعكس أنا أشوف أنه تصرف سليم ويدل على طيبة قلبك..
يمكن الأغلب فهم من تصرفك أنك لكي تحلي المشكلة أو ترضي زوجك..
تصرفتي بهذه الطرقة، ولكن الواضح أن تصرفك ناتج من باب حب الخير لزوجك..

عموماً أنا مع أنك تساعدي زوجك باللي تقدري عليه، إذا كان طيب معاك..
بشرط (( أنك تعتبريها لوجه الله )) ولا تتذكريها في أحد الأيام إذا ما حدثت
مشكلة بينكم لا قدر الله..

طبعاً أنتي تبحثي عن سبب زعل زوجك..
مع أنه قالها لك بداية المشكلة (( متى تعقلي ))..
ولا تزعلي مني ( أعتبريها نصيحة أخوية )
من خلال ردودك يتضح أن هناك بعض التقصير في المنزل..
أهتمي بأكل زوجك بدلاً من أكل المطاعم
أغسلي وأكوي ملابسه..
وحددي وقت معين لزيارات الأهل والأقارب..
على فكرة إذا أستغنيتم عن أكل المطاعم ومغسلة ملابس وغيرها
راح تساعدي زوجك بتوفير قيمتها، وبكذا تكوني ساعدتيه بشكل غير مباشر

يمكن ردي ملخبط وناقص
لكن أتمنى أن تصل الفكرة

__________________

(( هناك مواقف أيقظتني وصنعتني من جديد..
وهناك علاقات توقعت منها الكثير ووجدت منها القليل..
وهناك دروس لم تكن بالحسبان، لكنها علمتني الأنتباه ! ))

صادق
مره زعلت منه قالت له رجع سيارتي ورجع كل ريال عطيتك!!
يمكن علشان كذا قالها الميتين سلف وبرجعها مع الراتب

وملاحظتك عن اهمال البيت حتى انا لاحظتها
كم مره قلتي جاب اكل جاب بيتزا جبت اكل من عند اهلي!!
والحين ثيابه ما تنغسل ولا تنكوي
ومنتي معتبرته صابر!!

ياأختي أنا أغسل ملابسه في البيت .. وأكوي بناطيله وتي شرتاته وملابسه الداخليه ماعدا الثياب اللي هي الدشاديش لان هو يحب تنكوي عند المكوجي..

الطبخ أطبخ بس يومي .. يعني بيوم أطبخ .. اليوم الثاني اشوف وش يبي أكل يقول أنا بجيب .. اليوم اللي بعده أسوي خفايف . ومثل كذا .. أحيان أقوله بطبخ الشيء الفلاني يقولي ماله داعي أنا بجيب .. لاتستنتجون أشياء ماهي حقيقة ولا واقع

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..