بعد كل الي ذكرتيه عن زوجك
لسا تسألين هل معه حق!!!!!!!!!!!
انتي اسألي نفسك هل راضيه بوضعك!!!!
الله يفرج همك ويهديك للصواب
أعوذ بالله من قهر الرجال

هذه المشاكل كلها لانك التقيت باخو زوجك صدفة لم تتعمدي ذلك ما هذه العقلية المتحجرة .الله يعينك اختي استخيري واستشيري ولا تهدري شبابك.

السؤال هل انتي راضيه عن نفسك المسمى زوج يعاملك هالمعاملة ؟
كيف كرامتك سمحت لك ترضين تعيشين مع شخص قذفك و وبنفس الوقت يهينك ؟؟
الله منعم عليك و عندك اهل و عزوة ووظيفة وولد و انتي رافسه النعمة و صابرة على الضيم
الله عازك تهينين نفسك ليه ؟؟

لك حقوق كزوجه أهمها الاعفاف لاهو اللي عفك ولاهو اللي احسن معاملته معك !!
ايش اللي زواج على ورق ؟ استغفر الله

وش اللي حادك تعيشين حياة كذا طول العمر مع شخص زي كذا ؟
فكري و اجلسي مع نفسك و عزي نفسك .

وانتي ع بالك هاينه علي نفسي لا والله لكن قلت يمكن مع الوقت يتغير كل شي اصبر ولا شفت شي يالله الله يأجرني

__________________
عجبا أيها الليل يقولون عنك هادئ وفيك تصرخ كل القلوب💔

وينهم ال 15 أخ الي ربي رزقك إياهم

بعدين كيف ماياخذو حقك من واحد اتهمك بدون دليل ؟؟؟

ولما كان راميك ولا سائل عنك وينهم لا مطلقه ولا متزوجه وولدتي وكبر الولد ومو سائل فيك هذي كلها واخوانك يتفرجون وآخرتها يرجعك ب30 ألف

المهم روحي لهم وقولي لهم انك ماعاد تبغيه وخليهم يساعدوك تتطلقي

اخذو حقي وزياده لما جاء بالبدايه بيرجعني وماكان راميني كنت مطلقه بس انا اللي رافضه انهم يعلموه اني ولدت وجبت ولد ويوم علمه ابوي جاء وقاموا باللازم معه وسأل عن ولده ورجعت وبعض اخواني رافضين ومعارضين لكن ركبت راسي ورجعت ولو دروا عن حالتي الحين والله ليدفنونه وهو حي بس مابي مشاكل وبعدين يتلاعن ومايطلقني

__________________
عجبا أيها الليل يقولون عنك هادئ وفيك تصرخ كل القلوب💔

مسك الخير انتي مصدقه ان زوجش ردش بس عشان عورته ما تنكشف الا لزوجته ؟

لا بجد محترم ويعرف الاصول

ردش لان عارف ومتأكد انش مش خاينه ... اذا كان بالفعل يغار عليش ليش يطلب منش تجين المجلس وفي يوم العيد

وكلنا عارفين الوضع في العيد .. ناس طالعين وداخلين .. كان هو جى لين عندش من غير ما حد يصادفش

نصيحتي لش ردي بيت ابوش اهون بكثير من الحياه هذي

__________________
وهل من مصير اخر ؟

[QUOTE=kooki3;3398894]مسك الخير انتي مصدقه ان زوجش ردش بس عشان عورته ما تنكشف الا لزوجته ؟

لا بجد محترم ويعرف الاصول

ردش لان عارف ومتأكد انش مش خاينه ... اذا كان بالفعل يغار عليش ليش يطلب منش تجين المجلس وفي يوم العيد

وكلنا عارفين الوضع في العيد .. ناس طالعين وداخلين .. كان هو جى لين عندش من غير ما حد يصادفش

نصيحتي لش ردي بيت ابوش اهون بكثير من الحياه هذي[/QUOTE
وهذا اللي بسويه ان شاء الله

__________________
عجبا أيها الليل يقولون عنك هادئ وفيك تصرخ كل القلوب💔

سؤال،،ليش قاعدة معاه إلى الآن؟
تتوقعي راح يحن؟
ولا عشان ولدك؟

هل غيرة زوجك توصله إنه يضربك؟ ولا كان شاك لأن الكلام اللي وصله غير عن اللي صار؟

اشكر كل من رد علي واعطاني من وقته الثمين انا ماجيت الا وانا مطبقه معه جميع الحلول واستخرت ع الطلاق لما رجعت قلت اكيد حس بالغلط وبيتاسمح مني ماكنت اتوقع منه هالصدود كله ولا الموقف يستاهل بس كبر الموضوع اخوه حلف ع المصحف عند اهلي ماخلوه يمشي الموضوع كذا بالساهل ولا وفيه وحده ترضى بالاهانه ع نفسها قلت اصبر وصبرت7 شهور ولا تغير شي .. البارح تناقشنا وتهاوشنا بعدها قلت كل مافي قلبي له وهو اذن من طين واذن من عجين ولا كأن اللي معي انسان .. رحت واتصلت ع اخوي يجي ياخذني من عنده ولا راح اعلمه اني بروح اهم شي عندي صحتي ولدي والله العظيم اني تعبانه حيل احس جبت لنفسي الهم والنكد يوم رجعت وجلد الذات ذبحني دعواتكم

__________________
عجبا أيها الليل يقولون عنك هادئ وفيك تصرخ كل القلوب💔