صاحب النعمة لا يشعر بها الا بعد فقدها

__________________
سبحان الله وبحمده سبحان الله العظيم

كنافة طمنينا عنك .. وش صار معك؟

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

والله يا الوفاء كلامك هذا هو اللي كنت أقوله لنفسي
هو اللي كان مصبرني على نذالته معي فترة طويلة
لعلمك انا اخر مره رحت لاهلي زعلانه قبل سنتين
يعني مو من عوايدي هالتصرف
بس مشاكلي معه دمرتني
الهم اكلني اكل
حسبي الله ونعم الوكيل

زوجي جاني
ماكنت محضرة اي كلام
وهو جلس يحسسني ان اللي صار خلاف وراح
لمته وقلت اللي بخاطري
وهو عطاني تبريرات وعود
وجلس يذكرني باشياء فعلها عشاني
الى هنا اوكي
لحد ماطلبت منه نكلم مستشار
قال انا كلمت وانتي كلمتي وما استفدنا شي
قلت له الافضل انا واياك عند مستشار واحد
رفض بشده وقال خلاص احنا عارفين اغلاطنا
قلت له بعد اللي وصلنا له لازم هالخطوه
رجع رفض وقال خلاص لاتصيري نشبه قلنا مالك الا اللي يرضيك بدون مستشارين

هذا الشي المحبط
والمشكلة انه اصر يجي ياخذنا بكرا
طلبت وقت كم يوم ورفض
قال خلاص لاتطوليها وهي قصيره

احس استعجلت لما تقابلنا
ما ادري ماني متطمنه
او يمكن فاقده الثقه بعلاقتنا انها ممكن تتحسن
قلبي مو مرتاح

ما سألتيه عن الطلاق الثاني ؟
--------
بس الخيره فيما اختاره الله

حاتميه لا ما سألته
وافكر ما اسأله ولا اعطي الموضوع أي اهتمام
ما ابي احسسه ان هالشي شاغلني او اني خايفه من الطلاق




لست كغيري
اشكرك على السؤال
امس كان المفروض ارجع معه البيت
لكن كلمته وقلت يأجلها لبكرا (اليوم)
على أساس اني تعبانه امس
حاولت اكسب يوم زيادة لاني خايفه ارجع معه
وداخلي كره عظيم للبيت وصاحبه
خصوصا ان اليوم لي سادس عند اهلي
والله العظيم مانزلت مني ولا دمعه ومرتااااحه
بعكس بيته اللي كل يوم او يومين ابكي فيه
حاسه اني منجبره ارجع مو اختيار ابدا
ومقتنعه اننا ماننفع نكمل مع بعض
خصوصا بعد مارفض نتواصل مع مستشار
وفي شغلات اثارت شكي فيه هالفتره
بس ما ابي اخوض بشكوك
انا كارهته واشوفه ابشع مخلوق بالدنيا
والفرق اللي اشوفه بين بيت اهلي وبيته يكرهني فيه اكثر
لكن برجع عشان اطفالي وحتى ما انكد على اهلي
وماعندي استعداد اقدم ربع اللي كنت اقدمه له
يكفي انه معترف بلسانه اني حاولت بكل الطرق ارضيه
وانه تعمد يقسى علي ويهيني حتى تبرد ناره
بسبب كلمة قلتها من أسابيع طويلة
ويقول الحين بردت ناري خلاص وارتحت!!
ارتاح هو لما انهرت أنا.. احسه انسان مريض
انا برجع واعيش لنفسي واطفالي
عاجبه والا كيفه يطلق يروح يتزوج براحته

أنت صورة مصغرة لحياتي
حتى كلماتك أحس بوقعها علي جداً
وكأني أنا اللي كاتبتها
ما أبي أقول لك وين وصلت بقراراتي وحياتي معاه عشان ما تتأثرين
لكن رح يستهلك من صحتك وعقلك الكثير
لغاية ما نفسك تعافه صدق
إلا إذا تداركتي هالمرحلة باستشاري
لأن حياتك معاه ما ينفع معها اجتهادات منك فقط
بعض الناس مريضة ، وتشوف هالاجتهادات واجب
أو شي طبيعي
وتتمادى وتتمادى وتتمادى لغاية ما تنصدم بخسارة اللي قدامها!!
تدرين يا كنافة
يقول لي " ---" خلاص فهمت " ----"!!
يقدر يقدم لي كل اللي كنت احتاجه وما يكلفه شي
بس بمزاجه وبكيفه كان يرفض ويتهرب ويراوغ ويلف ويدور
لأنه يعشق دور اللي ياخذ ما يعطي
الدليل إنه لما يجون أهله ، أو لما أزعل يتعدل وينتبه
لكن شوي وراجع
مع إن كل الأشياء اللي كنت أبيها ما تكلفه شي
بالعكس أشياء طبيعية عشان الحياة تمشي
وأقدر أستمر معاه
لكن ما يبي !
مثلاً
مستحيل نطلع نتمشى أجلس بالستة شهور والسنة ما عرفت تمشية معاه
مستحيل يجلس يسولف معاي ، أبدا أبداً ولا يجلس معانا عازل نفسه
مستحيل يقضي مشوايرنا
نسافر زي الخلق مع إني أنا اللي أتحمل كل ريال
وفوق هذا محبوسين في البيت أنا وعيالي بغرفة وحدة
ما يلعبون
ولا حتى يتجرأون يطلعون للحوش
يا ويلهم
ولو يطلعون غرفتهم نزلهم عشان ما يشغلون مكيف ثاني ويصرفون
وإذا اقترحت عليه أي شي أبسويه في البيت وأنا أبتحمل كل مصاريفه قال لا
والدليل سنتين بدون مطبخ
وبيت ثلاث أرباعه فاضي
تصرفاته مقصودة
وعقله ملياااان خزعبلات
يشوفني كرت بيحرقه أي يوم
فماخذ كل احتياطاته
24 ساعة تواصل مع أهله
التلفون ما يطيح من يده
وإذا قربت إجازة قلت له يومين أقل شي بالشرقية
رد وعد بس موب ألحين، وفجأة يسافر لاهله
ويرجع ولما يحتاجون عياله مستوصف وديهم ما أعرف لهم
وهو في الحقيقة ما يبي يدفع !!
كل شي تتخيلينه وما تتخيلينه على ظهري
هو بس غدا وعشا أحياناً من هالمطاعم لأنه موقف لي بسالفة المطبخ!
تصدقين حتى شامبو جسمه وشعره يستخدم اللي أجيب ولما تخلص ينتظر لغاية ما أشتري
أو يشتري له واحد !!
ياخذ ياخذ ياخذ
ياخذ كل شي
اللي تتخيلينه واللي ما تتخيلينه
وينتقد كل شي
وما يعجبه أي شي
حتى المفرش اللي ينام عليه ما عمره قال خذي وغيريه
يستمتع يعيش كالطفيلي على حساب الغير
وينتقد الناس إنهم ما يعرفون المراجل!
وفوق هذا كله تسع سنين ماحد دخل بيتي
ما يبي أحد
أنا أروح إيه
أحد يجيني لااااااااا
وإذا جاني أحد والله ما يسوي ولا يجيب لي شي مع إني أبعطيه فلوس بس يجيب لي
يقول مالي شغل
وأدفع ويجي الطلب وهو أول من ياكل
يجلس على الدرج
ويدق مليون مرة " جا العشا، وين العشا....... الخ"
ومن تجيني بنت خالتي( الوحيدة المسموح لها) كل شوي يتصل
عيالها لا يلعبون
باب الشارع انفتح كم مرة
الكورة لا يلعبون فيها يكسرون لمبات البيت
وملاحظات ملاحظات ملاحظات
أدري مالك علاقة بكل اللي قلت
بس النهاية للناس اللي مو طبيعية هي وحدة
أو يمكن أنا منضغطة وكلامك اللي فوق حرك الراكد كله!
الحقي عمرك ولا عاد تجتهدين إلا بمساعدة استشاريين
عشان ما تكرهين اليوم اللي عرفتيه فيه

شوك شفتي بعد كلامك ذا كله
ومعانتك مع زوجك وجحوده ولؤمه
عادي يجيك احد ويحملك كل المسؤوليه
ويقول: ماعرفتي مفتاحه.. سايسه.. داري بيتك

هالناس هم اللي مقوين شوكه الرجال
ومعطينه كل الصلاحيات يخطي ويخطي ويخطي

واذا الرجال رافض تماما العلاج
ورافض المستشار وحلول المختصين
هنا مافي فايده لاي اصلاح
لازم تكون فيه قناعه من داخله ورغبه واراده

بالنسبه لمشكلتي
دام هو اللي جاني وطلب نرجع
بشوف ايش ممكن يصير بينا
هو لو تركني والله ماكان فكرت ارجع

السلام عليكم..
عليكي ان تحددي ماذا تريدين..
قرات موضوعك ويظهر لي انك لا تطرحين المشكلة من اجل ايجاد حل.. وانما تبحثين فقط عمن يقول لك انتي على حق وزوجك ما يسوى..

زوجك قد اصبح كومة سلبيات..

الأعضاء الكرام اعطوكي حلول لاسترجاع كرامتك، وترويض زوجك شيئا فشيئا، وتهيئة جو هادئ يسعد فيه الجميع، وصالح لتربية اطفالكم،،

لم ينصحوكي بالسكوت والخضوع،، ولكن في نفس الوقت لم يحرضوكي عليه، لا تسكتي، لا تصبري له، لا تتحمليه اكتر،،أتدرين لماذا؟ لانك غير قادرة على خوض هذه التجربة.. لو كنتي قد الطلاق وتحمل مسؤوليته كلها.. واهم شي عندك كرامتك كما تدّعين،، كنتي اليوم رحتي وطلبتي الطلاق فعليا وقبلتي بكل تبعاته من اللحظة مهما كانت صعبة...

كيف تجعلين زوجك انسان سيئ وتقبلين التجريح فيه من الأعضاء؟؟ كيف تحسين برجولة زوجك وتخليله مكانه حلوة وانتي هون قابلة بعض الأعضاء يقدحو فيه؟؟

حتى لو زوجك فيه صفات سيئة..فيه ايجابية بعد..وبمجرد انه زوجك عليك ان لاتقبلي بالتجريح فيه وتحريضك عليه..وجعله غير صالح للعشرة.. ثم تروحين المساء وتجلسين معه على نفس السفرة، وتتبادلان الأحضان،، اراهن انك لن تقبلي ان يرى زوجك هذا للموضوع...

هما امران لا ثالث لهما..اما انك ضعيفة ولا تقدرين على الطلاق،،.
او انك ناكرة للعشرة.. انا بدالك بعد الكلام لي صار هون.. زوجي بيكون مو رجال بعيوني.. بدك يحكولك اتركيه هذا الانسان لا يستحقك؟ انا بقولك.. اتركيه يا كنافه هو لا يستحقك وسيئ، تمردي عليه وتطلقي لاسترجاع كرامتك المهدورة عالآخر... الكرة في ملعبك تصرفي..

المستشار ضروري لاكمال حياتكم.. كليكما تحتاجان طرف محايد يتابع معكم وساعدكم على فهم اخطائكم.. ليس زوجك فقط..

إذا هو ما يبي مستشار
أنت تواصلي وبدونه
وما لك باللي بيتكلم ويحكي
هم مو عايشين نارك
ولا حياتك
ولو صاروا يوم بمكانك
والله ما يتحملون
اعرفي وش تبين
وافهمي وش تبين
ولا تستهلكين روحك كثير لاجل سراب تطردين وراه
بلا مفاتيح بلا خرابيط
فيه رجال " عاهات " في هالحياة
مفاتيحهم يتركون لوحدهم يعيشون هالحياة زي ما يبون
وأذاهم يكون على أنفسهم بس .