دوبو جاء وتكلمنا وكبر الموضوع..
هو يرفع صوتي وأنا أرفع صوتي ، أنا طلعت كل اللي في قلبي
قلت له ماعاد يكذب ويعيشني في وهم وهو لا زال مصر إنه يكرهها وإنه بيخلف أولاد له ولمصلحته
فهمته أنا ماعاد أبغى منه أطفال وهو بكيفه يخلف زي ما يبي، مالي شغل فيهم
تكلمت كلام جارح في حياتي ما قلته، فقدت أعصابي

سالني لو ما بيننا أولاد تعيشي معي؟ قلت له: لأ كان انفصلت أكيد
انصدم وقال إنه مو مصدق
وأنا اللي كنت واعدته أكمل حياتي معه ومتمسكة فيه

طلع من البيت وهو معصب وقال لي من اليوم ورايح ماعاد بيكون بيننا إحترام
وبأعاملك زي ما أعاملها عشان تعرفي إن الله حق وتبطلي تقولي إني أكذب وإنكم متساويين
قال لي مرة برجولي رميتها وفي مرة ضربتها كف وفي مرة رميت عليها الكرسي

........

هذا أسوأ موقف مر عليا خلال سنوات زواجنا

ما أدور حل لأنه مافي حل
بأطنش وأرجع بيتي بعد يومين وأعيش حياتي

اهم شي

فضيتي اللي بقلبك؟ حسيتي انك ارتحتي لو بنسبة جدا قليلة؟

طيب واذا ضربها ورمى عليها الكرسي انتي ايش يخصك؟ فهمتيه هالنقطة؟

__________________

اختلافي عنك لا يعني اختلافي معك

ارتحت ارتحت يا فانيتي
مع إني خربت الدنيا..
لدرجة هو يقول أنا اللي طلعت أمثل عليه وانصدم من كمية الشر اللي داخلي

بالنسبة للضرب يا فانيتي عشان يبين لي هي ولا شيء وإنه يهينها
قلت له ما لي دخل فيها ما احترمتك أكيد بتعاملها كذا وإنت ماشفت مني كل إحترا، لازم تحترمني

يقول هو تعب مني لأنه مهما بين لي غلاوتي عنده وإني غير، مافي فايدة، فبيدأ يعاملني بإهانة عشان أفهم الفرق

معليش.. ردة فعله طبيعية ومتوقعة

بس ان شاء الله بتثمر ويصير ينتبه لكلامه اكثر..

__________________

اختلافي عنك لا يعني اختلافي معك

مارح يعاملك مثلها ابداً اذا كان صادق

المهم انتي ارتحتي

عندنا مثل يقول من برد قلبه كبرت مصيبته

والله لا يقدر عليك اي مصايب لكن اتمنى انك تكوني فهمتيه ان قصدك لا يجيب سيرتها خير شر لان حسب رده انه يبغا يطمنك بنفس الكلام اللي كان يحس انه يعجبك ويطمنك ضربتها رفستها رميتها بكرسي /رغم عدم تصديقي لهذه المبالغه/
لكن زوجك عارفك زين وعارف ان زي هذا الوصف يطمنك انها مدعوس عليها وانتي الوحيده الي في الحجر

والله ما ابغالك الا الخير وانك لو تخرجي نفسك من حياتهم /فعليا وليس مجرد كلام/رح تخرجي وترتاحي لكن هو حاس انك مهتمه فيه وفي حياتهم مع بعض فيطمنك بدون طلب اما لو تاكد انك مالك ومالهم ما حيجيب سيرتها ابدا

عموما يارب ما عاد يجيب سيرتها فهذا هدفنا او هدفك يا اختي وليس الهدف هو تجديد السب فيها والاكشنات الي يقول انها تصير معهم

بالتوفيق واكتفي بهذا لان رايي ما رح يعجبك
الله يسعدك وينور بصيرتك

كوكتيل يا بنت الحلال كيف أنا مدخلة نفسي في حياتهم؟ ليش قاعدة تقلبي الآية !

أنا مني فاضىة لتفاهاتهم عندي أشياء أهم
ومعليش أبدا مو شخصيتي ولا طبعي وترتبيتي نخليني بهذا المستوى والتفكير
والله أستحقر نفسي لو كنت كدة!


جزاك الله خير حرصك وصل ،،

شفتي كلامه الاخير ماكنت اتمنى تسمعيه منو
مدري يااشراقه انتي تاركه مشاكلك الاساسيه معاه ومركزه ع كذبه ع قولتك
معليش اذا قسيت عليك بردي بس يشهد ربي من حبي لك...
فوتي وسايرتي استغلاله المادي لك فوتي اشياء كثير ع قولتك بحياتك هو مهملها
وركزتي اللحين ع كذبه عليك..
هي غيرتك عليه لانك كنتي مصدقه كلامه ومعيشه نفسك بوهم انكرتي هالشي او لا
وممكن يكون زوجك صادق
ممكن فعلا يودها ويحترمها واكيد بتحصل بينهم علاقه بس مايحبها مثلك..
اشراقه تدرين بقولك شي بحياتي مع ابو عيالي ماركزت ع حقوقي وحقوق عيالي
كنت مركزه اكثر شي عليه هو وع زواجه وهالشي اتعبني وخسرني اشياء كثير...
اتمنى اتمنى اتمنى تركزي ع حياتك وترضي بواقعك وتتقبلي زواجه
وخففي من حبك له ..
لو م تحبيه بالكميه الكبيره اللي تنكريها كان مااثر موضوع انجاب زوجته الثانيه عليك
لو كنتي متقبله زواجه ورضيتي بواقعك كان كلامه دخلتيه من اذن وخرجتيه من اذن
لانك عارفته اكثر منا كثير كلام ...
اتمنى م تخسريه وتخسري حبه لك..
انتي امرأه م تعيشي بلا مشاعر وما تعشي وتعتبريه مجرد اب لعيالك وصرافه..
استمتعي بحياتك معاه وقوي قلبك
مالك غنى عنه ولا هو له غنى عنك وابتعدي عن الافكار اللي ممكن تهدم حياتك ..
بالتوفيق ي قلبي...

__________________
(سيدة الموقف)
لم ننساك ونسأل الله ان تكوني أنتي وأولادك بخير

زوجك يا اشراقه يحبك وهذا واضح
يمكن تقولين وشلون يحبني وتزوج علي
ونقطة ثانيه انا فهمت منك من ردودك ان تكتمين في قلبك كثير
لدرجة زوجك انصدم منك يحسبك راضيه عليه
انتي كتمتي في قلبك بعدين انفجرتي عليه
انا ادري شي في داخلك مايخليك مثل اول بعد زواجه عليك وبصراحه ماتنلامين
الله يعينك

__________________
استغفر الله وأتوب إليه

حاسه بالنار اللي في قلبك
مع إني أول ما قريت آخر رد قلت بداخلي " عبيطة"
لكن أرجع أقول لك أنت شخصية تعرف وش تبي وما يأثر عليها أي متحدث
من حقك تجيك حالة " ثورات " عليه، ومن واجبه يتحمل
هو اللي اختار

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.