انت تتعرض لابتزاز العاطفي... وانت شخصيتك عاطفية

اقرأ عن هذا الموضوع في الانترنت وشاهد فيديوهات في اليوتيوب عن هذا

ممكن انه صحيح لانها تعرف اني طيب وهذا اللي طمعها

الزبدة الابتزاز العاطفي هو استغلال العاطفة للضغط على الطرف الآخر للحصول على أهداف معينة

وعادة تكون الضحية شخص طيب ومرهف الحساب ويتحمل مسؤولية ويشعر بعقدة ذنب وتأنيب ضمير إذا لم ينفذ أهداف ومتطلبات الطرف الآخر

هي تظنك الان جالس تلين شوي شوي امام انوثة رسايلها
وان سكوتك ما هو الا استمتاع داخلي برسايلها
والدليل انك طلقت زوجتك لانك ما لقيت زيها بين الحريم
وانك نادم على الطلاق لكن ما بيدك حيله
هي تدري انه طلاق باءن لكن تصبر نفسها انك ما زلت تحبها ويمكن يشطح تفكيرها انكم تخططون سوى كيف تتزوج هي وتطلق وترجعلك
ووووووو من اوهام الشيطان براسها

لكن يوم توصلها معلومة اكيدة المصدر منك او من خلال اخوها
ان رجعتها لحياتك زي عشم ابليس بالجنة
هنا بتصحى وتعرف ان صمتك كان حلم رجل وليس عشق رجل كما كانت تفسره
وتترك في حالك

اخي الوحيد
لن تتوقف طالما هذا تفكيرها فلابد من شيء يصحيها من احلامها
ترى المراة اذا حلمت مستحيل تصحى من حلمها الا بشي اكيد زي عين الشمس

يااختي هذا في حالة الانسان اللي اتعامل معه سوي
لكن اعتقد لا مو اعتقاد الا اجزم انها نفسيا تحتاج دكتور
يكفي رسايلها اللي ترسلها على انها مظلومه وتتحسب علي وبعدين تقول الله يسامحك
ومره تقول ادري ان الفراق يوجعك
ومره تقول ياحظ اللي تاخذك
هالانسانه ماهي طبيعيه ابدا كيف اقدر اصحيها ؟
اذا اني كلمت اخوها وبرضو الرسايل مستمره

هلا الشيخ وحيد

ياخي ساعات احس انك اخوي التوأم هههههههه
الردود الاخيره منطبقه عليي وعلى طليقتي اب شكل كبير جدا

فعلا طليقتي نفس الموضوع ترى
- خيانه
- تزوجت من الي خانتني معاه
- ما حشمت نفسها وكانت تبي الاولاد يوصلولي أخبارها مع زوجها الجديد
- محاولات إشغالي و التجسس عليي والتحقيق مع الاولاد كل مره عقب ما يرجعون مني ( وهي على ذمة رجل )

بعد ما فجرت فيها حاليا شغاله قضايا علشان ما آخذ منها الحضانه و حتى زواجها مو اموثق رسمي ههههههه

طيب سؤال،،،، زوجها الجديد شلون امخليها اتشتت نفسها مع القضايا ضدي غير السب الي جاها مني و هم الغريبه ان صارلها قريب سنه معاه وما جابت أطفال

يعني انا لو اتزوج مطلقه بشرط عليها إغلاق صفحة الماضي مع طليقها بس الظاهر الي معاها الحين مو هامه اصلا هههههههههه

خل تدفع الثمن الحين، باعت اَهلها و بيتها وهذي النتيجه
اللهم لا شماته

الله يهدي النفوووسس كل هذذذذذا واللهم لاشماته وش بقيت

طبعا احنا ضد الخيانه

بس تذكر القلوب بين يدي الله يقلبها كيفما يشاء
وتذكر الشيطان يجري في بني ادم مجرى الدم بالعروق
وتذكر ان الانسان مبتلى

والله اقولها من قلب محب الخير لتفسي والجميع
لاتلحق الشماته بأخيك فيعافيه الله ويبتليك

هلا والله وغلا اخوي عبدالله
ايه مافيه شك انا اخوك ونعم الاخ انت

ياخوي انا متفائل ان ربي راح يعوضنا خير ان شاءالله بعد صبرنا

ابعدوا الاطفال عن مشاكلكم .. مالهم ذنب .. بكره يتعقدون ويصيرون نفسيات لاسمح الله ..
ويا اخوي اذا اولادك اطلبوا منك شي .. فهمهم ترا الطفل يفهم .. ويفهم اكثر من الكبير احيانا .. كلمهم وقول لهم انا بوفر لكم اللي اقدر عليه .. واللي ما اقدر عليه ممكن يتأجل ,,
وما ودي انك تبعد الاولاد عن امهم بس انا مو شايف قدامك اي حل ثاني ..
خذ عيالك وجلسهم عندك .. وتزوج لك وحده كبيره عاقله تحترمك وتقوم بعيالك .. من اللي تكلمت عنهم من بنات عمامك .. الى ان زوجتك ترجع لعقلها وترضى بالامر الواقع عقب اهلا وسهلا فيها باي وقت تبي تشوف عيالها .. اناا ضد حرمان الاولاد من امهم او ابوهم ..
ثمن موضوع الستر عليها .. كلم اخوها الكبير اللي بكل الاحوال بيكون اعقلهم .. وخله يعلمها بأنك علمته بالموضوع من الالف للياء .. خلي الموضوع بينهم .. انت مالك ومال وجع الراس ..
وبالعكس .. يوم تقول انك تحسد الاحمق لانه يتخذ القرارات بدون دراستها .. بالعكس .. لازم تدرس جميع الاحتمالات قبل الاقدام على اي قرار .. بس اهم شي الحزم .. يعني ما تقعد فتره طويله تفكر بحل .. وفي الاخير تقول لااا انا طيب خلاص خليها يمكن تعقل ..
او طبق كلام الاخ سلطان اشووفه عقلاني جدا لاني لا اخفيك اني قاعد اكتب لك ردي هذا وانا متنرفز بصراحه وكأني انا المعني بالموضوع ..

انا عيالي هم رقم واحد عندي وكل شي اسويه اول ماافكر في عيالي
واما الحرمان من امهم بكذا انا راح اعاقبهم هم مااعقابها بس
ف لايمكن احرمهم من امهم ولكن اذا تزوجت ان شاءالله راح اجيبهم عندي