رد: اهانني؟! وماذا بعد يا ملاذي؟
معالي الوزيرة
اكون صادقه معك.. وعن تجربه
كثر البعد يولد الجفاء
ان كان منك او منه
فطول المده ماله معنى محدد
الا التردد
انتي متردده وهو متردد
فقط لا غير
مترديين بقرار الاستمرار او الانفصال
نتكلم بصراحة
الرجل اذا شاري زوجته
ممكن يتحمل بعدها اسبوع اسبوعين
بعد كذا يدخل مرحله التعود
والزوجة تدخل مرحله خيبه الامل
ينكسر شي داخلها مستحيل يتصلح
انا واثقه لو ربي كتب لكم رجعه
معالي ماراح تكون هي نفسها اللي قبل 3شهور
التجارب القاسيه تغيرنا.. تصقلنا..
احيانا للافضل.. من الطرفين..
انا ما اعتقد انك مرتاحه لكونك معلقه
بدليل كتابتك هنا.. انتي منزعجة.،
ومعك حق.. طالت القصه وهي قصيرة
لكن دام عندك قدره تصبري اكثر
ما انصحك بالطلاق
فكري بحلول جديده ماقد جربتيها
خلينا نستفيد من قصه المصروف
كثر خيره تذكر بنته.. يعني فيه خير
انا عندي طفلين ماتذكرهم ابوهم بريال
عندي اقتراح.. فكري فيه اذا يناسبك..
انك ترسلي لزوجك مسج من جوالك الجديد:
مشكور على مصروف بنتنا
زوجتك فلانه
وبس
من الذوق تشكرينه
وكذا بينحرج
وتكوني عطيتيه دافع لاصلاح الامور
واكدتي له انك انسانه رااااقيه
ومنها يعرف رقمك ويلقها فرصه يتواصل معك
حتى مايتحجج بعدين انه مايعرف رقمك
وارجع واقول لك.. تصرفه جيد
90٪ من الرجال يسحبون على زوجاتهم وعيالهم وقت الزعل
المهم الحين
صفي بالك..
واذا رجعتي بيتك لاتعتبري المشكله انتهت
انتبهي
كلنا نغتر بهالمرحله يازعم فتحنا صفحة جديده
بينما الواقع ان فيه شغلات كثيره لازم تتغير
نتكلم عنها بعدين ان شاء الله
التعديل الأخير تم بواسطة روان . ; 09-08-2016 الساعة 04:20 PM
09-08-2016, 04:18 PM
ضوابط المشاركة
العرض المتطور