معذرة على قسوتي في الطرح ... اجل ليش انتي متزوجة اصلا ما دام انتي ناوية تجلسين اكثر من ربع الاسبوع مع اهلك .. لو حسابنها في السنة راح يطلع انك في بيت اهلك حوالي 104 يوم في السنة اللي فيها 365 يوم .. يعني تقريبا 28% من السنة انتي في بيت اهلك ... ما اتوقع في زوج بيرضى بهالشي الا اذا كان متزوج ثانية ويمكن ثالثة ورابعة بعد

زوجك يحبك ومتمسك فيك بس هو حاسس انك ما تهتمين فيه ... واسوء شي للزوج لما يعرف انه ترتيبه في اولاويات الزوجة الثالث او الرابع او يمكن الاخير

يا اختي احيانا الواحد من الغضب والقهر اللي فيه يتصرف مثل الطفل ... فانتي الله يصلحك لا تصطادين في الموية العكره

انتي محظوظة بهذا الرجل اللي يحبك فلا تضيعينه منك ... مو كل يوم بتلقين رجل يحبك ومتمسك فيك وصابر على فراقك ... بكره اذا قعدتي اسبوع اسبوعين (احتمال يتزوج ثانية) ثلاث اسابيع (يتزوج الثالثة) اربع اسابيع (يتزوج له رابعة) ... مصير زواجك بيدك قبل ما يكون بيده ... وشيل فكرت الطلاق شوف بلاوي الناس وحمدي ربك لا يعاقبك ... ولا تنسين جميلة عليك والايام الحلوة ... الشيطان ما مات

الله يفرج همك

السلام عليكم الأخت سموره

عندي سؤال : من متى بدأت غيرته؟ ومن متى صارت غيرته مزعجة بالنسبة لك؟

__________________
-

تصرفات زوجك ادل انه يحبك بشده ومتعلق فيك.
الموضوع مايرزا توصلينه للطلاق.
بكره اذا اطلقتي وسكنتي ببيت اهلك راح تكون القعده عندهم هم وراح تتمنين الرجعه لزوجك.
اقعدي معاه قعده جاده وقللي اتصالك مع اهلك .وقروبات الوتس اب احذفيها.
عشان خاطر عيالك ظحي

ديرة اهلك بعيدة
ينزلك و يرجع يعني يسوق ثمان ساعات في اليوم و يجيك بعدها بيوم
بصراحة تعب تعب
انتي ارخي معه لا تعاندينه

مرحبا سمورة

قاعدة مهمة، أنتي لزوجك مو لأهلك، وزوجك لك مو لأهلك، الفكرة هي الزوج أولاً.
كونك بمنطقة بعيدة وتيجي كل أسبوع هذي حاجة كثيرة، خواتي ساكنين في نفس مدينتنا ويجون بالشهر مرتين، وغالباً ماينامون لأنه أزواجهم أولاً وهم الأهم، وهذا لاجدال فيه ولا أحد يناقش.
أختي ساكنة في مدينة تبعد 40 كيلو عن مدينتنا تجي بالشهر مرتين وتنام عندنا، وزوجها ماعنده مانع لأنه أصلاً يحب الطلعات والتمشيات والتفرغ لنفسه شوي حسب مايبدو لي.

في نظري أنه أولاً قللي من الذهاب للأهل، حاولي أن تذهبي بالشهر مرتين على الأكثر
زوجك يشعر أنك تحبي أهلك وتستمتعي معهم أكثر منه ولذلك هو يغار
زوجك يبدو أن يشعر أنكِ مقصرة بحقه والاهتمام به، وهذا يُكتشف من خلال تفاصيل الحياة بينكما.

صراحة زوجك يبدو لي أنه طيب ويتسامح كثير، وحقيقة لو زوجتي بهذا الشكل لايمكن أن أجلس معها، لأنه عادة لدي مبادئ وخطوط حمراء أي خدش لها يعني نهاية حياتنا إلا إذا كتب الله شيئاً آخر.
أنا لم أتزوج إمرأة تمضي ربع الأسبوع مع أهلها.

__________________
ياصبحِ لاتِقبل !!
عط الليل من وقتك..

لما تصير بينا مشكله بالطريق بسبب نكده علي .. اقوله خلاص رجعني وروحة لأهلي مو رايحه .. يقول لا روحي بعد ايش بعد مافطعنا نص الطريق .. واذا صار النكد قبل مانطلع .. اقوله خلاص بجلس مو رايحه .. يقول ليه انا مامنعتك تروحين .. انا قاعد اوديك وواجيبك برضاي مو غصب .. بس اسلوبه وطريقة كلامه جدا مستفزه ..
صحيح هو يقول اكيد انبسطتي بعد مارجع من عندهم يلاحظ هالشي فيني .. بس هو نكدي مره مره نكدي في هاليومين .. ودايما ابين له اني مبسوطه معه .. ازود االاهتمام له .. بس ماينفع معاه .. لو اروح بالشهر مره اعتقد بيكون نفس الموال لان مشكلته إخواني
ان شاء الله اذا رجعت حخليها مرتين بالشهر
شكرا لك ..

__________________
-

فأجبر خَاطري .. بفيّض نعَمك ❤ ....

اقترح عليك ماتتحدثي عما حدث في بيت اهلك وين رحتوا وين جيتوا ايش اكلتوا ايش قال اخوك ايش قالت امك، لما تكوني معه حاولي لاتجيبي طاريهم الا اذا هو جاب طاريهم واعطيه اجابات على قدر السؤال

اطرحي عليه مايناسبه بخصوص علاقتك مع أهلك متى تذهبي وكم المدة، واجعلي الكورة في ملعبه، أدرك أن نفسك تتوق للجلوس مع أهلك وتستمتعي بذلك، ولكن تذكري دائماً أن زوجكِ أولاً وأنكِ لزوجكِ، لذلك دعيه يحدد متى المناسب لك لزيارة أهلك وكم يوم تجلسي ولا تجادلي في ذلك، بعد ستة شهور بعد سنة بعد سنتين سيتغير، الأهم أنتي خوذي الأمر بريلاكس ولا تدخلي في صدام.

__________________
ياصبحِ لاتِقبل !!
عط الليل من وقتك..

هل تطلعون مع بعض في أيام الدوام ؟ هل تتمشون؟
أيام الإجازة لها وضع يختلف عن أيام الدوام ؟
هل ممكن يكون هذا السبب ؟

لكن لو كان فقط يغار من إخوانك فوضعه غريب حقيقة !! و يحتاج الموضوع إلى تثقيفه من ناحية شرعية لمعرفة حكم جلس البنت مع اخوانها
الا إذا كنتوا كعائلة البنات تأخذ راحتها زيادة عن اللزوم مع الأخوان في اللبس و في وضعية الجلوس مع بعض يعني تجد الأخت في حضن أخوها و كذلك الأخ في حضن أخته بسبب أو من غير سبب أو كان الإخوان سمعتهم ماهي طيبة هنا ممكن يكون سبب غيرته مبرر من وجهة نظره أنا لا برر له أو لك و لكن أظع احتمالات

والله أعلم

__________________
أنا جنتي وبستاني في صدري أين رحت فهي معي لا تفارقني إن حبسي خلوة وقتلي شهادة وإخراجي من بلدى سياحة
إبن تيمية

كنت ماتكلم عنهم قدامه .. بس هو زودها كثير .. اقول بكره بيتغير .. اشوفه يزيد عن قبل .. لدرجة اذا جاني اتصال من واحد منهم .. يعصب يقول ليه تردين واصلا في احد يدق هالوقت مع ان الساعه تكون 10 الليل
بحاول اعمل بنصايحكم .. شكرا لك ..

نعم نطلع ونتمشى ونغير جو نفسه نفس الويك اند .. هو عنده الخميس يسهر مع اصحابه بالاستراحه ومايرجع آلا فجر ويروح عند اهله الين السبت ويجيني .. يعني مال وجودي اهميه .. بس هو السبب اخواني مايبيني اقعد معهم واضحك معهم .. لو اقوله بتبري منهم والله ليفرش دربي ذهب على هالقرار .. للعلم ان علاقته مع اخواني جيده واحنا عيال عم برضو .. الملابس كنت البس عادي قدامهم بس هو منعني .. صار يفتش شنطتي اللي بروح فيها لاهلي .. مره ماتلاقيت معهم اكثر من أسبوعين واخوي الكبير سلم علي بالحضن وبوسة خد ..زوجي دفه وقاله عيب انتوا اخوان وش هالسلام .. مع ان سلامه عادي .. اخوي زعل منه ذاك اليوم يقول لي وش فيه زوجك .. قلت له يحب يمزح معاك .. اخواني كبار مو صغار عشان يغار منهم

__________________
-

فأجبر خَاطري .. بفيّض نعَمك ❤ ....