مسك ... قلت لعمي اني ابرتاح بعد الاجهاض ... يقول لي معليه تعالي عندنا بيتنا وبيت اهلك واحد .. وعيب علينا تطلعي من عندنا زعلانه .. وان ولده بيجي يعتذر .. طيب ليه يكذب عمي ويقول انه ولده هو اللي يبي يعتذر ... وهو اللي اجبره .. ابي يدري ان ولده قال لي كذا ..

__________________
-

فأجبر خَاطري .. بفيّض نعَمك ❤ ....

موقف عمج مفهوم يا سمورة.

لكن لأن زوجج ـ مثل ما قلتي سابقاً ـ ما عنده جرأة المواجهة رضخ لأبوه وما قدر يقول له لا.

__________________


اللهم طِيبَ الأثر .. وحُسْنَ الرحيل.

قولي لهم الحمدلله ماني زعلانه ..بس ابغى ارتاح ببيت اهلي
هذا هو العرف ليه مصممين الا ترجعين ..

وزوجك نصيحه لاتبينين انك زعلانه منه
اعتبري موقفه اللي سواه سحابة صيف وعدت ..بيني له انه تصرفه ماهزك ولا اثر عليك ..

فقط اوقفي تواصلك معه الا للضروره لانه للاسف تواصله من جهته يهدف الاستفزاز

مهره وريماس مشكورات حبيباتي ... صحيح هو مايبي يقول لا لاي احد الا انا ... وهذا اللي يجلطني .. ابي شخصيته تتغير .. وتعامله .. وحياتنا كلها ابيها تتغير للافضل ونعيش مثل كل زوجين مو قط وفار .. وهو برضو هوايته الاستفزاز وانا من النوع اللي يستفز بسرعه ودايما احاول اضبط اعصابي واتحكم بنفسي بس بالاخير اخربها ...

اللي صار اليوم .. جا هو وعمي ... وقالوا لاخواني السالفه بس مو بالتفصيل .. يعني بس قالوا اني حصلت بينهم مشكله بسيطه .. اني متاثره بسبب الاجهاض واني قلت انه بسببه اهملني وماوداني الدكتوره ... وانه الغلطان وهو اعترف ... قلت لهم طيب انا مو زعلانه ... قال عمي خلاص ارجعي معنا خلينا نصوم سوا .. قمت حبيت راسه قلت له والله جيتك عزيزه على قلبي وسامحني ماقدر ارجع ابي ارتاح ووعد كلها كم يوم اخلي فلان يجيبني .. زوجي طول الوقت ساكت .. ومن بعد كلامي قال ابوي جاي يراضيك وانتي تدلعين .. وين حشيمة عمك ... قلت له هو على عيني وراسي ... بس صعب ارجع وانت مجبور انك تجي وتراضيني ... قام يسكتني .. قال لي خلاص روحي جيبي العيال باخذهم ... عمي قال مين قال لك انه مجبور ... ماقدرت اقوله من رسايله ... مابي تكبر المشكله بينهم ... لاني حسيت انه زعلان من ولده وبنفس الوقت زعلان عليه ... قلت من اسلوبه معاي وكلامه مايدل انه يبيني ارجع .. المهم اني حاولت اقنع عمي اني مو زعلانه بس بقعد كم يوم ... حسيت طلع وهو زعلان وربي ضايقه فيني الدنيا .. ارسلت لزوجي بعد ماطلعوا ماحبيت ابوك يطلع كذاب قدامنا .. اخواني حاولوا يقنعوني انه ماصار شي .. وقلت لهم مو زعلانه بس مابي ارجع .. واعتذروا من عمي ... قالوا لي اني ماحشمته

__________________
-

فأجبر خَاطري .. بفيّض نعَمك ❤ ....

قدر الله وما شاء فعل.

عمج بالفعل على العين والراس وما قصر .. لكن حقيقةً وبعد مسجات زوجج فلو رجعتي فالغالب إنه بيطّلع حرته فيج بشكل أو بآخر.

لكن يا سمورة ما دام وعدتي عمج .. فخذي لج كم يوم عند أمج مثل ما قلتي وبعدها ارجعي.

بس أشوف إنج ترجعين مع حد من اخوانج.

__________________


اللهم طِيبَ الأثر .. وحُسْنَ الرحيل.

مشكوره عزيزتي مهره ... ان شاء الله الاثنين اخلي احد من اخواني يودوني ... انا بلكته امس لاني طفشت من رسايله ... رسايله مستفزه لي ... كنت ناويه ارجع الجمعه بس بعد كلامه اجلتها .. مابي ارجع ويقول ان تهديداته جابت نتيجه ... قررت بعد رجوعي ولا كأني اسمعه اذا حاول يستفزني مهما يوصل درجة استفزازه .. يأست ومضطره اتقبل طبعه واتغير انا بتحكمي بنفسي واعصابي .. وهذا رمضان برضو بنصوم عند اهله نفس السنه اللي طافت .. الله يكون بالعون .. حبيبتي مهره مشكوره ويجزاك الجنه

__________________
-

فأجبر خَاطري .. بفيّض نعَمك ❤ ....

امس جانا ببيت اهلي لوحده ... جلست معه لوحدنا ... عطاني مبلغ صغير قال لي دفعه من اللي تسلفته .. قلت له خليها معك مو ضروري الحين .. قال لي لا ماحنتظر تعايريني ... قلت اوك واخذتها .. قال لي بلا حركات صغار وبلوك ومدري شنو ... قلت له انت تكثر هرج وانا صدعت منك .. قال خلاص ننسى وكل شي مقدر ومكتوب وتراني جاي من غير علم ابوي وحلف لي ... صدقته بس ثقلت ماتكلمت ... بس بنفسي قلت خلاص بنسى ودام نفسيتي زانت برجع ... طلع مبلغ قال هذا مصاريف العيال ... انا استغربت .. قلت له وشوله وانا راجعه ... قال لي ... سلام خلي اخوانك يجيبونك وطلع ... حسيت غرز الخنجر بصدري وراح ... فشلني وقهرني كنت ابي اقوله اني كنت اقصد ان بكره يعني اليوم .. وبيني وبينكم كان قصدي بروح معه قلت اخواني برمضان ينشغلون .. وفرصه لما جا بروح معه ... بس ماعطاني فرصه بسرعه خرج ... طيب ماهو جا نتصالح ليه خربها بالاخير ... وش تفسير اللي سواه ... من امس احس نار بصدري اقول ياربي ليه سوا كذا مع اني امس ضحكت له وجلست معه وكل شي تمام بينا

__________________
-

فأجبر خَاطري .. بفيّض نعَمك ❤ ....

لا تفكرين كثير يا سمورة.

المهم النية اللي نويتيها وهي إنج تتحكمين في نفسج وأعصابج ولا تنساقين ورا كلامه ونقاشاته إذا كانت بطريقة غلط أو مستفزة.

وادعي لزوجج بالهداية.


وإذا رجّع لج مبالغ إضافية اقبليها مباشرة واشكريه .. وإذا كرر حركات (ما حنتظر تعايريني) لا تردين ولا تعلقين أبداً.



وبخصوص رجعتج .. فلا تثقلين على اخوانج .. شوفي متى وقتهم يسمح واطلبي يرجعونج.

__________________


اللهم طِيبَ الأثر .. وحُسْنَ الرحيل.

هل زوجك على علم بوعدك لعمك؟ اذا كان ايوه. فطبيعي انه متوقع انك بترجعين مع احد اخوانك, لكن اذا ممكن توضحين جملة "كنت اقصد ان بكره يعني اليوم".

وبما ان رده مستفز, فطبيعي هالشي يصير لانه متضايق منك كما انتي متضايقه منه, وكان خروجك رغما عنه, فليش هو اللي يطلب رجوعك معه وليس انتي؟

كيف يعرف هو عن رغبتك بالرجوع بدون الطلب؟

.

__________________
الجنس: ذكر

لاترجعين ارتاحي عند امك وخليه هو يجي ياخذك اخوانك ما اخذوك من بيته حتى يرجعونك

__________________
اللهم اني استودعك اولادي وبناتي دينهم وآمانتهم اللهم جنبهم الخمر والمسكرات والمخدرات والزنا واللواط والفتن ماظهر منها وما بطن يامن لاتضيع ودائعه