الله يكتب لك الخير اخ ساري ويرزقك بالزوجه الصالحه اللي تسعدك،،
بالنسبه لاطفالك بيض الله وجهك وماعليك من كلام احد انت ادرى بنفسية اطفالك واللي يقولك اخذهم وش يستفيدون من هالنصيحه !! الا تحطيم النفوس وكسر الاطفال ،، الاطفال مالهم الا امهم بالذات البنات ،،فكروا بهالاطفال اللي بعمر الزهور وهم محرومين من امهم وببيت لحالهم مع شغاله!؟ اهم شي كلام الناس ومدحهم واخذ عياله ووو..الخ ،، الناس مو عايشين حياتك دام امهم ثقه ومتمسكه فيهم الله يجزاك خير اللي تركتهم معها وهذا مايمنع انك تسأل عن وضعهم وكيف زوج امهم معهم. |
جاري مسح الماضي !
أساسا ماعندك حل إلا مسح الماضي لأن طليقتك تزوجت وأصبحت بذمة رجل آخر ومن بعد اذنك, حركتك هذه ما تعتبر انجاز لان ما عندك خيار ثاني أصلا الرساله ( الصوره ) موجهة لمن ؟ لطليقتك ولا للناس ولا لنفسك ؟ اذا لطليقتك .. فهي لا يهمها ماذا ستفعل بالماضي لأنها طوته قبلك, والصوره هذه بتحسسها انك ما زلت تدور بفلكها - وهذا هو الواقع مهما انكرت - واحساسها هذا قد يثير شفقتها عليك, فهل ترضى أن تكون موضع شفقتها ؟ واذا كانت الرساله للناس, فما دخل عامة الناس بك لتخبرهم أنك تمسح الماضي ؟ ولكن يمكنك فقط اخبار القريبين منك ممن يهمهم أمرك, ولا داعي ليعلم القاصي والداني من معارفك وجهات اتصالك أنك كنت تتألم من الطلاق والفراق واذا كانت موجهه لنفسك فلا داعي لعرضها بالواتس أمام الناس, حيث يكفيك أنك قوي أمام نفسك وتعلم تماما ماذا تفعل . كن قوي يا ساري وصاحب مبادره وليس مجرد متلقي وصاحب ردة فعل لا حول له ولا قوه . طبعا .. اتوقع كلامي ما راح يعجبك وما تعقب على مداخلتي . |
والاطفال ماراح ينحرمون من ابوهم.؟؟؟ وكل شوي داخل وطالع رجال غريب اول مره يشوفونهم عند امهم ترى الامر ماهو بالسهل .، قلنا تزوجت الله يسهل عليها بس بناتي شعرة وجهي مااخليهم عند اجنبي والله الاب احق بهم من امهم اذا تزوجت ، وهذه الحياة مادام رضت بالطلاق هذه تبعات الطلاق ..
|
اكيد بيفقدون ابوهم وبيتأثرون من الطلاق لكن فقدان الاب اهون من فقدان الام،، زوج امهم مو غريب خلاص قربه الله وهم جالسين عند امهم الا اذا الام مابغتهم عندها يحقله ياخذهم او الاطفال اشتكوا منزوج الام اما دام الام كويسه ليش ياخذهم وانتم اهم شي عندكم كلام الناس (شعرةوجهي) ليش ماترحم شعرة وجهك وتخليها تشبهع من حنان امها؟
،،، احسن قرارسواه ساري جزاه الله خير فكر بعياله ونفسيتهم قبل مايفكر بكلام الناس واكيد مو مقصر عليهم من ناحية النفقه ومن ناحية زيارتهم . |
اخ المتواضع
لو البنت اتعبت اخر الليل وامها مو متزوجه ومطلقه عند اهلها بيتغير الوضع لو دقوا على الاب نفس الشي عند زوج ام يمكن يكون احن من خوالها هو الطلاق صار صار وتشتت العايله الله يعوضهم خير تزوجت ماتزوجت الام نفس الشي ان عاشوا عند ابوهم عيشه ناقصه وان عندهم امهم نفس الشي سالفه انهم يعيشون مع امهم وابوهم تحت سقف واحد انتهت بحكمه ربي وقدرته وانا مع جمانه فقدان الام اصعب والاب بنفسه معترف يعني يااخوان بتصيرون احرص منه على عياله هو عارف مقدرته بالوضع الحالي وعارف ضروفه وعارف مصلحه عياله زوج الام محرم لبناته وهم بشقه لوحدهم عياله ماراح يكونون معاهم ماهو رجل غريب الله حلله لهم الحين ونفقتم بتجيهم وبيزورهم اشوف الرجال ماقصر بشي |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|