المشاركة الأصلية كتبت بواسطة خيال الهوى

فليكا
خطيبك شكله طيب و انسان كويس و يستحق ترضيه وماتزعليه ويستحق تتنازلي حتى تستمر الحياة بينكم
بهدوء وبراحة بال ، لكن قرار استمرارك في العمل بعد الزواج او الاستقالة لا هو قراره و لا هو قرار أبوكِ هذا قرارك إنتِ وحدك، ومحد من حقه يجبرك في العمل و إنتِ ما عندك رغبة، تروحي المدرسة ومالك نفس و ما تؤدي عملك بالشكل المطلوب
و تعاملك مع الطالبات أكيد ماراح يكون فيه صبر وطولة بال على أخطاؤهم، كله بسبب عدم رغبتك بالعمل .. وهذا الوضع انتِ اللي تحسيه وتعيشيه لا أبوكِ بيعيشه ولا زوجك.
لذلك القرار قرارك ، و تقدري تستقيلي بدون ماتتصادمي لا مع زوجك ولا مع أبوك، كل يوم والثاني غيبي و قولي تعبانة وكل يوم اختلقي عذر حتى يجي يوم وتقولي ماقدرتي تتحملي وماتقدري توفقي بين البيت والعمل و راح تستقيلي ، مع إني أنصحك بداية الزواج بعد ماترجعي من اجازة شهر العسل تجربي وتشوفي كيف وضعك مع العمل ولاتستقيلي على طول .

المشاركة الأصلية كتبت بواسطة فليكا

بكرة الدوام يا خيال ☺ ..
قلت قبل ما ابغى ازعل ابراهيم و هو مايبغانى اتركها دون رضى الوالد ..
والا اقدر اتركها بدون رضى ابوي لكن ابراهيم ايش يقنعه ؟!
وبصدق مرات اشعر ان قرار تركى لها هو انتقام ، على شي انجبرت عليه
ليلة امس كنت مع زميلات الدراسه كلهن تخصصن بوزارة الصحة الا اناا بسبب معارضه الوالد
مع انى انا اللى رضخت واستسلمت بسرعة و رحت لمجال مايناسبنى ..
الحمدلله ادرى انها خيره من الله لكن مازلت احس انه السبب ..

المشاركة الأصلية كتبت بواسطة خيال الهوى

كلمي أبوكِ وقولي له إنك بتتركي الوظيفة بعد الزواج
وإذا مو راضي أتركيها بالحيلة 😉

المشاركة الأصلية كتبت بواسطة فليكا

عطينى حيلة
كل شى سويته غياب و تمارض
لكن اتفاجات ان المديره حاطه لى اداء عاااالي ممتاز !!!
سبحان الله ..

المشاركة الأصلية كتبت بواسطة اه ياهمي

فيلكا
مساء الخير ،،🌹
قرأت مووضوعك عن الخطبه وعجبتني قصتك
انت قلت انه شافك قبل عشان كذا خطبك
الفضول قتلني ودي اعرف سألتيه او لا
وقال لك وين وكيف
عذرا. اذا كنت جاوبتي قبل وماشفت اجابتك