اول شي السلام عليكم جميعا، وثاني شي عارفة ان الموضوع مكانه المفروض منتدى المشاكل المحلولة بس ماقدرت اضيف موضوع هناك ماادري وش المشكلة بالضبط..

اتمنى من كل قلبي انكم تساعدوني بمشكلتي وبدخل بالموضوع على طول..
مشكلتي اني تعرفت على شخص من تشات وتطورت العلاقة للمسنجر وقعدنا على هالحال تقريبا سنة ننقطع أيام عن بعض ونشوف بعض، وكانت العلاقة بينا علاقة ضحك وهبال بس وماتتعدى غير هالحدود، الى ان جا الوقت اللي تعرفنا فيه اكثر على بعض وقربنا من بعض أكثر ودخل قلبي ودخلت قلبه وكنا متفاهمين على كل شي واقنعني اني اكلمه وكلمته شهر تقريبا

بالبداية كان حريص علي ومهتم فيني اهتمام كبير، ومايبغى يخسرني بأي شكل من الاشكال وكبر بعيني أكثر لكن بعد مده حسيت اهتمامه قل وكنت اعاتبه على هالشي واقوله دايما انت عودتني على شي ماابغى افقده ويتعذر لي بكل مره نفس العذر انه عنده ظروف مع اهله وهمه الوظيفه لانه تخرج من الجامعه ويدور على وظيفة ووده يسافر برا ويكمل ماجستير يعني مشاغل وهموم كثيرة وحاولت اقنع نفسي واتقبل الوضع برحابة صدر لانه معاه حق ينشغل ويشيل هم

ويوم من الايام طرى ببالي سؤال قلت بسأله انا بالنسبة له ايش؟ وتتوقع علاقتنا لوين بتوصل؟ وسألته وصدمني باجابته يقولي ماادري الى وين بتوصل علاقتنا بس اهم شي نكون مبسوطين بيومنا وبس !!

وتناقشت معاه بالموضوع قلت له انا ماافكر ليومي وبس ولا اعيش ليومي وبس يعني اذا انا احبك لازم افكر اني اتزوجك، رد علي مو كل حب نهايته زواج، قلت بس لازم يكون الهدف زواج يعني اذا مو هدفك انك ترتبط بالانسانة اللي تحبها عمرك ماحبيت !!

قالي انا تفكيري منطقي وعايش بواقع مجتمعنا واسألي اي احد راح يقولك انه معاي حق، المفروض نستمر مع بعض ونحط ببالنا انه بنفترق لاني بسافر برا وادرس أقلها سنتين ومافيه اي بنت تنتظر شخص سنتين بدون ارتباط الين يرجع، قلت انت تتكلم بشكل عام وماتتكلم عني، انا مو كذا، اذا انا احبك وابغاك زوجي راح استناك ان شالله عشر سنين قالي مصيرك تطفشين والا تدورين غيري فخلينا زي مااحنا اللحين وماندري عن اللي ربي كاتبه.

بصراحة انا ماارضى ارتبط بعلاقة مصيرها معلق والارجح الفراق ولاراح اتعلق بامل شبه مقطوع ومااتحمل ابدا الصدمة، يعني بعد مااتعلق فيه اكثر، نفترق؟

وقلت له نفترق من اللحين احسن دامنا بأول الطريق ولا تعلقنا ببعض كثير، يقولي انتي مانتي عايشة بالواقع انتي عايشه بخيال مافيه واحد يحب وحده ويقولها بتزوجك ويعيشها احلى جو وتسمح له ظروفه انه يسوي كل اللي قالها عليه الا نادر من الناس

والمشكله انه يقول ماراح اتزوج قبل مااكمل دراستي ابد ورافض فكره اني بستناه الين يرجع من دراسته يقول مافيه اي وحده تسويها حتى المتزوجه اذا سافر زوجها وغاب مده طويله خانته! ماادري كيف تفكيره وكيف افهمه

طفشت ومليت من التفكير مرات اقول بنقطع العلاقة وبننهي كل شي وماراح اتعلق فيه اكثر دام ان الارتباط مو مضمون، ومرات اقول بكمل معاه بس بقعد كل يوم انتظر النهايه
هو يقولي انا ماقلت راح اتزوجك وضمنت لك هالشي عشان ماتنصدمين اذا حصل شي ومنعني اتزوجك وماتزوجتك وتقولين لعب علي وماادري ايش، وماتدرين يمكن اتزوجك لاني فعلا ابيك واحبك بس مااضمن لك هالشي..

واللي مجنني وشاغل بالي ماابغى اتعلق بشخص وتكون علاقتي معاه مصيرها مجهول يافراق وياارتباط


ساعدوني تكفون احسموا لي الموضوع وربي اسوي كل الي تقولون لي عليه والله ماعندي احد اشاوره من بعد الله الا انتم..



تم تعديل العنوان

اختي في الله

ترا دا انسان لعاب يتحجج بكلام ماله معنى

لو فعلا يحبك ويبغاكي يرتبط بيكي

مو لازم زوج ودخلة اقل شي يملك عليكي

صدقيني دا بس بيتسلى

ولو فكر يتزوج يمكن تكوني اخر وحدة يفكر فيها

انهي علاقتك بي ولا تشغلي بالك بي وربنا يرسلك ابن الحلال

اللي يخاف الله فيكي






وتقبلي خالص تحياتي


اخوكي في الله
عازف الاحزان

__________________

مررحبا إختي

إختي انا بقولك هالكلام وإن شاء الله تستفيدي

الشباب معروفين بالشكل العام كل علاقاتهم مجرد لعب
يعني مجرد تسلية
يتعرف على بنت الناس ويلعب عليها
واخرتها يقول روحي بطريقك

إختي
إنتي حسب طبيعتك بنت يعني كلك حب ومشاعر
الشباب يا إختي والله غير
مو مثلك يعني هم فيهم حب لكن مو بكثر اللي في قلبك

وصدقيني لو يحبك ما راح يقدر يتخلى عنك
اللي يحب يضحي هذا هو الحب

هو حسب ما قريت ماله نية اصلا يضحي
يعني صدقيني والله حبه لك مجرد لعب وإنه ما فكر بيوم إنه يحبك من قلب مثل ما إنتي تحبيه

إختي ما ابي اطول عليك بالكلام الزايد

انا برائي تنسيه وتمحيه من بالك
تحطي في بالك إنه خاين لانه فعلا هو خاين
صدقيني إذا حطيتي في بالك هالصوره له بتنسيه
وهو المطلوب
لا تحاولي بعد تدوري له اعذار بحكم حبك له
هو مكان اللؤم هو خاين
ابغى منك تحطي بس هالصوره في بالك
ولا تفكري في يوم إنه حبك
والله حبه لك مجرد لعب في بنات الناس

انا انصحك واطلب منك وارجو منك كل الرجاء تسمعين
كلام اخو يبي يحفظ شرف إخته

إنسيه إقطعي علاقتك معاه
لو مهما صار ومهما حاول إنه يرجع لك لا تعطيه فرصه
خلاص هو بين على حقيقته

اتمنى منك إختي تفكري بكلامي زين
وتشوفي العقل والمنطق شو يقول
ما ابغاك تفكري بقلبك ابغاك لما تفكري تنسي إنك تحبيه وتحطي في بالك إنه خاين ولا بيوم حبك

تحيااااااااتي ليك
مع كل تمنياتي ليك
بحياة سعيدة

اخوك عاشق الليل

السلام عليكم

أختي العزيزة ثالث وحدة باختصار الرجال يلعب ويتسلى فيك

وحتى لو فرضنا إنه صادق صدقيني إن طريقكم خطأ ونهايته مؤلمة في كثير من الحالات ( ولا تنسين إنها معصية )

إذا تبغين فعلا نصيحة أخت لأختها اقطعي هذه العلاقة فورا وانسيه تماما , قبل ماتحدث أمور لاتحمد عقباها

وأنا متأكدة إن كثير من الأعضاء سوف يؤيد رأيي

مع دعائي لك بالتوفيق في حياتك والله يرزقك الزوج الصالح اللي يسعدك في دينك ودنياك

أختك

yala

عجيبة و الله شو قصة الشات مع بنات هلايام ؟؟؟؟؟؟؟؟؟؟؟؟؟؟

كلام حب و غزل بس لمجرد الحب و بدون هدف ؟؟؟؟؟؟ وين الخوف من الله سبحانه و تعالى

سنه كامله و انتي تتكلمي و تضحكي مع واحد غريب و لا تعرفي شنو اخلاقه من وين اصله بس تضييع وقت هذا سببه قلة الايمان و البعد عن رب العالمين

هذا الشاب تافه و لعوب و كذاب و ما يستاهل انك تفكرين فيه .... ابتعدي عنه و ارجعي الى ربك الله يهديك و يستر على جميع المسلمات امين يا رب..

يا أختي هذا ذئب من الذئاب فاحذريه يريد اللعب بمشاعرك وعواطفك دون أن يفكر بالزواج منك وما سألت نفسك ليش هو رافض الزواج منك ورافض إنك تنتظرينه سنتين حتى ينتهي من دراسته ؟ الجواب واضح هو إنه ما يفكر يرتبط بوحدة تتكلم مع الشباب عبر الشات أو الماسنجر وثانيا هو قال إنك يمكن تخونيه خلال هذه السنتين وهذا هو شعوره الحقيقي الذي يدفعه إلى عدم الارتباط بك لأنه لم يعد يثق بك وسيقول لك : مثلما كلمتني سوف تكلمين غيري وأنا لاأضمنك وربما لو تزوجتك تخونيني ..أنصحك أنهي العلاقة فورا بدون تردد حتى لايتطور الأمر وتروحي فيها والله يرزقك بزوج صالح يحبك وتحبينه ويبي يتزوجك بأسرع وقت وسامحيني

اختى لو الرجل يرغب بالزواج من بنت معينه فانه يستميت فى سبيل قبولها وقبول اسرتها
الزواج منه فالرجل لا يدفع الى خطبه امراه
وكان واضح معك انه لا نيه له بالزواج بالتالى تركك بين طريقين
-- اما ان ترضى باى فرصه زواج من غيره وانهاء علاقتك معه
-- اما ان تستمر علاقتكم وغالبا تتدرج العلاقه من شات الى تلفونات الى مقابلات الى معصيه

السلام عليكم

اختي الكريمة
الرجال صريح معاك وقال لك انه يتسلى معاك ويعيش يومه وبس

ومو بس هو اغلب الشباب والبنات يتعارفوا لجل التسلية واهداف ثانية والكل عارف

انتي اختي مو صغيرة حتى تكوني فريسة لذئاب همهم التسلية واللعب بالمشاعر وانتي عارفة

واصلا لو فكر بالزواج لن يختارك لانة راح يقول انك خنتي اهلك وكلمتية وراح تخونية وتكلمي غيرة .

اختي انتي ترمين نفسك عليه وهو هدفة التسلية الكاملة فقط

وتذكري كلمتة عيشي يومك........


هدا الله الجميع
وعقبال ما نترفع عن حب التلفون واللعب عن المشاعر في جميع مجتمعاتنا


تحياتي لك

__________________

والله هذا لعاب خطير

1+ 1 = 2 ..


هذي العملية الحسابية واضحة جدا ..ومستحيل انين عاقلين فاهمين يتناقشون فيها ..

يعني امرك محسوم ..وما فيه اي جانب للنقاش ..

مبين عليك بنت عايلة ومحترمه ..وتخافين على نفسك ..


اختي ..اتقي الله في نفسك وفي اهلك ..وتركيه عنك ..وهذا من اسلوبه لعاااب ..


اول شئ ..انه مقتنع ان البنت ما تنتظر احد ..ولو وجدنا ان البنت هي اكثر وفاء للرجال دائما ..وهو حكم عليك من نظر هقاصره ..

ثاني شئ ..حكم على جميع المتزوجات بالخيانة لو غاب عنها زوجها ..وهذا يدل على تهربه وعلى نظرته القاصره ..وانه ما يفهم بامور الزواج والمسؤوليه ..



كيف ترتبطين بشخص يفكر بالاسلوب هذا ؟


انا انصحك انك تتركينه وتنتظرين الحب يجيك من الباب ..مو من الشباك ..