انا بصراحة اول مره اشارك بالكتابه في منتديات كنت دائما استعرض المشاركات الموجوده بس اليوم حدني زماني اكتب اول مشكلة صارت لي بشكل ما عرفت اتعامل معاها لحالي للاسف ....... اعزائي انا زوجي يحبني وكل شخصيات الكرم والشهامة فيه بس ناقصة اشوي التزام ديني لسف طبع زوجي زعول مره وحساس جدا ومثالي ومن عشت وياه 3اسنين زواج وانا كله الي اقصر في حقة بس كل اخطائي غير مقصوده وعاديه يعني ( زود حكاره ,غيرة, تحكم, تسلط ) وكنت كل مره اعتذر وابوس الايادي وياله يرضى بالموت يعني دلوع...... مااطول عليكم طحت عليه يطالع المحطات الوسخه بشكل مستمر وسكت لمده اربع اشهر يروح عليها ويجي وعلاقتنا الخاصة احنا مستمرة بس ماش ..... ما ترضية بالنسبة للي يشوفه ..... انا كان من المستحيل اقوله اني كشفته عشان ما اهز صورته عندي بس في مره اتخانتقنا في موضوع فرعي وما دريت الا وقال لي انتي بارده يقصد جنسيا مع ان علاقتنا فوق الخيال وكل مره هو يشيد بأعجابه .... ما قدرت اتحمل وكتبت له في ورقة اني ادري بالي يسويه ..... اشتتوقعون رده فعله ....ولا شي ظليت بعدها كم يوم في البيت عشان يأخذ بخاطري بس طلع ماحولي احد... انا الحين بيت اهلي لي 5 ايام واهلي بيسافرون بعد يومين؟؟؟ يعني بقعد لحالي بيت اهلي؟؟؟ شسوي دلوني والله محتاره؟؟ هل الموقف يستاهل اني اطلع بيت اهلي ؟اراضيه او اثبت عاى موقفي؟؟ مع انه شكله بيطول علي؟؟؟ اذ افيه ازواج يقرون رسالتي ويقولون لي ايش ممكن يكون طريقة تفكيره الحين كارجل ياليت مايتاخر علي؟؟؟

عزيزتي زوجي كان مدمن هالقنوات لكن ألحين خف الحمد لله لكن كنت أنصحه وهو بصراحة ماكان يتضايق وكان يتقبل اللي أقوله ولو كان ما راح ينفذه ...بصراحة كان هالموضوع يضيق صدري واشك في نفسي هل أنا مقصره ولكن بعدين قلت أنك لا تهدي من أحببت وبديت أطنش وصار هذا الشي بالنسبه لي عادي وأكتشفت أن 80% من الشباب متابعين للقنوات هاذي قبل الزواج يعني البلا مو منا( طبعاً ألا من رحم الله) ...... عزيزتي ماأظن أن الموضوع يستاهل أنك تخرجي من بيتك وحاولي الرجوع له وبيني له بالهدواه أن هذا الفعل يضايقك وبنقاش هادي بيني له مدى حبك له وأنك فضلتيه على رجال العالم ويكون ذلك مع جلسه رومانسيه ولبس فاتن أرجو أن أكون أفدتك ولك مني كل التوفيق

__________________

حاولى الرجوع الى بيتك


وفي قت اخر ممكن توجي اللوم بصورة معقولة


على التصرف الحصل منه

لتنازل سمة الغضماء ... وليست ضعفاً والرجل بطبيعته يميل للأنثى الودود

السلام عليكم ..

اختي الكريمه..لازم تعرفين شي واحد..ان الزوج مرده لزوجته..ومستحيل يستغني عنها..انتي تشووفين زوجج..مكابر ..وماياج يراضيج..لانج انتي دايم اللي تراضينه..وعادي في ناس بليدين..وماعندهم احساس..ويعتبرون..ان هالسوالف من الكرامه..اذا يا يراضي زوجته ..تنزل كرامه خاصه اذا كان حاط في نفسه انه ماسوا غلط..
زوجج..غلط..والله يهديه..
مالج الا ترجعين بيت زوجج خاصه انه اهلج بيسافرون..وبتقعدين بروحج..تقدرين ترجعين بيت زوجج لما يسافرون اهلج..من باب انج ماتقدرين تقعدين بروحج..ولما ترجعين صدقيني راح ..يرجع لج زوجج..ويراضيج..غصب لانه محتاجلج..وانتي عاد تقدرين تعاتبينه..بالتي هي احسن بدون تجريح..وبهدوووء..
والله يوفقج للي فيه الخير لج

أختي زوجك عرف نقطة ضعفك وهي انك دائما تراضينه وهو يتغلى عليك أنا أنصحك ترجعي لبيت زوجك وتبدئي تغيري اسلوبك معه شوي شوي حتى يكون هناك توازن يراضيك وتراضيه
اما القنوات فهي مصيبه لأنها تسبب الادمان فادعي له أن يقلع عنها وأنصحيه .
تحياتي

اعزائي اشكر وقفتكم وياي وانا ان شاء الله راح اخذ بنصيحتكم وارجع لبيتي .... بس والله ما اخفي شعوري عليكم انه فيه جمرة في قلبي من الي سواه زوجي لانه ما تتخيلون اشلون كان يتضايق من اي مقطع في التلفزيون مش مؤدب...... ماادري يعني كان تمثيل والا يعتبر نفسه خارج القاعده.... بس انا ودي اسأل الرجال الموجودين هنا يعني اذا كانت زوجته حلوه ومرضيتة دائماوما تقول له لا ولا مره ليه يلتفت او يدمن هالمحطات.... وهل يعتبر سبب ان المرأة مش دائما هي الي تبدأال............. عشان يروح يحط حرتة في هالزبيل.... آسفه بس من جد مقهوره وشكرا عاتواصلكم الحلو.

اصابعج مو سوى

كذلك الرجال

بس المحطات الخليعه تعرض اشكال واصناف اجنبية يعني غير الي عندنا

فاالي يشاهدها لمجرد التغير وتحريك الشهوه

حتى لو كانت زوجته ملكت جمال

النظر لها للجنس وليس للبحث عن اجمل من زوجته

أيضا مشاهدتها ادمان لأن اصحابي في ناس منهم يشوفونها خلاص مدمنين عليها

بس انا الحمدلله ماشفتها من الاول وبعيد عنها

وصراحة البعد عنها أولاً الابتعاد عن الصحبة الي تشاهد القنوات هذي

والشيء الثاني الابتعاد عن المكان مثلاً مخيم او اسطبل او استراحة الي هي

ولو كانت بالبيت فالمصيبة اعظم هذا بقمة الادمان

حاولي تذكريه بالله سبحانه وتعالى

كذلك حاولي اشباع رغبته الجنسية وذلك بممارسة الجنس يومياً ان استطعتي لكي لا يثور ويشتاق لأمثال هذه القنوات

الله يكون بعونك

ولازم تخلين ابالج ان زوجج مايطالع لها لأنج مو حلوه او لأنج مو مشبعته

هو يطالع للتغيير وللاغراء وكذلك مشاهدة حركات جديده فقط لاغير

والله اعلم

وسوري على الصراحة