السلام عليكم ورحمة الله وبركاته
قدامي شهر على الولادة بإذن الله وش الاشياء الي اجهزها لي ولطفلي المنتظر وخصوصاً لأنه أول طفل لي .........
حابه تساعدوني ..1/ سمعت عن زيت الخروع وابغى مشورتكم؟؟؟؟قبل الولادة حتى يسهلها بإذن الله
2/ في اشياء تاخذها الوحده بعد الولاده طبعاً تشتريها من عند العطار ((((شغل الدايات))))
3/ كيف اجهز غرفة استقبال المهنئين؟؟؟
4/ اترك طفلي بجواري او في سريره؟؟؟؟؟
5/ انا في الشهر الثامن أحس بضيق في التنفس لدرجه أخذ شهيق وزفير بقوة لاني احس بضغط نفسي وكدر من فراغ
مالها اي سبب .......هل هذا الشي طبيعي ؟؟؟؟؟
6/ من الشهر الاول وانا أعاني من ألم في ظهري ولكن من السابع والآلم لا يطاق ونصحتني الطبيبه بأخذمن4-8 حبات بنادول في اليوم وتقول ماتأثر على الجنين بس مش مقتنعه بكلامها............. وفي الثامن أذا قعدت على كنب أو كرسي من 2-5 ساعات احس أن ظهري بينكسر نصين واحيانأً أبكي من المي ,,,,,وامي وعمتي يقولون تهميز الظهر للحامل خطر
صح كلامهم ؟؟؟؟؟؟؟؟
7/ سامحوني طولت بس هذا آخر سؤال.............احس من السابع بآلم في باطن القدم ومع التمريخ ((التهميز)) يخف بس تطور الموضوع لشد في الساق الى الفخذ لدرجه ماأقدر ادعس على قدمي والشد ما يخليني اوقف والله ما أبالغ بس أحياناً اصلي فروضي وانا جالسه يارب تغفرلي بس والله ما أقدر اتحرك اتمنى تفيدوني عاجلاً..................

أختكم

وعليكم السلام ورحمة الله وبركاته

اول شيء الله يسهل عليكي اختي ..

زيت الخروع اختي صح يسهل بس راح تعاني من الاسهـال وقت الولاده وراح يكون فظيع كلي تمر وبلح ورطب هذا يسهل الولاده ..


كيف اجهز غرفة استقبال المهنئين ..

اذا قصدك بالمستشفى وحتى بالبيت تنباع اشكال حلوة دباديب وبلونات ممكن تزيني بها الباب والغرفة ..


اترك طفلي بجواري او في سريره ..

اصلاً مابتقدري تتركيه بسريره لأنك راح تفضلي تقومي كل مايتنفس ولا يأن خليه جنبك احسن عشان ترتاحي

انا في الشهر الثامن أحس بضيق في التنفس لدرجه أخذ شهيق وزفير بقوة لاني احس بضغط نفسي وكدر من فراغ
مالها اي سبب .......هل هذا الشي طبيعي ..

هذا طبيعي اختي لأن الحمل يضغط على الرئة بالشهور الاخيره ..


من الشهر الاول وانا أعاني من ألم في ظهري ولكن من السابع والآلم لا يطاق ونصحتني الطبيبه بأخذمن4-8 حبات بنادول في اليوم وتقول ماتأثر على الجنين بس مش مقتنعه بكلامها..

لا تاخذي بنادول اذا للأنسان الطبيعي ماياخذ اكثر من 4 حبات في اليوم ايش هذا !!
اذا مره ممكن مسكن آلام اطفال ..


وفي الثامن أذا قعدت على كنب أو كرسي من 2-5 ساعات احس أن ظهري بينكسر نصين واحيانأً أبكي من المي وامي وعمتي يقولون تهميز الظهر للحامل خطر ..

بهذي مدري والله


احس من السابع بآلم في باطن القدم ومع التمريخ ((التهميز)) يخف بس تطور الموضوع لشد في الساق الى الفخذ لدرجه ماأقدر ادعس على قدمي والشد ما يخليني اوقف والله ما أبالغ بس أحياناً اصلي فروضي وانا جالسه يارب تغفرلي بس والله ما أقدر اتحرك اتمنى تفيدوني عاجلاً..................

وهذا طبيعي جدا مع الحمل ..

الله يسهل عليك وتولدي بالسلامة انشاءالله ..

ينقل لعيادة المنتدى

1/ سمعت عن زيت الخروع وابغى مشورتكم؟؟؟؟قبل الولادة حتى يسهلها بإذن الله

التساهيل من الله سبحانه ثم المشي امشي حبيبتي لاتجلسين ابد حاولي يوميانصف ساعة اواكثر

التمر يالغالية كثري منه حتى بعد الولادة
2/ في اشياء تاخذها الوحده بعد الولاده طبعاً تشتريها من عند العطار ((((شغل الدايات))))
باذن الله الماما ماراح تقصرالله يخليها لك

/ كيف اجهز غرفة استقبال المهنئين؟؟؟
سرير مفرش فخم تفصيل اوجاهز حاولي تصير الوانه داخلة مع الوان الكنب والجلسة والستاير
قميص ناعم ومحترم
مفرش للطفل اما نفس مفرش الام او الوان قريبه منه

طاولة صغيرة دائريه او مربعة وفوقها مفرش طاوله لونه داخل بمفرش السرير وحطي فوقه اما درع او سلة الحلاو او شمعدان
بصراحة مااقتنع بالدببه و الصور

سلة حلاو من الفخمات دبسي عليها ستيكر فيها عبارة مكتوبه على لسان المولود وبالنهاية اسمه
روحي شوفي محلات الحلويات راح تلاقين عندهم تجهيز كامل.........

4/ اترك طفلي بجواري او في سريره؟؟؟؟؟
لاتحطين سرير للطفل ماله داعي موضه خلوها الناس

/ انا في الشهر الثامن أحس بضيق في التنفس لدرجه أخذ شهيق وزفير بقوة لاني احس بضغط نفسي وكدر من فراغ
مالها اي سبب .......هل هذا الشي طبيعي ؟؟؟؟؟

عادي ياعمري بس قولي الله يحللني من الوالدة

6/ من الشهر الاول وانا أعاني من ألم في ظهري ولكن من السابع والآلم لا يطاق ونصحتني الطبيبه بأخذمن4-8 حبات بنادول في اليوم وتقول ماتأثر على الجنين بس مش مقتنعه بكلامها............. وفي الثامن أذا قعدت على كنب أو كرسي من 2-5 ساعات احس أن ظهري بينكسر نصين واحيانأً أبكي من المي ,,,,,وامي وعمتي يقولون تهميز الظهر للحامل خطر
صح كلامهم ؟؟؟؟؟؟؟؟

كل الآلام عادية ومهما اشتدت
لاتاخذين بنادول ولاشي بس كثري من المشي والاسترخاء ولاتجلسين ترى الجلوس يلف الحبل السري على رقبة الطفل ويخنقه
ومهما كانت الاوجاع معاك تراها طبيعية وصح كلام امك


7/ سامحوني طولت بس هذا آخر سؤال.............احس من السابع بآلم في باطن القدم ومع التمريخ ((التهميز)) يخف بس تطور الموضوع لشد في الساق الى الفخذ لدرجه ماأقدر ادعس على قدمي والشد ما يخليني اوقف والله ما أبالغ بس أحياناً اصلي فروضي وانا جالسه يارب تغفرلي بس والله ما أقدر اتحرك اتمنى تفيدوني عاجلاً..................

اوجاع القدمين والساقين لابد يالغاليه بعد فيه احد تورم رجلينه الى درجة ما يلبس جزم

واخير اقولك لاتجلســين امشي



نصيحة مفرش الام خليه نفرين عشان تستفيدين منه بعدين

اما وقت النفاس خليه طبقيتين افخم لشكله

اتمنى اكون افدتك والله يهون عليك وبشرينا بولادتك

__________________