اخواني الاعضاء السلام عليكم
عندي استفسار واتمنى القى اجابه كافيه

انا شاب اعيش خارج مدينتي ((في مدينة اخرى))

يعني عزابي وتعرفون ان العزابي يعتمد على المطاعم والمغاسل
سؤالي على المغاسل
في الحقيقة اقوم بغسل جميع ملابسي في المغسلة حتى السراويل حيث لا اجد سوى المغاسل
السؤال
هل هناك امراض خطيرة تسببها المغاسل
هل هناك مغاسل متميزة في الغسيل
ارجو ذكر الامراض التي تسببها المغاسل

وشكرا

أخي الكريم سؤالك غريب .. يعني أبي أعرف الحين انت تغسل ثيابك بالمغسله مباشره؟؟ في حال الإجابه بنعم .. طيب ليش ماتغسل ثيابك بإناء يكون أفضل وأنظف وهذا اللي متعارف عليه .. اشتري إناء على حسب حجم المغسله واغسل فيه ثيابك .. طبعا شي أكيد بتنقلك الأمراض .. ليش انت ماتسمع عن أمراض تنتقل باللمس الله يكافينا شرها .. وفي حال انك تستخدم اي مغسله يعني كل يوم مغسله شكل فالأفضل انك تلبس القفازات ..

ههههههههههههههههه

اشتر اتوماتيك وغسل في شقتك والله ترتاح اريح لك وانظف لك

لا يا خي لاتغسل في المغاسل انواع القذاره ياخي يغسلون كل شي مع بعض حتى الظاهر الفرشات معهم

الكوي مافيه مشكله

بس الغسيل لا انتبه

توني أفهم قصدك أخي الكريم احنا عندنا بالكويت اسمها مصبغه مو مغسله المغسله عندنا تبع السيارات ... أكيييييييييد اتسبب أمراض ومثل ماقال العضو إللي قبلي حتى الفرشات تنقسل مع بعض وياريت بس جذي كل شي ممكن تتصوره أو ماتتصوره مغسول مع بعض .. ليش اهم شنو هامهم وتتوقع راح يخسرون صابون ومنظف على ملابسك ؟!

اشكرك على الردود
ولكني لا استطيع شراء الغساله
لان ذلك ممنوع في سكن الجامعه
ياليت تذكرون الامراض التي تسببها المغاسل
لاني سمعت انها تسبب امراض خطيرة مثل الايدز والزهري

اخي لا تنقل المغاسل هذه الامراض
و لكن قد تنقل الفطريات مثل التينيا او الجرب
تحياتي
د.نبيل

يعني نتوكل على ونغسل في المغسلة