السلام عليكم ..

الله يكوون بعونك اخوي .. ويهدي زوجتك ..

اخويه انا عندي تعليق بسيط .. انت تقووول انك مرات تشوووف الشعر بجسمها .. وهي تقوول قبل كم يووم انا منظفة.. ما فهمت انا هالنقطة .. الظاهر ان زوجتك تستعمل طريقة تخلي الشعر ينمو بسرعة .. ممكن تجرب تنصحها بالطرق الثانية اللي تخلي الشعر يطلع متأخر .. بالنسبة للأنوثة .. اجلس معاها وصارحها وقول لها كل اللي بخاطرك .. انت رجال ومثل ما قلت هالزمن تشوووف فيه كل شي .. قوولها انا ما ودي اغلط وانا احبك فليش ما تحاولين تغيرين من شكلج .. خلي حياتنا تستمر .. انا صراحة استغرب من بعض النساء المتزوجات اللي بحالة زوجتك .. المفروض تحاول تجدد من شكلها كل فترة .. والله يكوون بعونك ..

أنين الصمت

الحمدلله كفى الأخوات و الأخوة ولا جديد نضيفة...

ولكن مجرد تنبيه بسيط للأخت زرقة البحر...

أختي بارك الله فيك قلتي - ياحبكم يالرجال للشر -

وقد عنيتي بالشر الارتباط الثاني أليس كذلك؟

بناء على ما أوضحه كلامك بارك الله فيك نقول..

التعدد شرع الباري عزوجل فلا يجوز وصفه بالشر....

وفقكم ربي لخير الدارين..

،،

،،

أختكم

عليك مخاطبتها بشكل صريح واتق الله في نفسك ولا تجعل الله اهون الناظرين إليك واعلم أن العين تزني وستشهد عليك يوم القيامة يوم الحساب العظيم... أسأل الله لنا الصلاح


وانت أطلعها على أوضاعك في العمل مع الفتيات وقل لها يوجد معي فتيات مائعات يجيدون اغرائنا وكل طاقتهم

يفرغونها على الرجال بكل احتراف , وانا من حقي استمتع مع زوجتي حتى لا تتعدى عيني الى غيرك ولا ينقاد قلبي

للحرام واعمل المحرم مع هذه الفاشلات واذا قصرتي معي فانا لي العذر امام الله وامام الناس وساتزوج المراه الثانية

التي تصدني عن الحرام



ارجو ان تنتبه لأخطائها وتسرع في اصلاحها

وحاول اخبار امها بالأمر ...فالأم لها تأثير عظيم عليها او احد اخواتها

__________________

ربنا هب لنا من ازواجنا و ذرياتنا قرة اعين و اجعلنا للمتقين اماما

ماشاء الله عليك اخوي كثر الله من امثالك
ممكن انت تبادر بهذي الاشياء تشتري لها مجموعة عناية بالبشرة والجسم عطورات ملابس من الي تحبها وممكن تتكلم مع والدتها وتخبرها بشرط انه تكون والدتها لاحظت هذي الشي عليها يعني مو انت مخبرها عشان ماتزعل عليك وان شاء الله تصير مثل ماتريد واحسن والله يوفقكم

__________________
سبحان الله وبحمده سبحان الله العظيم

انا انصحك تلعن ابليس وتنتظر زوجتك تولد بالسلامه لان الزعل والعصبيه يأثر على الحمل


استحمل لين تخلص مدة الحمل وبعدين صارحها بعد الولاده وكن حازم فى كلامك


واشرح لها ايش اللى يعجبك واللى ما يعجبك فيها


وتحرص عليها بأنها تكون دائما فى احلى صوره وتتزين وتتعطر لك


وشوف ردة الفعل اذا قالت حاضر من عيونى يابو عيالى. انتظر النتيجه واحكم

واذا شفت ردة الفعل عاديه وبارده قول لها انا اعتبر هذا البرود فى الرد كموافقه منك على انى اتزوج وحده ثانيه تعوضنى اللى شفته معاكى


ساعتها لما تقول هالكلام خلك بعيد شوى يعنى علأقل 5 أمتار من زوجتك هاهاهاهااهاها

لا تزعل منى لازم الزوجه بعد هالكلام تنفعل وتحاول تشوحك بأقرب شى عندها


خلنى اقولك موقف حصل معاى امس

انا امس زوجتى كانت عند اخوها واخوها متزوج وطلب منها تشوفله وحده ثانيه يتزوجها ولما رجعنا البيت بدلت ملابسى لبست دشداشه ثانيه لأن عندى شغل وشفت زرار بينقطع قلت لزوجتى تخيطه لى ولما خلصت جابت مقص وقصت الخيط وفجأه حطت المقص على رقبتى وقالت لى ياويلك اذا تزوجت على والشرار يطلع من عيونها وقلت لها هذاوانا مافكرت اتزوج للحين لو تزوجت شتسوين قالت اذبحك وانتحر.


انا قلت لك هذا الموقف علشان ابين لك ان المرأه تموت ولا تقولها ابى اتزوج.

اسمح لي اخوي اهم شي انك ما تقارنها باحد
وترى الناس يختلفون
واذا انت اهتمين بنفسك هي بعد بتستحي وتهتم بنفسها

وبعدين راعي نفسيتها حمل وتعب الله يقومها لك بالسلامه









تحياتي
دلوعه زوجي

في فترة الحمل

اللي أشوفه أنك ماتعير الاهتمام انتباه كبير
لو ماجا من نفسها

لانك لوضايقتها بتتوتر اعصابها
وهذا بيأثر على الجنين

اذا طلعت من النفاس
قولها بوديك للمشغل
خلي يحفون جسمك ووجهك

وأنصحك أنها تشقر بطنها وظهرها

وهي ماده تصبغ الشعر بلون الجسم
وهذا أخف ألأما من النزع بالحلاوه

ولاتخاف ترى مع اصرارك على التغيير راح تتغير

بس خلك ذكي في التوجيه بدون تجريح

يعني قولها قبل لاتطلع من العمل
ترى أنا مشتاق لك مره
أبي أجي وأنت عروسه

,اذا جيت لاتحطمها تقبل اللي هي سوته

لأن هذا أكثر شي في حوزتها

وشوي شوي راح تتغير

الله يعينك ويغنيك بحلاله عن حرامه وبجوده وفضله عمن سواه

واللي لازم تسويه تغض طرفك
ولاتتبع مقولة قلة المساس يقلل الاحساس

اقنع نفسك ان اطلاق النظر نهى عنه الشرع الحكيم ولابد من الالتزام

__________________
سبحان الله وبحمده سبحان الله العظيم

انا رايي من راي اختي ماهينور .....فترة الحمل الواحدة ماتكون طايقه عمرها . ...تكون الواحدة متقلبه المزاج شوي سعيدة واكثر شي تكون حزينه ومتضايقه .. ..وتبكي مرات بدون سبب لاتفه شي ومرات تكون حساسه ....يعني مزاج متعكر بالمرة .. .هذا غير الشعر اللي يضهر في اماكن معينه في الجسم بكثرة وغزارة في فترة الحمل ...وخصوصا على البطن وهذا يصيب نسبه كبيرة من الحوامل ...ويصعب ازلته من البطن والواحدة حامل ....لان الشد في هالمكان واستخدام المزيلات مش في مصلحه الام ولا الجنين ...وبعد الحمل مرات يروح هالشعر بروحه ...في بعض النساء ..لاتتضايق اخوي ....ولهذا اذا كانت التغيرات اللي لاحضتها على زوجتك في فترة الحمل فقط انا شوف اخوي انك تطول بالك عليها وتعطيها مهله لين تقوم بالسلامه ..:14: ...وتراعيها بعد الوضع لفترة 3 شهور لان الفترة هذي تكون الام مهتمه بطفلها اكثر وبعدين ....لاحظ بعد هالفترة اذا فيه تغيير في الاشياء اللي لفت انتباهها من قبل ولا لا ...اذا مالاحظت اي تغيير ...عطهــــــــــــــــــــــا التنبيه الاخيرة ...اذا مافاد دخل واحدة من خواتك المقرابات لها ....بس فهم اختك انها تكلمها على اساس انها هي ملاحظه هالشي فيها وبـــــــــــــــــــدون ماتجرحها ....( اختر واحدة من خواتك اللي واجد تهتم بعمرها وكشيخه وذربه في الكلام وعندها اسلوب اقناع جيد ) مثل مايقولون الصاحب ساحب ...وخلها تخاويها في طلعاتها للسوق وروحاتها ....وعاد اذا نفع معاها كان الله في عونك راح تصرف صرف ....لين تكرة اليوم اللي تمنيت انها تصير بالشكل اللي تبيه .... ...... والله يوفقك وينولك اللي ببالك ان شاء الله ..

__________________

__________________


[/move]

بصراحه الرجال ما في شي يقنعه ويشبع راسه