السلام عليكم ورحمة الله وبركاته

شحالكم يا أعضاء المنتدى الكرام

اشتقت لكم كثير ..كان ودي أدخل من زمان لكن الإمتحانات أرف وثقيلة على الخاطر بشكل

ادعولي الله يهون علي ويفرج عني هم الإمتحانات والدراسة قريب

المهم .......................

نعود لخطيبي اللي ماراح أخلص منه ... والله إني ما أدري شو فيني على الرجال .. دوم أنهي مكالماتي وياه بطريقة غبية ليش كذا

تبون تدعرفون شو السالفة ؟

أوكيك بس بليز لا تعاتبوني واايد

إذا ما عندكم حل مو لازم لا تعطوني حل لكن أبي تسمعوني لأني في خاطري أشياء ولا أقدر أقولها لخطيبي يمكن أحسها تافهة ويمكن أحسه ماراح يفهم

أبي بس أفضفض عن اللي في بالي يمكن أرتاح ..وما حصلت مكان أفضل من ها المنتدى الغالي علي

...........

ما أدري إذا احساسي صادق أو لا لكن بقولكم الموقف اللي صار بني وبينه

وأنا قاعدة أكلمه في احدى مكالماتي وكنت مبسوطة معاه وكل شي وكنا نسولف عن أشياء وااايد وتأخرنا في الكلام لوقت متأخر شوي

وأنا علي دراسة .. فقالي : كم الساعة إلحين روحي ادرسي ؟

عاد أنا هنا حسيت إنه يقولي خلاص مليت أنا منك .. وتضايقت حتى إني ماصرت أكلمه عدل وتغير صوتي وحالتي لله

فقلت له: ليش ما تبي تكلمني ؟ أروح يعني ؟

قالي : لا لا..أنا يا فلانة خايف عليك وعلى دراستك وأبي مصلحتك وهي أهم شي

لكن أنا خلاص لما أتضايق وأحس إني "مو مرغوبة" أعصب وأتنرفز فقلت له خلاص أنا بروح ..هو حس إني تضايقت وقعد يشرح لي إنه خايف علي وإنه يبي يسولف وياي لكن دراستي أهم وأنا أولى..

وصار بينا شوية كلام وبعدين قال إنتي ليش عصبتي فأنا قلت له إنت ليش تقول كذا إنت ما تفهمني محد يفهمني أبدا .... هنا عاد أحسه انجرح شوي من كلامي وقال كيف أنا ما أفهمك إذا عندك
شي قولي لي وبشوف إذا بفهمك ولا لأ لا تقعدين تقولي لي محد يفهمني وما أدري ليش وأنا ما أدري كيف... إنتي عندك شي في خاطرك علشان كذ ا قلتي إنت ما فاهمني !!!!!!!!

هنا ...خانني التعبير وخانني فكري ولساني وكل شي .. ما عرفت أجاوب عليه

تدرون شو كنت بقول ؟ كنت راح أقول إنا وإنت غير ..كل واحد له طبع غير واهتمامات غير .... يعني كأني أقول حنا ما نصلح لبعض

لكني تراجعت في آخر لحظة وقلت إن ها الكلام كبير وما يصير أقو ل له .. راح يتضايق وااايد

وأنا والله حسيت إنه انجرح من كلامي وأدري إن كلامي يجرح وما يصير أقول له وهو ما سوا لي شي بس بصراحة بصراحة هناك فجوة بيني وبينه وما عارفة كيف أملي ها الفراغ ..أحس إن هناك شي مفقود بيننا ما أعرف شنو ؟؟؟ تعبت وأنا أحاول أقوي علاقة وبصراحة هي قوت عن قبل بكثير وصرت ما أستغنى عن اتصاله لكن .. هناك شي ما عارفة أجيبه .. يمكن احساسي .. اليوم سألتني صديقتي سؤال ابد ما حبيته لكني جاوبته بطريقتي الخاصة اللي دوم أتهرب من الإجابة بجواب

سألتني : يا فلانة تحبين خطيبك ؟

قلت لها : ليش العجلة .. أحس من وقت واايد على ها الكلام الحب يجي في الطريق مب لازم إلحين حتى ولو آخر لحظة .. ( يعني متى على فراش الموت يعني أقول له إني أحبه )
وقلت لها وتفلسفت إن الحب يجي بأشكال مختلفة وما يجي من اتصال بس وكلام "فاضي " من ها النوع ...

هذا اللي صار اليوم ... تضايقت واهتميت وضايقت خطيبي الله يعينه علي وأحس إني طفرت به \\\\\
الله يهدين يبس

طولت عليكم واااااااايد اسمحولي ..

كان هذا بخاطري وما عرفت لمن أقوله .. أتمنى بس تسمعون لي وخلاص

تحياتي لكم والله يبعد عنكم الهم يا رب

__________________
الظلال تمد ايديها لنا !
هل يا ترى تكون ارفق علينا من الضوء؟

والله انا اقرا واضحك
الله يسعدك ذكرتيني بهبالي اول زواجي
قاعده اترصد للمخلوق على الحرف
وكأنه مسكين ما يغلط
وحساسه ونرفوزه وفي نفس الوقت ميته عليه وما استغني عن صوته
حبيبتي........
طولي بالك عليه ودايما فسري الكلام على انه خير وما قصده شي واحسني الظن
اعلمي ان الشيطان يفرح اذا اتلف علاقة زوج بزوجته
ومداخله مضحكه لو دققنا فيها
مثل كلمته روحي ادرسي
على طول فهمك انها طرده منه
وتدرين ليه انتي تأثرتي؟
لأن عندك قابليه اصلا لمثل هذي التفسيرات
دايما اذا ما عجبتك كلمه تعوذي من ابليس وخذي نفس عميق وروقي
واذا حبيتي تسألينه عن كلمته اسأليه من باب انك تطمنين بالك
مو تحققين معاه او تغلطينه او تحسسينه بالنقص
الرجل يحب يحس انه ملك وانتي اللي تحسسينه بكذا
خليه يشتاق لمكالماتك....لاتخلينه يضرب اخماس في اسداس قبل كل كلمه يقولها
(((((لا ماراح اقول لها اللي بقلبي .....اخاف تزعل))))))
ومع الوقت .....تنتهي لغة الحوار بينكم وتقعدين تندبين حظك
وتقولين انا ايش سويت؟؟؟؟؟
يعني انا لو منك
ارسل مسج الان واكتب فيه
اسفه حبيبي بس انا مضغوطه من الدراسه ...ما قصدي ازعل عليك او ازعلك مني....تدري انك حبيبي ومالي غناه عنك...اقبل اسفي....واعتذاري وبأحاول احكم نفسي المره الجايه......
الله يوفقك ويهديكم لبعض

__________________
[/IMG]

لا تخلقي صورة لكِ سيئة في قلب زوجك تظل منحوته في صدره على مر الدهر لو قدر بينكما زواج ..

فالعشرة الطيبة وحسن الأدب مع الزوج في الكلام والتعامل هو ميزان الحب في قلب زوجك ..

فأن شئت فزيدي أو أقلي ..

واتق الله في سوء تعاملك معه فهو وبال عليك .. حتى زوجته من الحور العين تغضب عليك ..

قــال النبي صلى الله عليه وسلم: (( لا تؤذي امرأة زوجها في الدنيا إلا قالت زوجته من الحـور العين:

لا تؤذيه قاتلك الله، فإنما هو عندك دخيــل - أي ضيف - يوشك ان يفارقك إلينا )) رواه احمد والترمذي

__________________

قال ابن الجوزي لأهل زمانه :
أيها الناس ..
لقد دارت رحى الحرب ، و نادى منادي الجهاد ، و تفتحت أبواب السماء ، فإن لم تكونوا من فرسان الحرب ،
فافسحوا الطريق للنساء، يدرنَ رحاها ، و اذهبوا و خذوا المجامر والمكاحل يا نساء بعمائم و لحى .

احس ان خطيبك انسان طيب القلب ورومانسي و واقعي
اما انتي انسانة متسرعة بصراحة الله يكون بعونه
اذا هذا حالكم وقت الخطوبة كيف بعد الزواج
اتقي الله في الرجل واحسني الظن به وعوضيه عن اللي حصل بايام الامتحانات
واعتذري له واطلبي السماح واخبريه بانك كنتي معصبة عشان الامتحانات
معليش ادري كلامي ما عجبك لكن الرجل بصراحة ماني شايف فيه قصور ودمتم بخير

يعني طلعت أنا الغلطانة في ها الموقف ..!!!

اليوم الصبح قاعدة أفكر وأفكر وقلت لنفسي أنا صدق غلطت عليه

شذنبه هو علشان أتنرفز عليه كذا و أضايق فيه

أبي أقوله إني ما كنت قاصدة وإني كنت متضايقة علشان كذا قلت اللي قلته ( عذر غبي)

مشكلتي أصدق - جمر - امرؤ الخير :

أشكركم جزيل الشكر على مروركم الكريم
أتمنى لكم الصحة والعافية

__________________
الظلال تمد ايديها لنا !
هل يا ترى تكون ارفق علينا من الضوء؟

ترى الثقل زين وقت الخطوبه .

وبحسن الظن والنيه الطيبه تأسر قلوب الناس .

وانتى عيبك على طول أكلتيه بالكلام ليش وما ليش؟

الرجال بيقول هذى بتناشبنى من الحين واحنا ماتزوجنا وتشكك بكلامى

اقترح عليك انك فى المكالمه الجايه تعتذرين وحتى ولو كان غير مباشر

تقولين مثلا " انا البارح انبنى ضميرى عاللى صار منى وارجو انك مازعلت منى"

صدقينى راح يطير من الفرحه

ان شاءالله انك مازعلتى منى على هذا النقد واتمنى انه يكون نقد بناء وفى صالحك

الله يوفقكم ان شاءالله

[]لا تخلقي صورة لكِ سيئة في قلب زوجك تظل منحوته في صدره على مر الدهر لو قدر بينكما زواج ..

فالعشرة الطيبة وحسن الأدب مع الزوج في الكلام والتعامل هو ميزان الحب في قلب زوجك ..

فأن شئت فزيدي أو أقلي ..هذي مقولت الاخ جمر الله يسعده..

أدبي نفسك

هذا الحل..أتعلمين لما؟ لي صديقة تعاني من نفس حالتك ..

ونصحتها نفس النصيحة..

اذا رأيتي انك ستغضبين اعكسي الحالة بكلمات من الشوق والطيبة..

صدقيني اكثر ما ينفر الزوج من زوجته تصرفاتها بالنكد والعصبية..

لاتكوني حساسه..

وكوني مرنة..

واقبلي ساعة عليه ..

وانقطعي عنه ساعات بحجة الدراسة ..

وستري انه من يركض ورائك..

أنها معادلة فقط..

اذا انتي اقبلتي بلهفة ظن انه سكن قلبك ففتر

واذا هو اقبل عليك بلهفة ظنني انه سكن قلبك ففتر

ولكي تكون حياتكم في اشواق لابد من غياب وحضور..

ولكي تنسقي بين ماتريدين قوله والصراحة..

ليكن لديكم يوم في الأسبوع يكون يوم الصراحة

وله شروط اولها عدم الزعل والا سيلغى هذا اليوم..

وتستطيعي بطريقة لطيفة ان توصلي لخطيبك ماتريدي

وهو يوصل لك مايريد..

أسأل الله لك السعادة..

أختك

حائزة الأمل

__________________

أنا صالح: تسلم يا أخوي على كلامك ولا ما زعلت .. إلحين حسيت إني غلطت بحقه
وناوية أقوله اللي قلت لي عنه ...بس ترا إذا ما "طار من الفرحة" يا ويلك !! ههههه لا تاخذ كلامي جد !

........

برووت: تسلمين عزيزتي
الله يصلح بينك وبين زوجك .. بس ممكن سؤال يعني إنتي شو سويتي بالضبط ؟ وكيف صار زوجك ؟
بحاول إني أثقل شوي
شكرا جزيلا

.........

حائزة الأمل: اشكرك جزيل الشكر
بس قوية هذي ادبي نفسك يعني انا ما قليت ادبي عليه
بس شوي تحسست من كلامه

سأحاول .... والله المستعان
وانا بعد اكره نفسي لما اصير نكدية واكره حتى صديقاتي فيني
بس لما ما تقدرين توصلين اللي بخاطرك وتحسين انه ما في احد يفهمك تصيرين نكدية كذا

شكرا جزيلا يا حائزة
وربي يرزقك الخير واللي تتمنيه

__________________
الظلال تمد ايديها لنا !
هل يا ترى تكون ارفق علينا من الضوء؟

سويلة الحين مسج

وقوليلة حبيبي ما قدرت أنام




بس


ولما يتصل


قوليلة تعرف ليش؟؟؟

عشان أنا زعلتك البارحة
وضميري مب مرتاح


أحس إني متوترة وايد هالفترة
فاعذرني
ضغط الامتحانات صعب


واشكرك حياتي
لأنك مهتم فيني

وهذا شي ما أنسالك إياه طول حياتي

وأوعدك بعوضك بعد الزواج
عن هالأيام

__________________