شيء مؤلم

يقطع القلب

اذكر مره كنت في عزومه

ولكثره العدد جزء جلس في مجلس وجزء جلس في مجلس اخر

كان في المجلس الأخر شايب تعبان يعني بالعربي رجل في الدنيا ورجل في القبر

طبعاً المجلس الي كنا فيه تكلم واحد عن امر الزواج وعن امر الذين يحرمون بناتهم من الزواج بسبب الراتب

وكان كل من في المجلس يذكر قصه

ولي يقول ياول الي يسوي كذا من عذاب الله

طبعاً انا كنت مستغرب من طرح هذا الموضوع

وكان الي يتكلم يرفع صوته عشان يسمع الي في المجلس الأخر

سألت واحد وقلت وش السالفه

قال اهم يقصدون الشايب الي في المجلس الأخر

قال هذا عنده بنتين وحده مديره والثانيه مدرسه

الكبير عمرها الأن في حدود 60 سنه والثانيه 45

اما باقي خواتهم متزوجات لأنهم لم يصبحو معلمات

الرجال ما زوج بناته عشان الراتب

والمشكله ان الرجال كاش وماعليه قصور

لكن حرم بناته من الزواج

ولحين يتكلمون لعل وعسى قلبه يلين ويتزوجون البنات

والظاهر كان فيه عرسان يبون البنات

بجد لما سمعت السالفه تكدر خاطري وقعدته اناظر في هذا الشايب