بصي يا أخت زوجة بل ظل ، قبل أي حاجة صلي عالنبي ،

مبدئياً ما فيش حد أحسن من حد ، كل الناس واحد فقير زي غني ، وحش زي حلو ، وكل واحد فيه عيوبه ، مين قالك إن الناس أحسن منك ، أكيد فيه ناس أحسن منك ، لكن أكيد أنتي أحسن من ناس كتير ، بصي يا ستي ، شيء كويس إنك مش شايف الكويس اللي فيكي عشان ما يقلبش عندك بغرور ، لكن أنتي عندك مشكلة بتشوفي عيوبك ومابتحوليش تصلحيها ، ده بقى هو الغلط ، شوفتي بقى وأحنا بنتكلم طلعنا حاجة كويسة وحاجة سيئة ، الكمال لله وحده ، ماحدش كامل ، كل الناس فيها عيوب ، أقولك على حاجة أنت قولتي إن فيه ناس بتحبك وبتحب زوقك وأخلاقك:14: ده شيء عظيم ليه ده ميبقاش طبعك على طول ، يا ستي سامحي كل اللي غلط فيكي ، باتت نار تصبح رماد ، وعلى فكرة ، يا ريت تعرفي إن في حديث قدسي روي على لسان سيد الخلق محمد صلى الله عليه وسلم ، بيقول أين المتحابون في الله ، فيقولون نحن يا رب ، فربنا يقولهم أدخلوا الجنة بغير حساب ، حاجة تانية المتسامح اللي بيصفح ويعفو ربنا بيبنيله قصر في الجنة من الدهب والفضة ومزين باللؤلؤ ، كفاية أنك تنفذ أمر الله اللي قالوا صريح ( فاعفوا وأصفحوا وأغفروا إن الله غفور رحيم) أنت احسن من غيرك وحاولي تطوري من الكويس مش تحاولي تركزي عالوحش ، عمرك شوفتي واحد اشتري سبت فاكهة قاعد يدور عالوحش اللي فيه عشان ياكله وساب الحلو اللي فيه مركون ( كل أنسان بيدور عالكويس عشان يكون ملكه ، نفسك في أحسن سيارة وأحسن زج و أحسن لبس وأحسن مجوهرات ، ليه ما بتدوريش على أحسن صفات فيكي وتحافظي عليها زي ما هتحفظي على كل كده / ربنا يوفقك للخير ويهديلك نفسك ويرزقك بهداه ، لا تنسونا من صالح دعائكم عن ظهر الغيب ، فأنها مستجابة وحتى نكون من المتحابين في الله )