فاكهة ..

أتوقع صح كلامك ،، إني ( جنوبية ) مو مثل ما كنت متخيلة نفسي ( شمالية ) .. ؟؟؟
بس مادري ليه قلتي ( شرقية ) ، لإني كنت اعتبر حالي ( غربية ) ؟؟؟

.
.

أحس بعد ما كتبت ، بديت أتخلص من حمل ثقيل ..

.
.

بس صايبتني حالة ماني لاقية لها تفسير ..

صايرة طول اليوم في غرفتي ، لا أنا اللي أراسل جامعات ؟ و لا أنا اللي أخلص شغلي ؟ و لا أنا اللي أطبخ ..
و لا أنا اللي أروح للعمل ، أروح بس وقت ما يكون عندي شغل ( يومين أو 3 أيام بالأسبوع ) و الباقي أغيبهم ..
و لا أنا اللي أقرأ قران .. و الأكل زوجي يجيبه من برة يومياً ..
أحس ما أبغى أعمل أي شي ..

و بديت اليوم افتح على كليبات لكلمات ( نزار القباني )
يعني كلمات ( فصحى و قوية ) .. مثل كاظم أو ماجدة الرومي ..
و وقتي كله و أنا عالسرير ،، و اكتب بالواتس أب طول الوقت أو فاتحة اللاب و مسررررررحة ..
أو نايمة أو أكل أي شي عشان بأحاول أزيد 5 كيلو ..

اصلي طبعا ، و ألعب مع ولدي الصغير شوي و مرات ،، أأكلهم أهم شي و ألبسهم و أنظفهم و أنيمهم ..
و باقي اليوم يلعبوا مع نفسهم و الشغالة مع الصغير .. و الكبير يروح التمهيدي و يرجع ..

و أنا صايبتني حالة ( سكوووووووووون ) مو طبيعية ..
حتى لما أقابل زميلاتي ، يرسلولي ( إيش فيك مانت طبيعية ؟ صايبتك حالة سكووووون عجيبة ؟ )

و زوجي إذا رجع البيت ، أكون لاصقة جنبه ..
أحس إنه ممكن الموت يجي بيوم و يفرقنا لا سمح الله ..

بس ما أعرف إيش صايبني ..
ما أبغى أفكر بشي ، أحس بداخلي ( رغبة بالبكااااااااااااااااااااااااااااااااااااااااااااا اااااااااء ) بس ما أبغى ..

لإني أبغى أرجع مثل زمان ، ما أفكر ببكرة و لا أفكر بشئ ..
اليوم جاء صاحب البيت يدق جرس الباب ، يبغى الفاتورة زوجي يسددها ..
لإنه العداد مشترك ، لإنه شقتنا هي بفيلا مقسمة ..
أعرف إنه زوجي ما معاه ،،

و الأغراض بالبيت ناقصة ..
و أعرف برضو إنه زوجي ما معاه ..

بس ما عاد يهمني شي ..

صايبني ( تبلّد ) ..

.
.

مرات أكون مسرحة و ما أعرف أفكر بإيش ؟؟؟

زوجي حتى لأول مرة ، يبدأ يشك فيا ..
و يبدأ يفتش الجوال من ورايا ..

عشان كذا زمان كنت أقول ، زوجي ماله علاقات لإنه ما كان أبدا يشك ..
أحس الرجال اللي له علاقات ، هو اللي له يبدأ يشكّ ..

و هو بسبب غلطته اللي بالعيد ، بدأ دحين يشك ..
و أنا مبسوطة بداخلي، إنه بيعيش بشكّ و يحسبني ماني فاهمة ..

و أنا ما أحسسه بالإطمئنان و لاشي ..
بيشك ، براحته .. ما عندي مشكلة ..

.
.

أحس بديت أدوارنا تتعكس ..

و هو اللي صار يحلم دحين و يطمح للتغيير ، و شخصيته تصير قوية ؟؟؟
و يرفض إني أساعده ..

.
.

بجد ، ما أعرف إيش المطلوب مني ؟؟؟؟؟؟؟؟؟

أقرأ الأذكار و أحافظ عليها و أرجع أهملها ،،
حاولت أروح أصلي الفجر بالحرم ، تكاسلت ..

صار هو اللي يقول أبغى اعمل و اعمل ، و المفروض إني أشجعه ..
صح أشجعه ظاهريا و بحماس ووو إلخ .. بس مو من قلبي ..

.
.

إيش انتظر من الدنيا ؟؟؟

حماتي تبغاني بأي طريقة أجيب سيارة جديدة لزوجي و أدفع أقساطها ..
رديت عليها بإحترام و ذوق .. و هي احترمت رأيي ..

إذا قيمتي صارت بوظيفتي و راتبي .. ؟
إيش لي داعي بالدنيا ؟؟؟

.
.

المبادئ اللي عشت عشانها ، إيش فادتني بغير الهمّ و إني أحارب عشان فكرة أو مبدأ .. ؟؟؟
اللي مثل زوجي ، هما اللي عايشين حياتهم ..

لازم أخون ، لازم أكذب ، لازم أنافق .. عشان أصير ( واااااااااو ) ..

سؤالي بالأخير :

إيش المطلوب مني بعد كذا .. ؟
الكل كذا مبسوط و راضي الآن ، أهل زوجي ، و أهلي و زوجي و أولادي .. و اللي بالعمل معاي ..

بس صرت أنا نفسي ما أعرف إيش أبغى ،.

بس أحس أريح كذا ،،

.
.

قبل شوي دقيت على زوجي و قلت له : تأخرت .. كذا ما تتصل و لا تسأل ؟
قال لي بالطريق تويي خارج من الشغل و الله ..

سألته : إيش اجهز لك تتعشى ؟
سألني إيش فيه شي يتاكل ؟

قلت له : كنت بأشوف، إذا فاضي بأروح معاك نقضي للبيت سوا .. كم شي..
قال لي : طيب ..

قلت له : اممم .. مافي غير عيش و جبنة كاسات و بيض ..
قال لي : نعمة و الحمد لله ..

قلت له : بس عشان الأولاد معليه .. لازم أخد لهم أشياء ..
قال لي : طيب من عيوني ..

(( أصلا من المغرب أرسلت له ، إنه يحاول يخرج بدري شوي من العمل ..
لإني طفشانة و أبغى أخرج لوحدي معاه و اكل ايسكريم باسكن ))

كل يوم كنا نخرج شوي و نخرج الأولاد معانا نمشيهم ،، ( بعد ما تغير هو )
اليوم قلت أتركهم مع الشغالة و أخرج شوي ، لإني محتاجة أخرج لوحدي و اجلس لوحدي ..

.
.

بأروح معاه و أنا بأحاسب ..

ما أقدر أشوف الأولاد كذا ، و ما أقدر أضغط على زوجي أكثر ..
بس يبدأ الشيطان يقول لي ( بس هو عزم بنت الشوارع بالمطعم ، خلاص طنشيه .. خليه يدبر حاله )

.
.

شكله بيجيني انفصام بالأخير ..

صرت مثل اللي جالسة فوق ( ديناميت ) ..
لو بيوم - لا سمح الله - صارت أي غلطة ..

اضغط عالزر ، و انفجر أنا و هو و بيتنا ..
ماني مستعدة أي ( تكّة ) لأعصابي ..

بس ماني قادرة أقدم أي شي ..

حتى يوم زواجنا بعد كم يوم ، و ماني عارفة إيش اعمل ؟

روح ... أعطي نفسك فرصة تستوعب وتبلع ,, مرات راح نفسك راح تستوعب بسهوله ومرات بتنتكسي وبتتنح .. عادي .. مو انفصام ولا شي .. بس اللقمة كبيرة وتحتاج تقليب حتى تنبلع
مو ضروري تكوني المرأة الحديدية وتحطي لنفسك خطة وتمشي عليها ... انتي بشر وبتكون لك ردات فعل عفوية على أفعال معينة .. مو شرط يكون كله بالمسطرة محسوب .

بالمختصر خلي الطبيعة تاخذ مجراها بدون تفكي منك .. تسليم تام وتوكل على رب العالمين مو على العصامية

وما دام متوكله على الله فما في داعي لتساؤلاتك ... اللي يجي خير من ربنا مهما كان .

ساعدي زوجك وخلي قلبك بطيبة قلبه وتسامحه ... زوجك ما عاش مراهقته بكل مراحلها وأحوالها عند أهله .. وبدأ يعيشها لما تزوج بكل صورها من تبذير وصرف وهروب واتكاليه وآخر شي كان قصة مراهقة مع بنت الشارع .
الان وبعد ما انتهى من كل مراحل مراهقته ووصل لمرحلة الرجوله بتيأسي ؟؟؟؟

أعطيه ثقتك .يستاهلها الحين .. وكوني منطقية بطلباتك منه .. أطلب المستطاع حتى تطاع

ركزي على نفسك ونفسيتك .. روحانياتك بأشد الحاجة لها الان فما تهملي شيء منها ولا تاجليه .

عليك بالدعاء ثم التضرع ثم التوسل لله عز وحل ...

سرحتي ومالك نفس تقومي استلمي اصابعك بالاستغفار والتسبيح الى أن تتغير نفسيتك

__________________

بيتا ..

كلامك يشرح النفس ..

تدري ، لحد دحين استحي أساعد زوجي بإني أعطيه الفلوس بيده ؟؟؟
و ما عمري عملتها ..

.
.

أنا كمان ( عندي عيوب ) أعترف ..

بس الفرق ، إنه زوجي كنت أساعده ( على نفسه ) ..
أنا ماحد بيساعدني ، بالعكس .. الكل يقول ( إيش ناقصك ؟ ) ..
بس أنا بانظر للموضوع من زوايا تانية ، و بأصلح من نفسي و أحاسب حالي كل مرة ..

.
.

حالياً ، اكتشفت إني ( انسانة مزاجية و متقلبة ) ..
و من مقارنتي لنفسي بالعمل مع الآخريات ، ألاقي إني ( أبذل عمل ) فوق المطلوب و ما أقتنع بالحال المايل ..
و أسعى للإصلاح و التغيير بمجال العمل ( بإستثناء هذا الترم طبعا ) ..
طالعة على أبوي الله يرحمه ، كان يعمل مية شغلة بوقت واحد ..

فتقابلت مع زوجي و اللي يومه بسنوات ..

فكأنك خلطتي ( نار ) مع ( جماد أو تراب ) ..

بس صحباتي ؟
لما اشوف ثقتهم بكلامهم الي قالوه قبل .. اصدق
لما افتكر انه وحدة مستندة على كلام زوجها و التانية كمان مستندة على كلام نفس الشخص
و الشخص هذا هما يشوفوه شخص يخاف الله
ابدأ اقول ماحد يعرف زوجي مثلي

اسمحيلي عصامية أعلق على هذه النقطة
كلام صاحباتك لا يخرج عن نطاق ( قالوا ؟! )
واللي ( قالوا ) الكلام عن زوجك هم نفسهم اللي قالوا الكلام الافتراء اللي عنك
وبعدين يا روح صدقيني لو لي مزاج لأطلعلك تناقضات كلامهم من كلامك والأحداث المفصلة
بس مع الحمل المزاج شوي مش ولابد
بس من بين الكلام اللي انقال انهم قالوا لكم ان مصدر الكلام مراهق عمره 18 سنة ..
وترجع صديقتك تقولك يعني زوجي ما يعرف يفرق بين البايسون والخمر ؟
يعني مصدر الكلام بناء على اقرارها اللامباشر هو زوجها
وزوجها مع احترامي له كذاب ..
فأرجوك مثل ما قالت لك متفائلة
أمسحي هالملفات تماما من حياتك مو تركنيها على الرف لما ترضي
ولما تزعلي تفتحيها من جديد ..

واذا كنت شايفة ( مثلا ) كلامي أنا ونورا عاطفي لأننا بنات
فأرجوك ركزي في كلام أبوحكيم ونعرفه جميعا واضح ومباشر وما يجامل
يعني لو كان في أي احتمال عن وجود هالأشياء كان أكد لك
نحسبه والله حسيبه على الخير



فاكهة ..

أتوقع صح كلامك ،، إني ( جنوبية ) مو مثل ما كنت متخيلة نفسي ( شمالية ) .. ؟؟؟
بس مادري ليه قلتي ( شرقية ) ، لإني كنت اعتبر حالي ( غربية ) ؟؟؟

أحب البوصلة الشخصية
شرقية لأنك ياروح
دقيقة مثل ما قالك أبوحكيم ..
وأعتقد أن لا الشمالي ولا الغربي يحتمل هذه الدقة المتناهية في كل شي
هم ينظرون للأمور نظرة عامة عميقة ولكن سريعة
الشرقي متأني ومفكر ومتعمق

تفصيلية
شوفي أسلوب كتابتك الروائي

تحليلية
تسردين أحداث وتحللينها بنفس الوقت

متأنية
قبل حكمك على زوجك وعلى أشياء كثيرة
وفي بعض تصرفاتك

عندك مبادئ وقيم تسيّرك في حياتك
ومؤمنة فيها بشدة وملتزمة بها
وضحت جدا في معاملتك للرجال في الغرب
في الأشياء اللي تربيتي عليها وتمسكتي بها
وغيره

منظمة

منطقية
لابد ان يكون لكل شيء تفسير ومنطلق عندك
يعني أمورك ما تسير عبث وبالهوا

تسلسلية

الجانب الشرقي يا عصامية يتضح في حياتك العملية والاجتماعية
كافحت كثير حتى تصلي للي طمحتي له

والجانب الجنوبي واضح جدا في تعاملك مع زوجك
كثير ما تتأثرين بكلامه الحلو وتغرقين فيه
صبورة على عيوبه وقبلتي فيها مقابل العاطفة اللي منحك اياها

يعني أنا الان أعيش تشابه ببعض صفات (الزوجين) كون زوجي جنوبي غربي مثل زوجك ولكن أنا شمالية غربية ,
أحسني بموووت ومايقدر يضحك علي بالكلام المعسول , أبي أشوف أفعال , كل مايحقق لي هالشي كل ما يرتفع قدره في نظري , وكل ما استخدم الكلام وراح أسوي وأسوي وأسوي يسقط من نظري كثير وأعتبره (كلام عيال) ..
وبالتالي أفقد ثقتي في


الفرق
الشمالي لا تقولي له ماذا أنوي أن أفعل ؟
قولي له ماذا فعلتِ حقا ؟

الجنوبي حبوب وطيب
يعطي الآخرين فرصة ويقبل بالوعود ويعطيهم وقت للوفاء بوعودهم
لأن هو بنفسه متأني وبطئ

كمثال
زوجي مثلا حالم نوعا ما .
يقولي راح أروح الدائرة الفلانية وأسوي كذا , وأرجع أروح مادري وين وأخلص المعاملة كذا وأنا أستمع وأستمع
فاذا بي أواجهه بالسؤال الشمالي المعروف : متى ؟
فتلقينه يتخربط شوي لأن كلامه أحلام أو نية تحتاج وقت حتى تتخمر براسه وتصبح لعزيمة وبعد العزيمة يحتاج وقت علشان يصبح حقيقة
يمكن البعض يعتبرها دفاشة , بس مادري احنا كذا وهذه طريقة تفكيرنا اللي تطلع تلقائية بدون تخطيط ودراسة

اما الجنوبي يسرح مع نفس الموقف ويتوه مع النوايا والأهداف الجميلة

ولا يعمم الكلام طبعا
.
.

جنوبيتك تتضح أيضا في أول حياتك وأنتِ بنت
أسلوبك في الدعوة , كثرة صداقاتك ومحبينك وغيره وغيره

صباحك عسل يا عصامية
وروقي يا حلوة
والله الدنيا ما تسوى

__________________
الحمدلله الذي بنعمته تتم الصالحات

بالمناسبة روح
قرأت في كتاب البوصلة الشخصية
ان المؤلف يقول ان انسب نمط للشمالي الغربي هو الجنوبي الشرقي
قال هم متكاملين وغير متناقضين
فانا اقول يمكن هذا اللي خلانا نشعر نوعا ما بوجود تقارب والفة وتشابه بين شخصياتنا

ومع الاسف ابعد نمط عن الشمالي الغربي هو الجنوبي الغربي
انا وزوجي
بس في حلول اكيد

__________________
الحمدلله الذي بنعمته تتم الصالحات