المشكله ما يحب العلك ويهاوشني اذا اكلته
بجرب بالشرائح ان شاء الله

جزاك الله خير على اهتمامك غاليتي

نعم لا بد من أن يعمل لفحص لاسنانة عند طبيب الاسنان وقد لاتظهر المشكلة من الاسنان بل ربما تكون من جدار المعدة بحيث انه ربما لا يغلق جيداً بعد هضم الطعام مما يسبب ظهور رائحة صادرة عن الفم اختي قولي له من باب النصح إن عدم تفريش الاسنان خاصة وقت النوم يؤدي الى تراكم الجراثيم وبالتالي الى تسوس الاسنان وظهور الالم بالاضافة الى التسوس وصدور الرواح وأنت لا تريدين أن تراي زوجك يتالم امامك ولا ترضي ان تراي اسنانه تتساقط امامك لذا ادخلي عليه من هذا الباب

بالطبع احتمال يكون من معدته مو من اسنانه بس ابغا اخليه يتعود يفرش اسنانه بعدين نشوف موضوع المعده

وفكرتك بفتح الموضوع افادتني جدا

جزاك الله خيرا

اختي الغالية اطفالك لو تبين توصلين لهم معلومة فانك تجعلينها لهم في قصة ممتعه
زوجك طفل كبير احكي له قصه عن صديقتك انها كرهت زوجها وطلبت الطلاق بسبب
رائحة الفم وبعد القصه انتقدي انت زوج صديقتك بانه مهمل وانت ماتحبين هذا النوع
من الرجال .... والله يعينك

اخواني واخواتي
اشكركم على تشجيعي لمصارحة زوجي بشتى الطرق

جزاكم الله خير

بصراحه كان ودي ابشركم و اقول انحلت المشكله بس ما ادري الحقيقه وش اللي صار

ما ادري هي انحلت ولا تعقدت

القصه ان زوجي اول مارجع من السفر حاولت فيه يفرش اسنانه ساعات يستجيب وساعات يطنش بس امس قبل ما ننام قلت له انت مافرشت اسنانك ؟ قال لا والله نسيت بعدين اليوم ماراح نمارس شي يعني مو لازم افرش
قلت له مو عشان كذا لازم تفرش انت لازم تفرش عشان صحتك وعشان فيه ريحه من فمك وممكن تكون من معدتك

رد علي برد غريب قالي يمكن !!!

بعدين قالي تدرين ان انتي اللي عندك ريحه بفمك مو انا !!!!!!!!!!!!!!!!!!!!!!!!!!!!!

انا هنا انصدمت .... قلت له انا معقوووووووووووووووول لا مو صحيح مستحيل

قالي الا والله وهذي الريحه اللي تشمينها ريحة فمك انتي واصلا ما تشوفين نفسك كل ما جيت ابوسك تبعدين يعني انتي داريه بمشكلتك !!!!!!!

قلت له مو معقول مافي احد يشم ريحة نفسه وانا اصلا ابعد عن البوسه بسبب ريحة فمك مو العكس وبعدين انت اذا صحيح شايف لي ريحه بفمي المفروض انك معلمني قالي خفت تزعلين

ويرجع يقولي ترى هالريحه منك

قلت له انت ما تفرش والانسان ما يشم ريحة نفسه

وهنا انتهى الحديث وسكتنا فجاه ونمنا

انا ما نمت بسرعه احس الدم ناشف بعروقي وحسيت اني برداااااااااااااااااااااااااااااانه وروحي قاعده تطلع ودي ابكي وماقدرت ابكي

يا اخوان انا امي الله يحفظها تهاوشني اذا سمنت او اذا ما كنت متعطره فما بالكم لو انها شامه ريحة فمي والله ما تسكت غير تهزئني مستحيل تسكت

والشي الثاني ان زوجي عنده مشكله بانفه حتى ريحة العطر ياللله يشمها يعني الشم عنده تقريبا 30 بالميه بس


والله ما ادري احس اني متلخبطه ومو عارفه اتصرف واتعامل معاه اليوم برسميه نوعا ما واحس اني احلم حلم شين و ودي اصحى منه


ساعدوني وفسرو لي اللي صار

احس راسي بينفجر والله

الله يعينك ؛ طيب روحي عند طبيب أسنان يكشف على لثتك واللوز أو عندك إلتهاب حلق مزمن ؛ ومع زوجك روحي
وتطمني على نفسك ؛ وإذا قال الدكتور سليمه ؛ خلي زوجك يسمع ؛؛ وبعدين خلي زوجك يكشف على أسنانه ولثته
ولوزه؛؛ لأنه إهمال تلك المناطق تسبب ريحه ؛ وفرصة ينصحه الطبيب بالإعتناء بفمه لأنه أساس الصحة
الله يوفقك ويسهل عليك

حبيبتي ان شاء الله لازم اروح لطبيب اسنان وبكيفه اذا راح والا ما راح عادي عندي

وعندي طلب خاص منكم اذا في طبيب اسنان تعرفونه بالرياض ياليت احد يقولي لاني ما ابغا اروح للدكتور قريبنا

مشكوره حبيبتي

إسألي حد مقرب منك جدا مثل امك أو اختك إذا في الك رائحة فم.

لأنه هو لما قالك الك ريحة فم يمكن لانه خجل من قولك. فحب يدافع عن نفسه

بنفس اسلوبك.

__________________

لا إله إلا الله
محمد رسول الله

ساندي كيف ابغا اسال اختي او امي وش اقولهم لو سالوني ليه تسالين ؟؟؟

ما ابغا اشغل بالهم علي