ثاني يوم للجمرات رحنا تقريبا المغرب إذا ما خانتني الذاكرة ..

طلعنا للجمرات والصندل حقي ضاع في المخيم .. فطلعت بزنوبة حمرا .. كنت جايبتها الله يعزكم للحمام

ومتعبة في المشي .. بس مشي الحال ..

واحد كان ماشي بالعربية وصدمني صدمة .. الله يسامحة .. وكملت المشي عرجه كأني ناقصة


ثالث يوم لقيت الصندل حقي أخيرا عشرة عمر رحنا وكان أصعب يوم وأتعب يوم .. يوووووووه طلعنا للجمرات قبل الظهر والشمس ياسلام

على روسنا .. والصراحة زحمة .. ورمينا الجمرات في جو حاااار وملهلب

ورجعنا للمخيم أتوقعت نرتاح شوية إلا على طول قالو يالله على الحرم ..

ركبت الباص ورحنا على الحرم .وأنا متشوقة للحرم . ومشييينا إلين وصلنا ودخلت الحرم وما شفت الكعبة من الزحمة

وعلى طول بدأنا في الطواف من الدور الثاني

أول مرة أصلا أطلع للدور الثاني .. بس زحححححمة .. وكنت أبغ أقول لزوجي ليش ما نطوف تحت

ولكن باين إنو زحمة ..بعد الطواف جلست تقريبا ربع ساعة أكلت فيها جالاكسي عشان أعوض السكر ..

وشربت موية وعلى طووول على السعي .. سعيت في الدور الثاني والحمدلله أنتهيت من السعي قبل العشاء ..

ركبنا الباص حق الحملة وعلى جدة و أتعشينا من البيك .. يادا البيك أكلنا منو يجي ثلاث مرات

وبعدها نمنا .. الحمد لله الحج كان ممتع ورائع والله يعطينا على قد تعبنا ويستجيب دعواتنا يارب

يوم الجمعة كنا في جدة وكانت رحلتنا على الرياض تقريبا على الساعة سبعة وكان نفسي أنزل سوق هناك

اسمو الصواري .. مدحولي فيه

لكن الوقت كان ضيق .وطبعا لا مدانا نروح بحر ولا محيط

خسارة نفسي اشوف البحر الأحمر .. حفظت البحر حق الشرقية .. حتى الأسماك حافظتهم

وبعدين قلت خلاص أشتري من المبيعات الجوية ..

وفعلا أشتريت من كتالوجهم يجنن صراحة ..

في الرياض وصلت أول يوم ما أخذت البنات لأننا تعبانين .. ثاني يوم رحت لأهلي وأخذتهم .. أول ماشافوني

سألوني عن الهدايا .. أنا مابقيت شي أشتريت لهم ألعاب على أكسسوارات على خواتم وساعات

ورهيبين لما أخذو الهدايا قالولي ماما متى حتروحي الحج تاني .. ؟

نفسهم كل ويك إند أحج ..

اللهم تقبل منا إنك أنت السميع العليم

أشكركم على متابعتكم .. ولاتنسوني وزوجي وبناتي ومن أحب من الدعاء ..

وصلى اللهم على محمد وعلى اله وصحبه وسلم

ماشاء الله تبارك الله

ثنائي مميز الله يحفظكم ويبارك لكم في بعض

أسلوبكم واحد لدرجة إني ماأستغرب لو صارت سمو الأميرة ترد بالنيابة عن أخي في الله ..

شوقتوني للحج << لما قلت لأبوي هالكلمة قال الي يسمعك يقول حاجة عشر مرات
العادة إن الواحد يشتاق للشي الي جربه بس أنا من تقريركم حسيت كأني معكم .. ادعو لي الله ييسرها لي السنة الجاية مع زوجي ..

ماشاءالله مايحتاج أعيد كلام الأعضاء كل شي حلو ومميز الصور والأسلوب ،، تقرير متعوب عليه الله لايحرمكم أجره ..

انتظروا تقريري السنة الجاية إذا ربي أحياني

ماشاء الله لاقوة الابالله حج مبرور وسعي مشكور وذنب مغفور باذن الله

ربي يتقبلها منكم يارب ومن جميع الحجاج


ويعيدها عليكم مو بس هالمرة لا مرات عديدة باذن الله


لان الى يتلذذ بالحج اول مرة ويحس بروحانياته راح يطالب ويدعي ربه كل سنه يكتبه من حجاج بيته


موضوع رووووعه قليل عليه رجعتونا لسنه حجتي ايام لايمكن ماحييت انساها ربي يرزقنا حجه ثانيه وثالثه وكل سنه وكل من تمناها يارب

__________________
ياكثر ماعندك من خير يارحيم
بس يبغى لنا شويه صبر
الحمدلله كما ينبغي لجلال وجهك وعظيم سلطانك

تقرير رائع جدا ياأم لجين


ماشاء الله عليكي ياليتني حجت مثلكم لكن بإذن الله يكتبها لنا السنة الجاية


مواقف حلوة مرت والحمد لله انه تيسرت لكم الحجة واسأل الله القبول لكم ياقلبي



ماشاء الله اضفيتي على موضوع ابو لجين لمسة رائعة


ماقصرتوا وابدعتوا الله يحفظكم ويحفظ بناتك ويرزقك بالولد الصالح قريب ياعسل





تحيـــــــــــــــــــــاتي

__________________

ما شاء الله تبارك الله

تقرير متميز و جميل

و فيه الكثير من التجارب

جزاكم الله خيراً

__________________
سبحان الله و الحمد لله و لا حول و لا قوة إلا بالله
.

رغم كل الصعوبات ... استمتع بجمال الحياة ...

::

حتى لو ترد بعد سنة ، ماعندك مشكلة ، ولكن المشكلة تكمن في أنك ماترد

اللهم آمين والله يعطيك العافية وألف شكر على ردك على موضوعي

وإن شاء الله تنتهي ظروفك على خير























اللهم آمين

وأشكرك على تقييم الصور

والله يرزق المسلمين حج بيته الحرام في أقرب فرصة

وجزاكم الله خير على المرور





















الذي ميزه هو مروركم أختي

وإن شاء الله تكونوا استفدتوا من التجارب ، وخاصة حكاية رفع اللياقة البدنية ، يعني اللي يبي يحج من الحريم ياريت تبدأ بممارسة رياضة المشي من شوال أو ذو القعدة ، وياريت أيضاً يقرأو عن الحج ، لكي يمّيزوا بين الأشاعات وبين الحقيقة ، وياريت ينظروا لصورة المسجد الحرام كي يستطيعوا التفريق مابين مكان الطواف وبين مكان السعي

والله الموفق

وجزاكم الله خير على المرور

ســـــــــــــــــــــمو الأميرة (أم لجين )
ياحياالله أم لجين من زمان ودي تشاركين زوجك وتكتبين معاه بنفس الموضوع ...بجد تقريركم رااااائع جدا جدا جدا ماشاء الله تبارك الله ....

بصراحة(( ماشاء الله لاقوة الا بالله )) ثنائي خطير الله يحفظكم ويحميكم ويخليكم لبعض يااااااارب ويبعد عنكم كل مكروووه ....

استمتعت جداجدا بتقريرك يام لجين ...وضحكت كثير لدرجة ان امي دخلت على وانا اضحك لوحدي وقالت بسم الله الرحمن الرحيم وش فيك يابنتي تضحكين لحالك ...وجلست اقرأ لها التقرير وصارت تدعي لكم من قلبها وتقول الله يحفظهم عائلة فكاهية بجد ...

ربي يحيمك وبناتك وزوجك من كل شر ...

تقبلي مروري

__________________
افتقدت كثير بعض الاخوات لي في هذا المنتدى ...
يارب يكونوا بافضل الاحوال ..

ابداع القلوب اما عائلة فكاهيه كثري منها
بس دايم اشوف الزنوبه لونها ياأزرق ياأخضر
أما احمر هذا شي جديد .....
يعني مافي ولا صورة للهدايا
الله يحفظكم

__________________

أيش يعني كثري منها ؟!!! دي تريقة ولا أيه ؟

وأما حكاية الصور ، فلا تصيري طماعة ، كل ذي الصور وماكفتكم ؟ عاد مابقي إلا نصور البنات !

سابرينا من أيام الجلي وأنتي تحبي أبو بلاش ، ورينا شطارتك ونزلي تقريرات بصور وبعدها أطلبي ماتريدين .

والزنوبة هذه أسبشل لأم لجين .

لا والله مش تريقه ولاشي ....
بالعكس يعني انتوا ( فاكهة المنتدى )
وياليت الآن نلاقي ابو ريالين عشان يكون فيه ابو بلاش
وحكاية الصور انا من النوع اللي امووووووت بالصور وماافوت ولا لقطه حتى اللي يسافروا اوصيهم بالصور
ولو حكاني زوجي عن اي شي اقوله ليش ماصورت !!!!
اما سالفة اسوي تقرير لسه مافكرت فيها .....
ان شاء الله تجي مناسبه واسوي تقرير

__________________