السلام عليكم .....



طبعا من غير ما أقول رأيي لأني قلته قبل .... مع موضوعك المحذوف ..... ولا يختلف عن رأي من سبقني ..



بس أنا أبي أسألك .... عنوان موضوعك " هل يندم الرجل على طلاق زوجته إن كان لا يزال يكن لها بعض المشاعر ؟"


صح هذا سؤالك ؟؟؟




طيب الحين ارجع واقرأ ردودك واحد واحد بدون ما تقرأ ردودنا ....




اش ملاحظ ؟؟؟؟




ما تلاحظ أنها كلها كأن الناس تقولك رجعها وانت تطلع فيها كل عيب فيها واللي ما فيها وما تبيها ؟؟؟




وكأنك تحاول تقنعنا أنك لازم تطلقها ..... يا أخي لاتقنعنا .....أقنع نفسك ...




يا اخي لا تعور قلبك وتغصب نفسك عليها ....ولنفسك عليك حقا ....



انت من حقك تلاقي زوجة تحترمك وتحترم أهلك وتعطيك راتبها كله وانت تعطيها مصروف منه .... وهي اللي لازم تستأجر لك شقة جنب اهلك وتأثثها هي لك على ذوقك ....

مين قال أن النفقة عليك ؟؟؟؟ غلطان ...النفقة على الزوجة ....




والمفروض أنها لما قلت لها أنك ما تبيها مفروض انها ما يصير عندها كرامة وعزة نفس .....غلط ...وش فيها اذا الرجال قال لزوجته أنا ما أبيك بحياتي وأبي أطلقك بس المؤخر هو اللي مانعني ....ما فيها شي يزعل ويخليها تروح لأهلها ....بالعكس .....هذي أمنية كل زوجة في العالم أنها تسمع زوجها يقول لها الكلام الحلو هذا .....أفا عليها بس ...




وبعدين قلي كيف زوجتك تزعل لما أخذتوا منها أغراضها اللي شرتها بحر مالها ومهرها ؟؟؟؟

مالها حق ابدا ....الله يهديها بس .... هذا مو تصرف بنات ناس .... مفروض أهلها عقلوها وعلموها أنها تسكت عن حقها ...


والا انت قلي فيه انسااااااااان في الدنيا يروح يشتكي لما ينسرق حلاله ويرفع قضية على اللي سرقه ..... شكلها مجنونة مب صاحية هذي ....




بس اسمع كلامي طلقها وانت تلاقي وحدة أحسن منها تصرف عليك وهي ما تشوف الدرب .....وصدقني لن تندم على طلاقها .....

حتى امك بترضى عليك ...

اقسم بالله انني اقرا الموضوع وقلبي يعتصر ألما..

ورفضت المشاركة لان الاعضاء بذلو اقصى جهودهم كي يقنعوك بأخطائك واخطاء اهلك، وانت لا حياة لمن تنادي...

ولكن عندي الحل بعيدا عن اي سخرية او تهكم، فأنا جادة بكلامي:
طلقها وأرحها منك ومن عقليتك المتحجرة والتي لا تصغي الا لوالدتك واهلك، وتزوج امرأة من اللاتي اشرت لهن انهن يتمنين الزواج باي شكل، فعلا، ابحث عنها فقط تريد زوجا واولاد بغض النظر عن الحياة الكريمة واحترام ذاتها، ابحث عنها من اللاتي يردن شخصا ينتشلهن من غياهب الوحدة، بغض النظر عن عيوب الزوج، ولا تنسى ان تشترط عليها ان تصرف عليك....

اما انت، فتريد ان تسمع من الاعضاء انك لن تندم، أكاد أجزم انهم لن يسمعوك هذا الرد، بل على العكس، الشخص الوحيد الذي سيندم هو زوجتك ان بقيت معك...

وا أسفي على زوجتك، ضاعت ايامها معك هباء منثورا، والغريب انها تريد العودة، فعلا انها صابرة...

__________________
تستطيع أن تعرف ما وراء الجبال، ولكن لا تستطيع أن تعرف ما وراء الرجال..

إضافة إلى سؤالك



إحتمال كبير أنك إذا طلقت زوجتك

تذهب و تتزوج وتنجب وحينها ينقطع لك كل أمل بالرجوع لهاا


خاصة إذا فشلت في زواجك الثاني وبدأت تقارن بين زوجتك الاولى ماشاء الله


وبين زوجتك الجديدة والتي ربما تطلع لك عيوب جديدة غير موجودة عند زوجتك الأولى



حينها فقط ستعض اصابعك من الندم


والله زوجتك يابن الناس ماشاء الله تبارك الله

رائعة بكل ماتحمله الكلمة

والف من يتمنى مثلها لكن انت لا ترى ذلك لانك

ماجربت عيوب غيرها لكن زواجك الثاني راح يعلمك قيمة زوجتك الاولى


حتى تعرف العيوب الحقيقة التي تستاهل الطلاق وخذ لفة في المنتدى وانظر الى مشاكل الأعضاء
التي حقا تستدي الطلاق ..


أما كل ماذكرته لا يستحق الطلاق

أنصحك اقبل بشرطها وقل راح نبدا صفحة جديدة وجددوا شهر العسل


والله يوفقكم

انتوا من صدقكم !!! أقولكم ما بيها تصرف علي ... أنا أدفع الإيجار ولوازم البيت، شنو فيها يعني إذا ساهمت معاي. إذا ما تبي تعيش على قدي وإذا هي ماتبي أهلي وما تحبهم، خلاص عيل هي اللي اختارت طريق الطلاق وهي اختارت ما تكمل معاي ... إذا شنو اللي يجبرني أدفع المؤخر إذا هي ما تطيعني !!!!!!!!!!!!!!!

وبعدين إخت رسيل ما قلت هي تستأجرلي !!! أنا باستأجر ،، بس أبي الشقة بجانب أهلي وهي اللي مو راضية تكون بجانب أهلي .. ليييييييييييييييييييييييش !!!!!! ليش كلامها هو اللي لازم يمشي كل مرة !!!

وبعدين هي حولت الحب اللي كان بداخلي إلى كره !! بعصبيتها وصوتها العالي ونرفزتها وعدم سماعها للكلام. ماني فاهملها وأحس مافي بيني وبينها تفاهم هي ما تدري وش أبي ولا أنا فاهم ليش هي ما تفهمني !!1

هل تعرف ليش ما تبي تساهم معاك ؟

لان انت اخبرتها بطريقة غير جيدة يعني قلتلها اصرفي وحطيت عينك على فلوسها

اعتقد انها راح تساهم معك لو انك ماجبت طاري فلوسها ابد

وتحاول يقدر الامكان الصرف على المنزل واذا ما كفى راتبك هالشهر تسجل الاشياء للشهر الجاي

من دون اي طاري لفلوسها وتعيشون على قد فلوسك حينها راح تساهم من نفسها ومن طيبة نفس معك لتحسين المستوى

وليس بهذه الطريقة البشعة اصرفي والا اتهاوش معك

لو أنا مليونيرة مستحيل أصرف مع زوجي بطيبة خاطر وأسلوبه معي مثل أسلوبك مع زوجتك بالضبط مثل ما قال الأخت العقيلات ....


بس انت داخل على طمع وعينك أنت وأمك على الراتب ....


هنا الخطأ يا أخي ....




ولو كنت مترفع عن راتبها من البداية فكانت بتجيك من نفسها وتقول لك وتترجاك تاخذ منها وتسمح لها أنك تساهم ....وحتى هذيك الحزة مفروض رجولتك اللي تتكلم عنها ما تسمح لك تاخذ منها فلس ....




بس يا خسارة الرجولة وايامها اللي الرجال يتزوج وعينه على راتب الحرمة ....



واعلم ثم اعلم ثم اعلم .....


ليست ملزومة بفلس واحد لو أنت فقير تشحذ وهي مليونيرة ...

انت المسؤول تسكنها وتطعمها وتكسيها وتنفق عليها .... وهي ملكة معززة ......


عجبك كان بها ..... ما عجبك خلك عزوبي أحسن لك ... تصرف على نفسك وبس ...لأن المسؤولية الزوجية كبيرة عليك منت قدها أبدا

لا قالتلي ما عندها مشكلة تصرف بشرط إن تبي تعرف راتبي وين يروح وليش ما يكفي لأن للحين ما عندنا أطفال. وطبعا قلتلها تبين تشوفين الديون اللي عندي وكشف حسابي خليني أول أشوف كشف حسابك ورصيدك ... إشمعنى هي يعني اللي تقولي أشوف رصيدك وإ

ليش تبي تطلع على كشوف حساباتي وأنا ما أطلع على كشوف حساباتها !!!
بكل برود كانت ترد علي، لأنك إنت اللي محتاج أساعدك مو أنا اللي قاعدة أطلب منك ... بس المفروض إن تثق فيني إذا قلتلها أنا محتاج ما ترادد وتقولي أشوف حسابك ووريني ليش وما ليش

لا حول ولا قوة الا بالله

بقول كلمه تقرقع في قلبي ومتأكده في قلب جميع من قرا كتاباتك


انت كنك حرمه


عارف ليه

لأن الحرمه بس هي اللي تمن انها سوت وسوت
وانت قاعد تمن في الواجبات بعد ماجينا ع الاكسسري

متلصق في اهلك موت وما يتلصق في اهله ومايستغني عنهم الا الحرمه


تقول اهلك واهلك ولازم تحب اهلك.. زي الحرمه اللي تفرض احترام اهلها على زوجها وواجبات لهم


تبغاها تساهم معك ..وهي مو ملزومه ..زي الحرمه اللي تبغى زوجها يعطيها نص الراتب بحكم خلاص انها نصفه الاخر


كفرت العشير معها وهذي من صفات الحريم


اكمـــــــــــــــــل؟؟؟؟؟؟؟




من رأيي تروح تخالط الرجال عشان فعلا تصير رجال.. وهي مجنونه وماعندها كرامه اذا رجعت لك

__________________
[/IMG]

تعرف المثل اللي يقول ...

شحاذ ويبي كبك ؟؟؟؟؟؟



خلاص ياأخي انت الآن حسمت الموضوع طلقها وانتهينا