أختي الكريمة .. انا رجال ومتزوج ولي من الخبرة بالحياه واحب افيدك ..
احتمال كبير يطلقك ولكن شعوره ورغته بالانتقام تؤخر الموضوع ولكي تهدأي الموضوع ولان الي بعيد عن العين فسوف يصبح بعيد عن القلب لامحاله فهذا أمر لاجدال فيه فلحقي نفسك والا ترا الموضوع محسوم وسوي الي اقولك عليه وانوي النيه الزينه وان شاء الله ترجع الامور لمجاريها :
1- البسي عباءه راس ومداسيس يدين واذهبي مع اخوك لبيتك (افعلي المستحيل وعلمية فكرتك ان لزم الامر وخليه يساعدك وان لم يساعدك اذهبي بطريقتك وماعليك منه مايقطع الارقاب الا اللي خلقها وانتي اصلا ماعندك شي تخسرينه وفي حال جاء اخوك معك خليه اخوك ينتظر تحت عند السيارة وقولي التالي (زوجي الغالي والله العظيم ان حياتك بدونك مالها طعم ولالون واني هالشخص اللي كلمته هو شخص الحقير استغل لحظة ضعف وكنت اشكي مشاكلنا لاني مااحب اعلم اهلي مشاكلنا - واحلفى على افتراضي انك صادقة -
2- اكدي على النقطة الاولى كثيرا واستحضري حبك له وانه احتمال تفقدين حياتك الحلوه معه واكيد دموعك تبي تنهال ذي اللحظة لاتتكلمي وتزني هل تبي تطلق لانه سوال غبي جدا وماله معنى وهو بهالحاله ..
3- ركزي على توضيح فكرة التوبة وانك لايمكن ترتكبي الحرام او الزنا وان هذا الشي لايمكن ان تقترفيه .
4- وقولي لزوجك انا ابقعد بالبيت واخدمك بعيوني ولان هذا بيتي وحتى لو طلقتني ترا كلام الله جل في علاه يقول لازم اكمل العده ببيتي ،،
قال تعالى{ْيَا أَيُّهَا النَّبِيُّ إِذَا طَلَّقْتُمُ النِّسَاءَ فَطَلِّقُوهُنَّ لِعِدَّتِهِنَّ وَأَحْصُوا العِدَّةَ وَاتَّقُوا اللَّهَ رَبَّكُمْ لاَ تُخْرِجُوهُنَّ مِنْ بُيُوتِهِنَّ وَلاَ يَخْرُجْنَ إِلاَّ أَن يَأْتِينَ بِفَاحِشَةٍ مُّبَيِّنَةٍ وَتِلْكَ حُدُودُ اللَّهِ وَمَن يَتَعَدَّ حُدُودَ اللَّهِ فَقَدْ ظَلَمَ نَفْسَهُ لاَ تَدْرِي لَعَلَّ اللَّهَ يُحْدِثُ بَعْدَ ذَلِكَ أَمْراً} (الطلاق 1).
5-من اهم النقاط هو نيتك التوبة النصوح وتقوى الله في لبسك وتصرفاتك لان زوجك الحين سوف يدقق في كل شي ولاينلام بس متى ماصرتي عفيفه متى مااطمئن والعافيه شوي شوي ...
6- في حالة انك استطعتي ان تكملي الخطة وتستقري بالبيت (غصباً عليه) لاتنسي ان تكون في قمة اناقتك وجمالك في البيت واحرصي على طبخ الذ الوجبات ولاتلصقين به وتحاولين بدء الامور الزوجيه او المزح اثقلي وبينيي انك تحت امره وانك تائبه واجعليه يراك وانتي تقومين الليل ليس رياء حشاوكلا ولكن لعله يسعد بمنظرك وخلي نيتك رضاء ربك وزوجك باذن الله يرضى عليك وبيني انك منحرجه ترمي نفسك عليه ولازم لازم تقولي له النذر الي نذرتيه ..
الله يوفقك ويرقق قلب زوجك عليك وانا لمست منك نية طيبه ارجو تكون فراستي لم تخني والاهم اكرر النيه الطيبه لان ربك سوف يعطيك على قد نيتك فلا تضمري شي وتمثلي شي آخر فانتي تمكرين ولكن الله جلا في علاه خير الماكرين ..
قال تعالى في سورة الأنفال: {وَيَمْكُرُونَ وَيَمْكُرُ اللَّهُ وَاللَّهُ خَيْرُ الْمَاكِرِينَ} ..
أدعي ربك قايمة قاعده وانا سوف ادعي الله الليله أن يفرج كربتك واطلبي من الاخوان والاخوات هنا يدعون لك فلعل الدعوة تستجاب فهي سهام الليل لاتخطىء...
التعديل الأخير تم بواسطة tops911 ; 20-10-2010 الساعة 10:22 AM
19-10-2010, 03:27 AM
ضوابط المشاركة
العرض العادي
