هلا حبيبتي

تعجبيني كذا

أخباري بأكتبها قريب إن شاء الله
ألف شكر لك يا قلبي

و طمنينا عنك كل شوي

الله يطمن قلبك حبيبتي روح الطير
وان شاء الله تكون أخبارك كلها سعادة وفرحة
أبشري بطمنك عني ياحبيبتي
ودامكم معي فأنا بخير
بخير لأني وسط قلوب طاهرة ونظيفة واحبهم ويحبوني
الله يجمعنا كلنا بالفردوس الاعلى
وندكررررر سوالف الدنيا ونجيب طاريها ع سرر متقابلة
يارب أجمعني بكل احبابي بالجنة
قلبي معك ياحبيبتي

__________________

السلام عليكم
شخبارج يالغاليه....... ماعليه ياقلبي هالوقت انا مشغوله مع سارونه<<<بنتي الصغيره
بس الخوات ماقصرواااكفوووفووو ,,بس نصيحه كونج اخترتي تكونين زوجة ثانيه لاتصيرين ((حساسه)) وارجعي لبيتج ولزوجج لاتعودينه على فراقج خلص هذا قدرج وهذا نصيبج والحمدالله على كل شي
حبيبتي طمنينا عليج الله يسخره لج ويرزقج بالذريه الصالحه اميييييين

أنا بخير حبيبتي كوتية
اشتقت لك يالغالية
الله يحفظ لك بنتك ويرزقك برها حبيبتي
لا تغيبي عنا فديتك
وأنتي بعد طمنيني عنك حياتي
الله يوفقك ويسعدك يارب

__________________

الغالية على القلوووب
صاحبة القلب الطيب
والروح الأحلى
" صابرة"

أعتذر بسبب غيابي عن موضوعج
ولكن اعذريني يالغالية
كنت لاهية بالجامعة والامتحانات
وما كان الوقت يسعني إن أدش وأقرأ وأرد


حبوووبة , ما أزيد على كلام الأخوات
المااااااااضي ماضي
راح وانتهى
وخلاص
لو كل منا ظل يفكر بالماضي
ما راح يقدر يتقدم ويعيش الحاضر
فانتي مهما كان في قلبج من جروح ومهما كنتي متحطمة
حاولي كثر ما تقدرين انج تدفني الماضي
اخذي دفتر واكتبي كل ماضيج المؤلم بكل ما فيه
واخذي هالاوراق و احرقيهم أو لميهم مع بعض وحطيهم بصندوق وارمي الصندوق في البحر
ربما راح تحسي إن شي ثقيل راح منج
يمكن الطريقة هذي تخفف عنج و ولو بالجزء اليسير


وبالنسبة لما تتكشخين وهو ما يبالي
يا عمري تكشخي و خلج ف كشختج
ولا تتحبطين
صحيح إنوا كل زوجة لما تسوي جذي
تبي زوجها يحسسها بهالشي
بس بما إنوا هو يسوي جذي
انتي حاولي تدوسي على نفسج
تعدلي , تكشخي , انتي حلووووة بدون ما اشوفج
وادري ف قلبج احلى واحلى
هو يدري انج حلووة وجميلة
بس هو يكابر
وصدقيني كل هذا يمكن يبي يشوف وش بتسوين
انتي ما عليج
قابليه بابتسامة
ارجع اقوولج حااولي
دوسي على قلبج
بيني له إن إذا هو معاج الدنيا كلها بيدج
حسسيه بهالشي
ومهما سوى أو قال او حاول يستفزج
انتي لا تحطين في بالج
انسي
طنشي
ولا كانج سمعتي
خليه يشووفج غير
قووية ما يهزج شي
صحيح قلبج ينكسر من الداخل ويتحطم
لكن النتيجة بتلاقينها عقب
( ما بعد الصبر إلا الفرج)

كلامي يطوووول
ولكن اعذريني يالغالية
مضطرة أقوووم ألحين
لأني برووح أكمل مذاكرة

لي عوووووووودة

و صدقيني دعوااتي لك ما انقطعت
ودوووم أتمنى لج الخير والتوفيق
وادعي لزووجج بالهداية والصلاج
و ربي يخليج قرة عينه و يخليه قرة عينج
ويحفظكم ويرزفكم بالذرية الصالحة


ودي

__________________
"إخوان سنـة وشيعـة هذا الوطن ما نبيعـه ,, خذ هالشعار و ذيعه و تذووب الطائفيـة"
( منصووووووووووووورين والناصـر الله )

يابعد قلبي وروحي يأشيخة البنات
حبيبتي وقسم بالله كلامك يسعدني
زي العسل ع قلبي أحسك تداوينه
أحبك أحبك حبيبتي
والله هدي ثاني مرة اقرأ كلامك وتمتلئ عيوني بالدموع
دموع الفرحة ياحبيبتي
الله يسعدك ويوفقك ويسهل أمرك اينما كنتي
الله ينور دربك بالخير ورضا ربي عليك
دربك خضر يالغالية
بعدي انتي كم تسعديني بكلامك
وربي يجزاك الجنة ع دعواتك لي بظهر الغيب
ولك بالمثل وأكثر ياروحي
ذاكري حبيبتي ولاتشغلي نفسك فيني
أنجحي وتفوقي لأن وحدة مثلك تستحق كل النجاح
أسأل الله ان يحفظك بحفظه زويرزقك كل ماتتمنينه يأكريم
بشريني عنك
ولا تغيبي ياقلبي مو عشان موضوعي
بس عرفتك من مدة بسيطة واستقت لك
وكيف ما اشتاق وأنتي كلامك بلسم الجروح
عين ربي ترعاك وتحفظك
أحبك حبيبتي

__________________

فديتج والله حبيبتي
صدقيني وما أبالغ لو قلت لج
صحيح إني ما أعرفج من زمن
لكن صدقيني أحس فيج
كلج حنااااان وطيبة وحب

والدنيا ظلمتج وايد
وتعبتج واااايد
وخذلتج واايد
لكن يا عمري
الحياة دروس نتعلم منها
والأهم إن لازم نقتنع كل شي يسوويه لنا رب العالمين هو صلاح
واحنا ما ناخذ إلا نصيبنا اللي مكتووب
" لو تجري جري الوحوش , غير رزقك ما تحوووش"


بس تصدقين من خلال قراءتي لكل موااضيعج
وحتى الموضووع اللي كتبه زوجج
صدقيني من خلال حجيه وكلامه
ومن بين السطور لمست إنه يحبج وااااااااايد
يعني آنا صحيح مش مدة هني وياكم
ولا ملمة بكل الأمور
بس ما أدري ليش هذا اللي حسيته و لمسته
حسيته يحبج ويبيج
بس هالكلمة الشينة ( تنذكر ما تنعاد) يقولها رغم عنه
مو بصدد الدفاع عنه حبيبتي
أبداااا
لكن من جد اشلوون ما يحبج
وانتي مثل العسل لا وأحلـــــــــى بعد


ياعمري الحياة كانت قاسية عليج
لكن انتي لا تخلينها تهزمج
صدقيني دوام الحال من المحال

كل شي بيتغير ياعمري
وانتي مدام نيتج صافية ربي بيعطيج على قدهااا

سعدت واااايد لما قلتي لي إن كلامي ريحج
الحمدلله , فرحت من جد لما قلتي لي جذي
ومشكوووورة يالغالية على هالدعووات الحلوووة
ماقصرتي يا عمري


شنو أذاكر وما اهتم لج , لا حبووبة أذاكر بس والله انتي بالبال
انشغلت بس هالفترة وجايتني بعد امتحانات
لكن قد ماقدر لازم أطل واشوووفج



حطي في بالج شي واحد مهم
" الضربة اللي ما تقتلك تقوووويك"
أبيج على هذي تستندين وتوقفين على رجوولج بقووة
ثقي تماما كلنا معاااج وآنا أولهم
أقرح لما تفضفضي باللي بقلبج
لأن هالشي يريحج
والحمدلله بردت الوالدة من جديد
ربي يحفظها لج ويطوول بعمرها ويعطيها الصحة والعافية


واستعدي بعد شهر للردة
ما أووووصيج
هالله هالله
أدري فيج قمر وتجننين
خلي الابتسامة ما تفارق محياج
وأكرر وأكرر
حااااااااولي تدوسين على قلبج
صدقيني كل ماتبيني له إنج غير
هو بيحس
عصبيتج خفت لما ابتعدتوا شووي
وبإذن واحد أحد تنتهي تدريجيا
ومهما حاوول يقول لج أو يستفزج
لا تخلين في بالج
عامليه على النقيض
حسسيه إنج أبدا ما انتي مثل قبل
إن انتي غييييييييير
صرتي غيييييييير
منتي الأولية
مع مرور الأيام واستمرارج هاللون
هو لازم بيجي يووم
وبيحس
وبيتغير
وبيقدرج أكثـــــر
ويحبج أكثر وأكثر وأكثر
وبيقدر كل تضجيتج وحبج له
وبيحس إن كان قاسي عليج
وإن واااايد جرحج
وهالكلمة بتنشال من قاموس حياااته للأبد

وإنشاءالله تبشرينا بعدها <<<< بالبيبي يااااااااااااااااااااااااااااارب


وانتي بعد نفسيتج بتتغير إنشاءالله
اهتمي فيه
كووني معاه قلبا وقالبا
لا تقووولين ما أقدر
بلا تقدرين
قووووووووية
انتي قوووووووية
تقدرين وتقدرين وتقدرين
وكل هالألم والتعب والجرووح والتحطم
بيروووووح
بيزووول
دووم انتظري الأمل مهما غيابه طااااال
لازم بيجيج يوووم وتتغير الأحوااااال

غاليتي وبعد قلبي
دعواتي لج ودعوات جميع الأخوات والإخوة دوون استثناء
دوووووما نذكرج وندعي لج
و ربي نحبج واااااايد
ولا نزعل منج أبد
فمهما تقوولين تظلين غااااااااالية

راجية من إن ربي يوسعها عليج ويرزقج بالذرية
ويهدي زوجج وييسر أمووورج
ويحفظج وين ما كنتي ووين ما رحتي

متمنية لج كل الخيـــر و السعادة والحب


تحملي بروووووووووحج ياعمري


مع حبي

__________________
"إخوان سنـة وشيعـة هذا الوطن ما نبيعـه ,, خذ هالشعار و ذيعه و تذووب الطائفيـة"
( منصووووووووووووورين والناصـر الله )

يابعد روحي وش أقول وش أعيد بعد كلامك
تدرين ياروحي خليت الجوال بغرفتي ورحت جلست مع أهلي
وأفكر فيك وأقول ياربي تجي
أفكر بكلامك لي تقولينه لي
انتي تبين تسعديني أسأل الله ان يسعدك
تبين تداوين جروحي بكلامك العذب أسأل الله ان يحفظ لك قلبك
استودعتك الله كلك
ياه يأشييخة البنات أحبك
سبحان من عطاك حسن الخلق
بعد عمري شوفي انتي وين وأنا وين وتفكرين فيني وتدعين لي
وقسم بالله اكتب لك وابكي من الفررررررررررحة
دامك الدنيا هدي فيها مثلك وشرواك والله احنا بخير
تدرين وش نفسي فيه حبيبتي ؟
نفسي احضنك وابكي لأنك أسعدتيني
دموووووووع فرحتي بناس يحبوني وأنا ماقدمت لهم شئ
ما احلى الحب في الله
طاهر صادق نظيف
خجلتيني بكرمك وجودك
ووقفت منذهلة لعباراتك
غلبتيني بذوقك
مالقيت شئ بمقامك أقوله
غير الله يحبب خلقه فيك أكثر وأكثر ويسعد قلبك مثل ما أسعدتي قلبي بكلامك
والله كل ماذكر انه في ناس هنا أحبهم ويحبوني اشعر بسعادة الكون
الله يبيض وجهك يوم العرض عليه يأشيخة
ويجعل النجاح والتفوق بطريقك
الله يسترك بستره
سامحيني ع القصور والله مهما أقول لن أوفيك حقك
مقصرة معكم كلكم
وأنتم غلبتوني بزود كرمكم
الله يجمعني فيكم بالجنة
يارب أجمعني بكل احبابي بالجنة يارب
يارب أجمعني بذكريات لا تغيب وروح الطير وبنت الحكمي وذلوعة مودي وشيخة البنات
وكل الاخوات لي بالمنتدى
أحبكم كلكم

__________________

الله يسعدك ياشيخة البنات مثل ما أسعدتي وفرحتي أختنا وحبيبتنا ونور عيننا
صابره المحتسبه والله ياصابره إني حسيت بالفرحه والسعاده في ردودك على أختنا شيخة البنات ويشهد الله إني فرحت من فرحتك وأنبسطت وأنا أشوف ردك عليها ياالله شوفي ياصابره كيف الله ردلك أمك ردا جميلا وصارت جنبك وتنامي في حضنها وإن شاء الله ربنا مثل مارد لك أمك وفرحك برجوعها وإحساسها بك يارب يرجع لك زوجك ويرده لك ردا جميلا مثل أول وأحسن ويحس فيك ويهتم بمشاعرك وأحاسيسك تجاهه بالنسبه للبس والكشخه بدون ماتقولى لي عن شئ بنات الإمارات ماعليهم زود من ناحية الكشخه واللبس والدلع ولاهانو ا الباقين وأنا بقول لك شئ ترى بعض الأزواج بالذات في مجتمعاتنا الوحده لو تسنعت وتكشخت وضبطت حالها ترى فيه أزواج مايعرفوا التعبير اللفظي يعبر لك بس تعبير حركي يحسب إنك تسنعتي بس لهاذيك الرغبه بعضهم مايمدح ومايتغزل بزوجته بس لو حس نفسه وصل لحاجته منها يحسب إنه أرضاها وإنه خلاص ماله داعي يجلس يتغزل ويمدح يعني بعض الأزواج رومنسيته وكلام الحب يبتدي عند المعاشره وينتهي عقبها رغم إنهم طيبين وحنونين وكريمين بس إذا كان الوحده قدرها إنها تاخذ زوج وهاذا طبعه فما معاها إلا تصبر وتحتسب الأجر من عند الله وأحيانا البيئه والأسره إللي عاش فيها مثل هالزوج تكون فيها تحفظ شديد بين الأبوين مثلا كلمة حبيبتي وحبيبي وحياتي وروحي ياعمري مثل هالكلمات في بعض الأسر قدام أولادهم تكون كلمات مشفره وكمان البوس محضور قدام العيال مثلا لو الزوج باس زوجته على جبينها أو على يدها أوالزوجه باست زوجها على راسه او جبهته هاذا محضور وعيب عندهم طيب كيف بتكون حياة طفل نشأ في هاذي البيئه وهاذي الأسره وهوماعمره شاف أبوه قال لأمه كلمه فيها حب ومشاعر أوشاف أبوه دخل وقبلها وضمها وقال لها كيف حالها الحبيبه أم فلان اليوم أشتقت لك ياحبي
وأمه ترد على أبوه وأنا أشتقت لك أكثرياعمري وحياتي بدونك ولاشئ يالغالي .
الطفل إذا تربى في بيئة ملؤها الحب والتفاهم والإحترام بين الأبوين ستجده في حياته مع زوجته يعاملها كما رأى والده يعامل أمه ونصيحتي لك ياصابره إن لوربنا عطاك ورزقك إبن فعلميه على كلمات الحب والحنان والعطف من صغره وحسسيه بذلك الحب والحنان حتى إذا كبر يمنح أسرته من ما تعلمه من حب وحنان في صغره وطفولته ولاتنسين الإنسان على قد ماياخذ يعطي في حياته أنا عن نفسي متعوده في البيت أنادي زوجي أقوله ياحبيبي لدرجة إن حتى بنتي الصغيره نسيت كلمة بابا كل مابغت شئ من أبوها تقلدني تنادي ياحبيبي وكل إخوانها في مثل سنها كانوا يقولوا نفس الكلمه لأبوهم وأنا هنا أقول لك ياأختي الغاليه أعطي ولاتنتظري
أسقي الشجره وأنتظري في يوم من الأيام سترين ثمارها بل ستتذوقينها إن شاء الله وشوفي ترى الرجل عكس المرأه إذا تربى في أسرة جافه من معاني الحب والموده يطلع قاسي مايهتم بمشاعر أحدوالعواطف لاتعني له شئ أبدا ويعتبرها كلام فارغ أما البنت لا إذا نقصها الحب والحنان في أسرتها تجدينها عند كبرها وفي حياتها تبحث ورى العواطف والحب والحنان لأنها أفتقدتها في صغرها فتحاول تعوض ما فقدته مع زوجها وأطفالها وصديقاتها وحتى الأولاد إللي متربين على الجفاف العاطفي إذا ناديتيه وقلت له تعال ياحبيبي تلاقينه تنتفخ أوداجه ويزعل حبيبك ليه وش شايفتني قدامك لأنه خلاص صار يعتبر الكلمه هاذي عيب وماتجوز وتقلل من قيمته لأنه ماتعود يسمعها في أسرته عكس البنت المحرومه المشاعر إذا قلتي لها حبيبتي أحمر وجهها خجلا وأغرورقت عيناها بالدموع لأنها تفتقد تلك الكلمه ولم تسمعها من أسرتها وهي تحس بحاجتها
لمثل تلك الكلمات فأنا هنا أقول لك زوجك لاتلومينه في تصرفاته يمكن إنه ماتعود يسمع كلام حب وحنان في محيط أسرته لذى لايستطيع أن يغير ما نشأ وترعرع عليه من صفات في يوم وليله فأصبري وصابري وربك سيحلها إن شاء الله تعالى أطلت عليك ياحبوبه الله يعينك ويجعل التوفيق حليفك في كل أمورك يارب إن شاء الله .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

هلا بأم سلطان
هلا ببعد روحي وقلبي وحياتي
هلا بالطيبة بنت الجود والاصل والحسب الطيب
والله كلامك اقراه وأعيده أكثر من مرة
أحبك وأحب كلامك لأني لايمكن اقرأ ولا اطلع بفائدة
الله يجعله بميزان حسناتك يالطيبة يأم القلب الكبير
والله يأم سلطان أقول نفس فكرتك إذا ربي رزقني بأولاد بعلمهم ع كلام الحب والعبارات الحلوة من صغرهم
وأهم شئ بركز ع ثقتهم بأنفسهم حتى إذا كبروا مايحتأجون من يقولهم كلام حب ولايكون عندهم تعطش للكلام الحلو
طريقتك كثير حلوة مع أولاذك وكيف ماتكون حلوة وأنتي أم عظيمة
أسال الله ان يحفظهم لك ويديم عليك نعمة السعادة والحكمة
إذا احنا بالمنتدى تعودنا منك الكلام لي يشرح الصدر ودوم تعطين الأمل وتدخلين السعادة لقلوب القراء بكلامك الطيب الرائع
لأنك انسانة روعة
ياحبي لك يإلحبيبة ارتاح لك يابعد عمرررري
أسال الله الجنة
الله يسعدك ياحبيبة قلبي
انتي فوق الخيال بطيبتك وعذب أسلوبك
ومنك اتعلم الطيب ياحبيبتي
أحبك

__________________