السلام عليكم ورحمة الله وبركاااااااته

ادعوا الله العظيم ان تكونوا باتم صحة وعافية
مشكلتي وباختصار ......
انا زوجة ثانية ...ومتزوجة من 8 سنوات عمري 34 سنة وزوجي 44 سنة الحمد لله ملتزم ويخاف الله ونشاء بيننا حب اسميه عظيم ...لا انكر هذا الحب ابدا طيب وحنون لابعد درجة
المشكلة ان زوجي غير مرتب في تنظيم وقته وكل وقته مشغووووول على طووول ممكن يغيب عني يوم يومين وقد تصل الى اسبوع وشهر اما زوجته الاولى فلا عمره ما غاب عنها يوم ممكن في ليلتي يذهب علشان يطمن على الاولاد يشعر بتعب يتصل فيني والله تعبان ومافيني اسوق واجي البيت عندك وراح اعوضك باذن الله انا اوافق بس التعويض الي يقول عليه ما يصير لان يوم ثاني جديد واحداث اخرى تصير ...من بعد صلاة العصر وحتى الى ما بعد العشاء يجلس مع اصحابه ضحك وسواليف احيان يقضيها في مسجده واحيان في البيت عندي وخميس وجمعة الغدا مع امه وما الومه فيها بالعكس احب هالشي بس طبعا الروحة لوحده لان اخوانه معاه .....ز
ما صار لي وقت معاه فكنت كل وقت والثاني ازن ابغا اسافر معاك لاي مكان المهم نكون لبعض بدون ما يشاركنا احد فيك
اقترحت مكة رفض طيب المدينة برضه رفض ...وعدني نروح للشرقية وافق وبعدين رجع رفض لانشغال اخوه
امه طلبته نروح لمكة رفض
وفي يوم وعدني وقال بنسافر على الشرقية .....جلس مع واحد من اصحابه ونصحة بوكرانيا جاني وهو يضحك وقالي خويي يمدح في اوكرانيا خلاص شوفيلنا حجز فيها ...ولان زوجي تاخر في اخذ التاشيرة وكان المفروض انه يدرس ترم صيفي اجلنا الرحلة وبعدها بفترة قرر انه يلغي الترم الصيفي ونسافر ....المهم كانت النوايا على ماليزيا ومالقينا حجز الرجعة اقترحت علي وحدة من زملاتي لتركيابس لاحظت ان الاسعار كانت مرتفعة جدا علشان الموسم اقترحت عليه ناجل السفرة فقالي لا نسافر وايش ورانا اذا الفلوس متوفرة معانا خلاص ووافق تم الحجز وتم حجز الفنادق ولاننا متاخرين جدا في الحجوزات فكانت االاسعار دبل وانا الي تكفلت بيها كلها وكلفتني والله العظيم وبدون مبالغة 30 الف ريال سعودي بس قلت خلاص عشرة ايام اقضيها مع حبيبي بدون اي منغصات ....واول ما حطينا رجولنا على مطار تركيا (اسطنبول )كانت الكارثة زوجي حبيبي طول الوقت ينتقد وطول الوقت معصب ما هو راضي يسمع مني كلمة يعلق على طول حاولت اراضية بس ما عرفت حاولت افهم منه ايش فيه ما عرفت ...بس قلت في نفسي يمكن لانه مرض هناك علشان كدا كان متنكد ....وفي ثالث يوم قام من النوم وقالي ايش رايك نرجع خلاص ما ابغا اجلس مليت انا بكيت من القهر الحين كل هالتكاليف وانت تقولي مليت الحين احنا في مدينة وحدة وكان المفروض ننتقل من مدينة للثانية عجزت معاه المهم حاول يراضيني يوم ورحنا جزيرة حلوة بدا شوي يتغيربعد ما رجعنا لاننا رجعنا في نفس اليوم على اسطنبول وهنا تغير جذري رجع صار ساكت طول الوقت اسئلة ليش ساكت يقولي انتي ساكته وانا اصيح طول الوقت ومدري ايش الي صار لنا هناك وفي النهاية قرر اننا نروح المدينة المنورة ونجلس فيها بس فجاة غير رايه وقال انا بروح من المدينة على الرياض ولو بباص اذا ما لقيت رحلة للرياض وانتي روحي لاهلك قلت له لا ما ابي اروح بروح معاك المهم قالي رروحي انا ابي اجلس بلحالي قلت له كيفف بلحالك انت شكلك ما تبغاني انا مو انت راجع للرياض لبيتك ولمسجدك ولاصحابك سكت وقالي لو ما ابغاك كيف انا مستحملك انا استغربت مستحملني كيف يعني ايش سويت ...المهم كان ساكت طول الوقت ويقولي السفرة هادي اسواء ايام حياتي زفت والله زفت ...طيب ليش زفت قالي كنت احاول اجاملك بس ما قدرت انتي ما تناسبيني ومثل ما قلتي احنا مختلفين كثير وحياتي ماهي عاجبتك انا صرت اصيح طول الوقت
واول ما وصلنا الرياض كان مكتم بالمرة المهم وصلنا بيته اول واستقبل زوجته واولاده بعدين رجعنا لبيتنا وقالي اول ماتدخلي البيت كلميني ابغا اقولك شي من اول كاتمه في صدري
وكلمته وقالي يا بنت انا ماعدت ابغاك ونفسي طابت منك حاولت ارضيك وسفرتك بس كنت سيئة جدا قلتله كيف يعني سئة ايش سويت قالي ما فهمتك ولا عرفت كيف اسعدك وحياتي ماهي عاجبتك ودايما تكرري انت مشغول عني باليوم والاسبوع والشهر يعني ظالمك كيف اصلي بالناس وانا ظالمك حتى السفرة هادي ما كنت ابغاها لولا اصرارك انتي انا قلت ما كنت مصرة انت الي اقترحت نسافر لبره قالي انا ما ابغا سفر لا برة ولا جوة السعودية هادي حياتي وعجزت افهمك وقالي كنت اشوف الحريم ايش يسووا مع ازواجهم وانتي ساكته طول الوقت ...انا قلت لانك كنت معصب وكنت جايبة كل الاغراض الرومنسية معايا علشان تكون شهر عسل جديد بالنسبة لية لانها اول سفرة معاه بس ما اعطيتني وجه اذا قربت منك دفيتني وذا حبيت امسك يدك دفيتها قربت سريري جمبك عصبت مدري ايش فيك اذا جلست جمبك بعدتني وقلت لي روحي هناك كنأننا اغراب
قالي انا حب احبك بس ما عدت ابغاك وسافري لاهلك نفسي طابت منك والله ولا عدت ابغاك وروحي لاهلك افضل وما ابغا اتكلم معاك ولا راح اجيك البيت .....

ادري ان الكلام ركيك بس عساكم فهمتوا الي صار .....انا احبه والله وهوا نفس الشي بس ما ادري كيف احل المشكلة دي ولا عاد عندي طاقة اتحمل اكثر

يا اهل الخبرة ايش اسوي بمشكلتي والله مدري انا غلط ولا ايش بالضبط
ياااااااااااااااااااااااارب رحمتك يااااااااااااااااااااارب

__________________