|
|
05-11-2011, 12:41 AM
05-11-2011, 09:17 AM
|
المشاركة الأصلية كتبت بواسطة الفردوس غايتي
سبحان الله
وكأنك تتكلم عني أخ شاطيء , نفس حياتي مع طليقي ونفس تصرفاتي والله غير ان الزياده اني كنت انشغل عنه متعمده بشغل البيت واهتم للطبخ كثير احاول اهرب منه ومن جلسته وهو كان مثلك تماما طيب جدا ورومانسي لدرجه كل صديقاتي يتمنونه وانا ما احس بأي شي تجاهه بالعكس اتمنى له الخير والسعاده لكن بعيد عني وليس بقربي انا كنت مغصوبه عليه وظلمت نفسي بالصبر عليه طول فتره زواجي عذاب نفسي محد يتحمله والله العظيم يا كم بكيت وبكيت في الليل على سجادتي اتمنى انام واصحى وما الاقيه جنبي يطلقني ولا اموت وماعاد اشوفه شعور صعب اوصفه كنت ابي الطلاق لكن مااقدر اطلب اتطلق لانه مافي سبب واضح هو رجل بشهاده اهل واهله وجميع الاقارب وبشهادتي ايضا .. لكن وش اسوي اذا قلبي مو قادر يتقبله كإنسان في حياتي .. كشريك فرض علي ويجب ان اقوم بكل واجباته بحب ورضا نفس ... يا الله شعور صعب والله العظيم الى ان جاء فرج الله وتطلقت قبل سنتين لكن ما ضاع الا اولادي .. ارتحت نفسيا وتشتت أولادي الحمدلله على ما كتب الله وهو تزوج الحين واسمع اخباره مبسوط ومن ديره لديره ووالله ويشهد علي الله اني فرحانه له لدرجه ما تتخيلونها وساعات لما اتذكر وش كنت اتجاهل مشاعره ابكي واستغفر وادعي الله يسامحني واتصدق عنه يااخوي ترى حنا حريم ونحس بالرجال لكن وش اسوي ما دام القلب عيى يقبله ما هو بيدي بيد اللي خلقني والله لا يكلف نفسا الا وسعها .. ناس قالو عين وناس قالو محسوده اقري على نفسك والعلم عند الله نصيحه لوجه الله لا تتعب ولا تتعبها معاك خذها في جلسه مصارحه وحط النقط على الحروف حرام سنين الشباب تروح بتعب وعذاب نفسي .. قول لها يابنت الناس انا بتزوج عليك تبين تقعدين مع عيالك بالمعروف اهلا وسهلا ما تبين فارقها بإحسان .. أو جرب خذها عند شيوخ يرقونها احتمال يكون احد حاسدها عليك أو حاسدك عليها عشان كذا مو قادر تتهنى معها ولا تتهنى معك الله ييسر أمرك ويفرج همك اعذرني على الإطاله لكن قصتك قلبت مواجعي والله وكتبتها وانا بدموعي على نصيبي لكن لا يعلم الانسان اين العوض في حياته هذا رايي وان شالله محد ينتقد رايي لانه من تجربه |
05-11-2011, 07:35 PM
|
المشاركة الأصلية كتبت بواسطة بحر بلا شاطيء
اختي الله يكون في عونك ويعوضك
بغيت اسال هل يوم كان يسالك تحبيني تجاوبين والله احبك ومن هذا الكلام جزاك الله خير |
06-11-2011, 04:18 AM
|
المشاركة الأصلية كتبت بواسطة الفردوس غايتي
كثير كان يسألني وجوابي طبعا احبك
لكن تصرفاتي لا تدل على محبة أبدا بالعكس كلها تد على هروب منه وعدمم مشاركته بالحديث ولا مسامرته بأي حال .. مدري يمكن كان عندي أمل اني بتغير أو بتصير معجزة تخليني أحبه , لكن هذا كله مما صار الحممدلله على كل حال |
05-11-2011, 08:37 AM
|
أبي أتزوج عليهآ أو بطلقهآ حرآم عليك خاف ربك والله حرآم فيه أكثر من حل لاتظلم البنت ولاتظلم أطفآلك .. تبي تتزوج مره ثآنيه وتتهنى بحيآتك بس ( لاتكون أنآني ) |
|
أعتقد سته شهور وسنه كآفيه للأختبار حب الطرف الثآني بالمشآعر مآفيه صبر أذآ ماظهرت مشآعر الطرف الآخر والأهتمام فيك بالسنه الأولى من الزوآج مـاأعتقد رآح تظهر الأكيد بأن زوجتك مـاتحبـك ومومتقبلتك ومرت علي حآلآت من صديقآتي نفس حآلة زوجتك |
|
فيه حلول كثيره أتركهآ عند أهلهآ شهر شهرين شوف أذا بتفقدك أو لا .. طلقهآ طلقه وحده وبآخر يوم بالعده رجعهآ وصدقني رآح تتغير وبترجع لك وكلهآ حب ولهفه ومشآعر لان بتكون حلولك هذه نقطة تحول بحيآتهآ وحيآتكم ورآح تصحيهآ إن شآءالله |
|
أنا متأكده أذا تزوجت من أخرى زوجتك رآح تصحى وتتغير .. ويمكن بعدهآ أنت ترجع لهآ لجل أطفآلك وحبك لهآ.. وتطلق الزوجه الثآنيه وهنآ يكون ظلمت بنت أخرى |
|
أعتذر على قسسآوتي بس والله أكره الرجل اللي يعرف بأن زوجته مـاتحبه ويستمر معهآ لأنه فيه ظلم لنفسه و لزوجته .. والرجل اللي يخآف الله مستحيل يظلم زوجته ونفسه ويآعمري زوجتك أعرف كثير نفس نوعيتهآ تدفن نفسهآ مع رجل ماتحبه وتجيب أولآد .. ولايهمهآ نفسهآ لأن نفسهآ لهآ حق عليهآ |
| عسى ربي يسعدك ويسعدهآ يآرب ويحفظكم لبعض |
05-11-2011, 10:24 AM
|
المشاركة الأصلية كتبت بواسطة بحر بلا شاطيء
اختي انا ماقلت بطلق ولاقلت خلاص بتزوج
قلت بعطي اخر فرصه لبعض بعدها خلاص بيكون واضح وضوح الشمس انها تكرهني بعدها بحاول افهم منها اذا تبي الطلاق بس ما تقدر تقولها لسبب انها تكره لقب مطلقه او انها ما تبغى تبعد عن اطفالها ويمكن انها دايم تبكي عند اهلها تبي الطلاق بس هيم يضغطون عليها انها ماتجيب طاري الطلاق عموما هذي راح تكشفها الايام واعرف صدق مشاعرها واذا كانت كارهتني بس مجبورة تعيش معي راح احاول اشوف طريقه افهمها أخوي أعتقد واللـه أعلم بأن زوجتك كآرهتك وكآره بنفس الوقت لقب مطلقه أنت أعطهآ فرصه 6 شهور .. وإن شآءالله تبآن الحقيقه ادعي لي انها تعترف بالحقيقه وتذكر اسبابها اذا كانت مو متقبلتني يآرب بهاليوم المبآرك .. أن ربي ينزل على قلبهآ حبك وتعترف بحبهآ لك وتتغير وتكون نعم الزوجه لك يآرب وعسى ربي يبعد الفرآق عنكم .. ليش اطلقها طلقه وارجعها بعد اذا تاكدت من كرهها او عدم تقبلها لي خلاص كل يروح في حاله ويعيش حياته بالشكل اللي يشوفه مناسب له الحل هذآ أتوقع أنهآ بيبين حبهآ لك .. أذا حست أنهآ بتفقدك رآح يبآن الحب وتتغير لأن أنت مدلعهآ ومومقصر معهآ فهي تكبرت عليك وأعتمدت بأنك مآرآح تتخلى عنهآ فـ الطلاق حل أذآ شآفت أنك بتتخلى عنهآ ..لأن يمكن تحبك ولأنك تحبهآ مو خآيفه من الفرآق يعني تقول لو مااسوي له شي ماراح يتخلى عني .. لأنه يحبني وش اللي جابرها انها تتعدل بعد زواجي وليه تنتظر مني اتزوج عشان تتغير بقلك شيكيف تتهميني اذا تزوجت راح اظلم بنت اخرى وانا صابر على زوجتي خمس سنوات واكثر اللي جبرهآ بتحس أنه بتشآركهآ وحده ثانيه فيك وبتفيق من غفلتهآ وبتحس بقيمتك .. وبينقص شي بحيآتهآ لا إن شآءالله ماراح تظلم بنت أخرى .. أنا قلت هـ الكلام لإنك أنت من البدآيه عآرف بأنهآ بدون مشاعر وماتهتم لك فـ أنت ظلمت نفسك وظلمت البنت معك والأطفآل الحين فكنت أتمنى بأنك السنه الاولى قررت قرآر شجآع و طلقت لأن الوحده أذا ماأهتمت بزوجهآ بأول سنه أو مافيه بوآدر أهتمآم مآرآح تتغير أبدآ .. الشي على الركزه الأولى هذا اللي ان شاء الله بوصله واتاكد اذا هي دافنه عمرها معي خلاص بحررها واخلصها مني وانا الله بينسيني حبها وامري لله هذآ اللي أنا أحسه بأنهآ دآفنه نفسها .. لأن كثير بنآت عآيشآت كذآ ومرت علي تجآرب صديقاتي بس إن شآءالله ربي يغيرهآ وتكونوآ أحلى أثنين يآرب وياك اختي جزاك الله خير |
05-11-2011, 08:56 AM
|
ماأعتقد من صآلحكم انه تشوف الموضوع يمكن تكون ردة فعلهآ سلبيه أذآ شآفته بتقول رآح يشتكي بالمنتديآت ليه ماكلمني أنا حتى لو أنت مكلمهآ ... بس الأفضل إنك تحآول معهآ بالبدآيه بحلول الأعضآء وأخوي البليغ مآرآح يقصر بحلول إن شآءالله معك |
05-11-2011, 10:37 AM
|
المشاركة الأصلية كتبت بواسطة بحر بلا شاطيء
اختي ندمانه
اشكرك على اهتمامك بالموضوع لاشكر على وآجب وآجبنآ بهالمنتدى ننصح ونفيد ونستفيد وعسى ربي يكتب لنا ولكم الآجر اختي انا داخل باسم مستعار يعني مافي احد منكم يعرف من انا ولا من زوجتي كل مافي الامر طرحت موضوعي لعل وعسى ان تتغير حياتي او تعترف زوجتي ببغضها وكرهها لي لنتحاور كيف نرتب الامور باقل الخسائر جزاك الله خير |
05-11-2011, 09:03 AM
| عدم وجود الحب ليس سبب كافي للطلاق فكثير من البيوت معمره بالصبر والوفاء فحب الزوج لزوجته امر مكتسب وليس فطري قد يكون اول الزواج خالي من الحب وياتي الحب متاخرا !!! ليس بمعجزه بل بشيء تغير في نفس الزوج والزوجه |
| لذلك وحتى يكون اخونا على واقع واضح تصرفات زوجته ابدا لا تنبيء عن حب ... والسكوت على الوضع اصابه بالقلق وعرض المشكله في المنتدى فمعرفته بالحقيقه تجعله ان شاء يتغافل عن تصرفات زوجته عن معرفه وحكمه وبارادته وليس عن غفله وتكتم ومغالطات |
05-11-2011, 09:08 AM
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض المتطور