اعانك الله على مصيبتك
صراحة مش عارفة شو اقول من بعد مشفت التطورات خاصة حماتك يعني استفزتني جدا جدا جدا لو عندها قلب و احساس وضمير كانت هية بنفسها طلبت ابنها يرجع و ضربته بالي في رجلها الله يكرمك
عالم عجيب وغريب لكن كل واحد استهان بكرامة واعراض بنات الناس بكرة الله بخلي الدنيا تدور وصدقيني غير الله يزكرها بموقفها معك وحيكون جزائها موقف مشابه مع احد بناتها لتدوق الذل الي هية واولادها ذوقوه لك
الصراحة قلبي احترق عليكي عنجد قاعدين بقلبو الموضوع كانك غلطانة وبدك تفرقي بين الاخوة
سامحيني مش جاية اقلبك عليهم او اشعل النار في قلبك
بس انا فعلا ماقدرت اكتم من قهري عليكي ... حسبي الله عالم عجيب
شوفي اختي سلفك متهور ومتسرع وبس حكا الي حكاه لانو اخو الزوج بيغار على عرض اخوه وعلى عرض زوجة اخوه كمان وبعتبرها من منزلة اخواته شرفها من شرفه
ولاشك لما شاف الرجال انو الغيرة و الخوف اشتعلو بقلبه هوة ايضا لهيك راح يجري لاخوكي ماخطر عباله انو غلطان في الشقة
الي عملو كبير لكن ماكان قصده
وردة فعله في الاعتذار كانت بسبب احساسه الكبير بالذنب و لانه اكيد قرفان كتير من حاله
ونفسيته متخبطة من الداخل ومخزي من حاله كتير
مااعتقد لهدرجة قليل اخلاق
الموضوع كتير كبير ومابنتسا بس مع الايام الحياة بتمشي
وطلبك انو مايدخل بيتكو انا بشوف انو مش عملي يعني مابفيدك بشي ابدا
الي صار صار وانتي شو معملو الك ماحيرجع الزمن لورة و يمنع الموقف الي صار
هادا مابعني انو تتنازلي عن كرامتك
لكن ماباخدلك حقك غير رب العالمين
ولو زوجك دبح اخوه ضرب صدقيني ماعمرك بتحسي اخدتي حقك
هيك امر صار وصعب عليكي كتير تحسي انك اخدتي حقك فيه
اتبعي كلام ابوكي احسن شي و من ناحية سلفك خليهم يتزاورو لما يموتو ويشبهو وانتي ماتحكي معاه ولا تختلطي فيه
لانه اصلا من قبل الحكاية هيك كانت العلاقة بينكو
فمتيسر الك بعدك عنه كمان هلأ اكتر
وكلي امرك لله و تحسبني ليل نهار انو يبرد نارك وينسيكي الي صار
وحماتك غير ربنا يقهرها زي مقهرتك
صحيح انو بتخاف على اولادها وعلاقتهم ببعض
وماتسمح لوحدة من الكناين تفرق بينهم
لكن لما تكون قصة زي هيك
مفروض تبهدل الدنيا على ابنها المحترم وماتسكت و تقيم الدنيا ولا تقعدها
وبالاخر لما تعمل معك واجب وتاخد حقك وتربي ابنها
ممكن تيجي تقلك ماتفرقي بين اخواتي
وتحكي معك برجاء مش يابنت فلان
الله ياخد حقك منها

الله يهدي الجميع اختي ويهدي بالك حزينة ومتعاطفة جدا معك
بالنسبة للمسج اخبري زوجك طبعا ولاتخبي عليه شيء مهما صغر خاااااااااااصة بما يخص هالقصة
مابتعرفي بكرة تنمسك عليكي ممسك من سلفك او يستغلها او او او
ونواياه الله اعلم بيها ماحد بعرفها غير رب العباد
هوة متزوج وكم عمره ومين اكبر انتي ولا هوة وهوة ولا زوجك؟؟ هوة لسة شاب ولا رجال كبير
الله يهدي سرك وبالك

__________________

واضح انه ابوك متعقل ماشاءالله وحكيم
وريه الرسالة اول وهوة حيتصرف بحكمة
سلفك مخزي من حاله وهوة مش محترم
وانسان جبان وماعنده كرم اخلاق ولا شرف
لو عنده اخلاق كان باس الرجلين بحتى تسامحيه كان حقد على نفسه بالي عمله فيكي
هوة مقهور وحاسس بالذنب لكن مخزي وجبان ومتكبر مش هاين عليه يعتذر
واحيي اهلك على تانيهم وصبرهم لو ناس دمهم حامي شوي كان ورو زوجك واخوه نجوم الظهر

__________________

الاخ الي بقول ارستقراطي كان يقصد السادية لانو هية السادية هي التلذذ بتعذيب الاخرين
الله يهدي بعض الاخوة الي بيكذب اصحاب المواضيع و بيحكي كلام مالوش داعي

__________________

يا اخواني القصة مش ناقصة شي بس الموضوع اني انا ما بدي اصلح غلطة بمقابل غلطة تانية يعني برأيكم ازا خبرت زوجي عن المسج انا برتاح وبكون تخلصت منو بس بالمقابل الله اعلم شو يعمل مع اخوه يمكن توصل لدرجة يتضاربوا مابضمن شو بصير
والي بيحكيلي خلي مشكلتك هس مع زوجك وبس معك حق تماماً بس انا بدي اضمن اني ارتاح من سلفي مابدي ياخد وش علي ويزيدها
وبخصوص كلامكم انو سلفي قاصد يتشمت انا متأكدة انو نيته مش طيبة ابداً الله يستر من افعاله
بكل الاحوال انا خبرت والدي عن الموضوع عصب كتيييير وحكالي اتركي الموضوع الي ولعله خير

اي موضوع اختي كلمتي فيه والدك .. موضوع المســـــــــج ..؟؟

وبعدين بحب اقولك نقطه

موضوع المسج .. اذا ما درى زوجك فيه

راح تنقلب القصة ضدك .. واخاف تثير الشك لو مضى الموضوع

اوتسكر وما حكيتي عنه ..

لانه راح زوجك يسأل لو شافها مثلا بالصدفه ويقولك

ليش ما خبرتيني عنها ..؟؟

وقتها شو جوابك ... ؟!

لحتى ما توقعي بمتاهات انهي الموضوع ومالك بالعواقب

دامك بريئه ...

الي بيتصرف برعانه مثل سلفك بدون تدبر ويتهم .. خليه يتحمل

حتى يعرف انه الله حق والشرف مش لعبة

__________________
**..اللهم صلي على سيدنا محمد..**
** اللهم ما أصبح بي ( وفي المساء : ما امسى بي ) من نعمة أو بأحد من خلقك فمنكــ وحدك لاشريكــ لكــ فلكــ الحمد ولكـ الشكر..(( من قالها صباحا ومساءً فقد ادى شكر يومه )).

أختي العزيزة دعي الموضوع لوالدك الآن
لكن نصيحتي إذا لم تحبي أن تري زوجك الرسالة
لا تمسحيها ,,احتفظي بها
حتى تتأكدي من نية سلفك و ندمه من اللي صار

__________________

طبعا حافظتها عندي
مستحيل امسحها
اشكرك اختي

نفس كلام الوالد حكالي يمكن تنقلب ضدك القصة
فلازم نبلغه بالمسج بس بيحاول يفكر والدي بطريقة بدون ما تصير مشاكل بينهم
اشكرك سندريلا

اسمعي كلام والدك ولا تربطي ايديه
ضروري جدا زوجك يعرف بالمسج ... اخفاء الموضوع عنه راح يعطي ضوء أخضر لسلفك لخراب بيتك ... شو اللي يضمن لك بأنه مش هدفه تخريب سمعتك عند زوجك ؟؟؟
شو يضمن لك سلامة نيته 100 % ؟؟؟
لو في عندك شك 20 بالمية بسلامة نية سلفك فهذا كافي حتى تتخذي إجراء يحميكي ..

وخوفك من أنه زوجك يعمل مشكلة كبيرة مع أخوه مش بمحله ... واضح من تصرف زوجك مع اخوه بمشكلتكم بأنه متساهل معاه وما راح يضربه أو يقتله .. لا تخافي عليه .. لو بدو يقتله كان قتله بوقتها

لكن مش معقول ومش من حقك أنك تخبي المسج عن زوجك ... من حقه يكون بالصورة .

أبوكي واخوانك رجال ويفهموا الرجال متلهم وعارفين زوجك وسلفك أكثر مننا وأكثر منك لأنه عاطفتك مسيطرة على عقلك وما أظن انه أبوكي يهون عليه طلاقك .. أنا متأكدة بأنه حريص على حياتك الزوجية أكتر منك خاصة من بعد تجربة أختك

لااااااااا تأثري على قرار والدك بترددك وخوفك هذا ... تندمي

__________________

طبعا حبيبتي ودايما خليكي متنبهه
ونصيحتي
اتبعي كلام اهلك وخبريهم كل شيء بيصير معك بخصوص الموضوع
وخلي الموضوع عند الوالد الله يحفظه ..
وان شاء الله بتلاقي الي يسرك ..
العفو حبيبتي ..
الله يفرج همك

__________________
**..اللهم صلي على سيدنا محمد..**
** اللهم ما أصبح بي ( وفي المساء : ما امسى بي ) من نعمة أو بأحد من خلقك فمنكــ وحدك لاشريكــ لكــ فلكــ الحمد ولكـ الشكر..(( من قالها صباحا ومساءً فقد ادى شكر يومه )).