عزيزتي الغاليه
بما انه سبق لي هني بمداخلتين او اكثر ..

الا اني بقولج
اتصلي على امج واطلبي منها تساعدج وماتتخلى عنج
قوليلها يما محتاجتلج واايد مابا ادمر مستقبلي اباج تفكيني من هالزوج اللي دمرني ويدمرني كل يووم
قوليلها يما يغلطون عليج ومااقدر اسكت واتحمل اخاف ارتكب بهم جريمه


..
حاولي تكلمين امج باي طريقه المهم تتخلصين من هالانسان اللي ماعنده عزة نفس
متمسك بوحده بايعتنه وماتشتهيه

والله يكون بعونج ابوج موقفه سلبي الغاليه كلميه وقولليله طلقني منه بكمل دراستي
وارحمونا من قرارتكم اللي تخالف وضعنا ومجتمعنا وعصرنا

عطني ملحق في بيتك ولا تخليني اعيش مع هالمخلوق

خلني اكمل دراستي وباجر اتوظف واردلك كل فلس صرفته عليا بس لاتوقف بويهي
خليني افتخر فيك كأبو وعزوه وسند
موب عدو بيتخلص مني
كل جيل وله وقته واسلوبه بالحياه
ماقلنا بنتمرد على دينا قلنا بنكمل وبنمسك الوظيفه وتالي الزوج
قولي لابوج
شو بيصير عليك لو خليتني اكمل دراستي واتخصص في الطب
باجر بيتزوجني دكتووور او انسان يحترم ويقدر العلم

الرسول صلى الله عليه وسلم قال اطلبو العلم ولو في الصين ...
فمابالكم نحن البشر نكابر على العلم ونعيش بجهل وتخلف وتمرد ..

قولي لابوج اذا ماتباني وموب متحملني تنازل عني لامي
وقع التنازل وارحمني خلني اجوف مستقبلي حالي حال الناااس ..
موب كفايه ربط مصيري بمصير هالناس الجاهلة



الغاليه اكسبي ابووج بصفج
وفهمي الدنيا تغيرت والناس موب شرات الاول من ياها البنت واحد قالت ان شاءالله وملزوم عليها تخدمه وتعيش خدامه له ولاهله
البنت مربيه اجيال

اي جيل راح تنشانيه بالمستقبل مع اسره مثل اهل زوجج

الله يكون بعونج والقلب داعيلج

مرحبا جيفار,,,
انا لما قريت موضوع هاجر انها عائيشه مع ام اب تحكمهم العادات والتقاليد بشكل كبير فاذا بالفعل توقعي بمحله صعب يمشي معهم هالنقاش لان بالاساس النوعيه الاكذا اولا مايعطوك فرصه لنقاش معهم لان النقاش معهم معناته ان اراهم غلط وهذي مشكله كبيره وبالنسبه لهم الاتحكمه عاداته وتقاليده صدقيني ينظر للمراءه بمنظور ان الله خالقها لخدمته ولشباع رغبته و الاهتمام بطفاله ووووبس مالها حقوق مالها رغبات غير السمع والطاعه يعني بالعربي المراه لها ثلاث اماكن بنظرهم 1 بيت ابوها 2 بيت زوجها 3 قبرها هي جمله علقت عليها ف البدايه وارجع اقولها
قهر ان شخص سفيه جاهل يتحكم يتحكم بمصير شخص
متعلم واعي قمة القهر و الإهانة ---*

تحياتي لك واتمني تفرحني بخبر مفرح عن قررررريب
تقبلي مروري اخوك \ نظره خاصه

بالفعل استغرب من هالعقليات ..
الاهل على عينا وراسنا .. وماننكر انهم يخافون على مصلحتها ..
وبعد هي موقفها بوصف والدها كان غير مقبووول
بس هذا نتيجه الكبت كثره الكبت يولد الانفجار.. زوجها لولد عمها .. وزوجه عمها كارها امها والدليل نعتتها بالهالفظ الغير محبوب..



اللي مستغربه .. اذا البنت رفضت الولد .... اذا هاجر رفضت ولد عمها ؟؟ هل معناته هالشي انه هو موب رجال .. او فيه نقص يحطم رجولته؟؟؟؟


مشكله ولد عمها كان يعرف برفضها وفوق هذا قال غصبن عنج باخذج . بس عشاان رفضته .وماحاول يغير نظرته وصورته جدامها لا .. خذ اللي يباااه وحطم ححلمها ..

هاجر واي بنت مثل هاجر في اي مكان بالعالم ... وباي ضرووف

جوهرة ثمينه حرام الواحد يفرط فيها ..
البنت صارت عنيده لانه الكل وقف بويه حلمها ومستقبلها وانا لو كنت مكانها بسوي اخس من اللي تسويه لمجرد اني اثبت للعالم كلها
من حقي اقرر مصيري
من حقي اختار الوقت المناسب لي بالزواج والشخص المناسب

لو هي كسوله وموب مهتمه لمستقبلها وراضيه ساعتها بقولها مالج الا بيت زوجج
لكن البنت كانت بتستوي عضوة فعاله ونفسيتها مرتاحه ..
بس لاسف بوضعها اعزي وارثي حالها ..


لانه لقت الصد من اقرب الناس لها
والدها مقر امانها واستقرارها سندها وعضيدها ..
هاجر قاعده تقاوم بالعناد وبالغلط .

ومحد يلومها .. هاجر ضحت بمستقبلها مع شخص جاهل
شخص قطع بحوثها بلحظه زعل ودفن حلمها .. واختار تخصصها ... وماتركها تختار..


المفروض ابوها يرفع راااسه ويفتخر باجر اذا مات بعد عمر طويل على الاقل ترك بنت تدعي له بدل لاتدعي عليه يوم القيامه واطلب بحقها ..

البنت مالها الا بيت زوجها ايام اول

ايام مافي مستشفيات ولا في حلم لاي بنت ..
ايام البنت اذا كملت 18 وماتزوجت صاحوا بويها عانس
الحين تغير والناس تغيرت وهاجر
جوهره ..

حبها للعلم وشغفها بيخليها فخر لكل ابو عنده بنت مثل هاجر



وهاجر افقدت ثقتها بالناس لانه افقدت ابوها بالقوف ضدها وكانه يحاول يتخلص منها لانه مجرد ذكريات من امها
مايبا يجوف امها فيها قال ازوجها يمكن كاره امها ..
وخلكم واقعييني
ولكل قلم اساء لهاجر اقوله لاتكتب قبل ماتعيش مكان الشخص
لاتتكلم من فراغ
والسموحه

تسلم يمينك علي كل حرف كتبتيه اهنيك بصراحه علي اسلوبك وبالفعل عزيزتي قمة قهر ان شخص سفيه جاهل يتحكم بمصير شخص
متعلم واعي قمة القهر و الإهانة تلخيص كل معناتة هاجر والا مثل هاجر صراحه ودي اضيف اشياء كثيره بس جيفارا اقولك كفيت وفيت عني وعن اي شخص حاب يضيف اي شي لان بعد ردك اظن كل الردود ستقف
تحياتي لك وشاكر مره ثانيه مرورك وتعقيبك علي ردي
اما هاجر فقولك لاتستسلمي لاتقولي انا كبرت خلاص بالعكس انتي الحين بديتي وهذا اول طريق التصحيح و لاتخلي شي بخاطرك وحنا بنكون هنا داعم لك وبتلاقينا اخوان وخوات لك باذن الله

تقبلي مروري بصفحتك
اخوك\ نظره خاصه

جيفارا ---

أنا ما احب أتكلم بامي و لا حتي أتذكرها
أنا قدام عمتي بس اذا سبتها اتمدح فيها عشان اغيظها
ولا بيني و بين نفسي أمي ما تهمني

لانها اخس من ابوي ،، اخر مرة شفتها فيها يوم كنت صف سادس ابتدائي
رحت لها بيتها كانت متزوجة و مخلفة و عيالها كبار
قالت لي حبيبتي روحي لبابا و اسمعي كلامه و أنا بسافر ما راح اجلس هنا
و عطتني فلوس و رجعت لبيتنا وانا مصدقتها و سنة و سنتين و ثلاث و عرفت انها
و أنا مصدقة انها بتسافر و عرفت بعدين انها كذابه بس بتصرفني ---
في تخرج الثانوي ارسلوا لها بطاقة دعوة من سمو الأميرة فما جت
و لما انغصبت على الزواج بعد ما جت و لا شفتها

برايك وحده مثلها بتساعدني !!
حتي لو هي بنفسها تطلبني ما راح اروح لها و لا تشوفني
اكرها اكثر من كرهي لأبوي ---
اروح أشحد منها و اذل نفسي لها و لزوجها --


نظرة خاصة --
هلا فيك و مشكور انك فهمت الموضوع
و أنا مثل ما قلت عندي امل صح مو كبير بس برضو موجود

اهلي و زوجي ما لهم حق عندي
زوجي اذا له حق ياخذه من ابوي لان العقد بينهم أنا ما اتفقت معه على شي
بالعكس رفضته وهو عارف و لا بينا اي معني من معاني الزوجية نهائيا

فتصرفاتي ما تخصه لأني ما قبلت فيه عشان احفظ له حق او اسويله حساب
و لا وافقت اصلا عليه هو بكبره --
لو كنت مقتنعه فيه و قابله فيه وقتها يكون له حق و اكون ظالمته
لكن هذا ما صار --

و اللي عرفتهم كلهم يسون مليون واحد مثل زوجي
على الاقل ما غصبوا شي و لا أخذوا التواصل بالقوة

و شلون بتساعدني ؟؟

لاحوله ولاقوة لاا بالله الله يعينج والله
ماالومج والله امج جافت مستقبلها وطريجها بعدي عنج
وابوج زوجج شخص ماتبينه
ابصراحه لازم تقدمين تنازلات لان لو تميتي واقفه ومحاربه العالم كلهماراح توصلين لهدفج

ارجعي لله وحاولي اجوفين طريقه تفهمين زوجج انك ماتقدرين تكملين معاه العناد يولد العناد ارخي الحبل الغاليه شوي
وحاولي تفهمينه خلاص كفايه اللي راح من حياتكم

وبعدين موضوع انج تكرهين امج وتكرهين ابوج فكري فيها بناحيه ايجابيه شوي ..
بخصوص ماتبين تتصلين فيها وتشتكيلها وتكابرين على شو كل هذا
وين تبين توصلين ؟؟؟
كرهج لامج وابوج والعالم اللي محيط فيج ..
بيخليج محبوسه فيه اكثر واكثر
خذيهم بالسياسه سايسي زوجج وفهميه انه ماتقدرين تستمرين معاه
واتصلي بامج وفهميها انج محتاجتلج لانه باسلوبج هذا تذكرين اللي راح عمرج ماارح تخطين خطوة جدام ويتذكرين كلامي
عمرج مابتخطين اي خطوة لجدام لانج محاربه الكل
وامج تزوجت خلاص افرحيلها شوي .. هي ماتخلت عنج هي مجبورة تعيش وتفتحلها بيت وتييب عيال
موب معناته ماتباااج
مستحيل ام مايكون قلبها عند بنتها
انتي بكرهجهذا مستحيل تخطين خطوه جدام
لايمكن اصلن
ولو خطيتي ماراح تيبين عيال يحبونج لانه الدنيا دواره
وفكري فيها لمصلحتج اكسبي امج واتصلي فيها واطلبي تساعدج وبعدين قرري ردها لاتقعدين
والله هي ماجت حفلة زواجي
هي ماجت حفله تخرجي وغيره
لين متى بتمين عايشه بالماضي
بدل لااطالعين جدامج وتحاولين تحبين اهلج عشان تكسبينهم؟؟

اكتفي بهالقدر ...

والله المستعان

شكرًا لك ~

اوراق ملونة --

أخواني ما لهم كلمة علي و ابوي ما كان رافض تعليمي
الا عشان ولد عمتي ~
و تخصصي مو ترجمة تخصصي أدب انجليزي و الترجمة كورس إضافي
و ما فيه شغل من النت و لو فيه طايح و ما له هدف
الشهادة ممكن تشوفي ان مالها اهمية
لكن قيمتها عندي كبيرة جدا و كنت مسخره حياتي لها

معقولة اضيع ديني واهلي وحياتي عشان طموحي
اهذا هو العقل؟؟ انحن محاسبون امام الله على تحقيق طموحاتنا؟؟
ام محاسبون على عصياننا لربنا وتدمير حياتنا في كل الجوانب ارضاءً لغرورنا
كل حرف تكتبيه يستثير شفقتي عليك

لااستطيع الا ان دعي لك ان ينير الله بصيرتك ويريك الحق حقاً ويرزقك اتباعه ويريك الباطل باطلاً ويرزقك اجتنابه