متفائل ماعندك فضول تعرف وش سبب طلبها للطلاق والله الطلاق مو شي هين اكيد في احد او سوء تفاهم

السلام عليكم ورحمة الله تعالى وبركاته

شاكر لكم كل مشاعركم الطيبة وحاس بنبل اخلاقكم وطيبتكم عسى ربي يملي قلوبكم بالسعادة والرضا.

كل مايمر يوم بحياتي من غير ما اشوف اي محاولة منها للصلح او من اهلها للإعتذار يجتاحني شعور بالسعادة!! لأن هالايام تأكدلي ان تصرفي كان صحيح 100% ، وكأنهم مسترخصيني ومو متحسفين علي!! او كأنهم اخذتهم العزة بالأثم!! وهالشي بعد
يساعدني حيل في خروجي من دوامة التفكير اللي مو راضية تفك عني بسببهم!!

ماحب اظلم احد او أأذي احد حتى لو كان حيوان اجلكم الله ، بس تصرفاتهم تدل بأني أنصفتهم بقراري حيل.

انا مو متألم أبداً ولاني متحسف ولاني بنادم ، بالعكس انا مرتااااااح الحين حييل!! احس بعد الموقف اللي صار اني مشتاق حيل لأيام العزوبية!! او بالأصح مشتاق ارد لأيام العزوبية ولو لبعض الوقت!! أبيلي إستراحة كبيرة اعيد فيها نشاطي وحيويتي بعيد عن المؤرقات.

اللي يقول ماودك تعرف الأسباب!! اقولة والله ماهمتني دام أني انتصرت لكرامتي وكبريائي!!
ودام اللبن انسكب!! ماينفع البكاء علية!! والحمدلله حمداً كثيراً على ما اعطى وعلى ما اخذ.

اما اللي يقول ابعث احد من اهلك وتكون قريبة منها عشان تعرف الاسباب ف انا مو راعي هالطرق الضعيفة!!
دامهم ماتعنولي ما اتعنالهم ، ودامهم اهدروا كرامتي احفظ ماي وجهي ولا اقربلهم او ماعطيهم اكبر من حجمهم!!

والله ماني راكب راسي ولو قربولي متر اقربلهم 10 امتار ، بس ماقدر يا اخوان اسوي اي شي إلا لما تنرد كرامتي وهم يجوني!!

وصدق اخوي وعزيزي مشكلتي زوجتي في نهاية مداخلتة لما قال
إن انت اكرمت الكريم ملكته .. وإن أنت اكرمت اللئيم تمردا.

متفائلة
شاكرلك مساعيكِ الطيبة لكن والله العظيم تأبى كرامتي ادزلهم احد.

فجر الأعياد
شكراً لتعاطفك ومؤَازرتك الدائمة.

__________________
استغفر الله واتوب إليه

متفائل الي يشتريك بفلس اشتريه بكل ما تملك .. والي يبيعك بيعو ببلاش

صدقتي ياهبة الرحمن
عسى ربي يرزقج الجنة يارب
شاكرلك والله العظيم.

__________________
استغفر الله واتوب إليه

حبيت اضيف
الي يبيعك بيعو ببلاش ولن تندم
مشكور اخوي على الدعوة الطيبة

صدقتي
العفو اختي هبة وجزاج الله خير

__________________
استغفر الله واتوب إليه

لعل الطلاق خير لكم انتو الإثنين...

و يا ليتك تخفف من سياستك القمعيه يا اخوي... فمثل ما انت لك كرامه.. زوجتك بعد لها كرامه... شفت كيف ما هانت عليك نفسك و كرامتك... عندي احساس انها كانت تحس نفس الإحساس في آخر موقف مع الوالده...

لا تكرر اخطاء الزواج السابق في زواجك التالي...

أسأل الله ان يرزقك الزوجه الصالحه.. و أن يرزقها الزوج الصالح...

اللهم امين

انا مع الاخت لكل شئ حد ( عامل الناس مثلما تحب ان يعاملوك )
عموما الله يعوضك ويعوضها خير

الله يكتبلك الخير كيفما ما كان واين ما كنت


كله خير لا تلتفت للماضي

اعلم انك في وضع لا تحسد عليه فتره صعبه جدااااا



ولكن انت الرجل يعني تقدر تتخطى الوضع بسهوله اسرع مني

شكراً للجميع.

__________________
استغفر الله واتوب إليه