السلام عليكم .. البارح صار على السحور خصام بين اخوي اللي قاعد عندي وزوجي ..زعل زوجي وطلع من البيت وقال ماراح يرجع الا اذا طلع اخوي من البيت .. فزعلت انا قلت الظاهر مالي حشيمة او خاطر عندك .. خلاص ودني بيت اهلي .. طبعا بيت اهلي في مدينة تبعد عنا الف كيلو .. قال ابشري بوديك بس ترى مافي رجعة .. قلت زي ماتحب .. قبل الفطور رسلت له وقلت والله ماراح افطر اذا ماجيت .. قال ما راح اجي واخوك في البيت .. قلت يعني اطرده .. قال بكيفك .. قمت قلت لاخوي يجمع اغراضه ويروح يستأجر لاني بروح لاهلي وما راح ارجع .. وقلت زوجي خلاص طردته بعد العشاء تعال وديني لاهلي .. قال ابشري بس خليها بكرة لاني مانمت زين بس ترا مافي رجعة وخلي اخوانك ينفعونك والله ما راح احد يستقبلك عنده يومين .. قلت له ليه انت تظن ان باقي احد بيستقبلني بعد ماطردت اخوي .. الحين وش رايكم باللي صار؟
موعدنا بكرة بعد المغرب يجي زوجي ويوديني لاهلي..

للمعلومية انا من تزوجت من تسعة شهور .. وما حملت .. وزوجي ماديا على قده ..انا موظفة وساعدته في اول زواجنا بشغلات كثير

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..