المشاركة الأصلية كتبت بواسطة رامـي-123

عمتي ( زوجة ابوي سابقا) واختي تزوجوا الحمدلله امس بس حصلت مشاكل كثيرة قبلها ما اعرف الحق مع مين بس اعترف اني اتحمل نص الخطأ بس والله مو بيدي عارفين لمن الواحد يفقد اعز اثنين رغم انه من حقهم يشوفوا عمرهم وانا بالعكس مبسوط ان ربي رزقهم *واسأل الله انه يوفقهم ويسعدهم ويعوضهم عن الحياة الي كانوا عايشينها *ويعينني ويصبرني ويعوضني
القصة اننا اتفقنا ان الزواج يكون يوم 20 من هالشهر وكلمت زوجها واتفقنا عشان اكون مخلص اختبارات وفاضي اروح لزواجهم خاصة ان الزواج في ينبع مو في مكة يعني في مدينة الرجال .
بس الواضح اني مالي اي كلمة حتى اختي تقول انت ما تبينا نتزوج عشان كذا تأخر الزواج حاولت افهما واقولها يا بنت الحلال اختبارات نهائية مو راضية تفهم*
وزوجها الله يصلحه اي شي يحصل ما يكلمني يكلم جدي ابو عمتي ويتفاهم معاه واختي وعمتي معاهم بدون ما يعطوني اي خبر طيب كلموني يمكن عندي ظرف في وقتها او شيء*
عمتي واختي كلموني الاسبوع الماضي وقالوا ترا الزواج يوم 9 يعني امس*
قلت انا اتفقت مع الرجال يوم 20 وكنتم موافقين وش الي غير رأيكم ليه ما اعطيتوني خبر قالوا الرجال كلم جدي واحنا وافقنا ليه نتظر الا يوم 20
صح اني زعلت بس قلت خلاص الله يوفقكم بس انا مقدر اجي الزواج*
زعلو وقومو الدنيا عيب عليك ليه الحقد ليه ما تبينا اتزوج قلت الاسبوع هذا والي جاي كله اختبارات نهائية لو انكم كلمتوني كان عرفتوا بس باين عليكم تبو الفكة وتتزوجو قالوا ما كنا ندري والله وحصل كلام كثير
يوم الثلاثاء كان عندي مادتين والربوع مادة واليوم مادتين وكلها مواد دسمة*
اختي كانت تدعي علي قبل ما تروح وتقول الله ينكد عليك مثل نكدت علي كنت ابغاك تجي ننبسط ونفرح سوا وما زالت مصممة اني حاقد واني متعمد ما احضر رغم انها جامعية وعارف نظام الجامعة*
يوم الاثنين ركبوا مع جدي وازواجهم وكانوا محركين على ينبع وحاولت اتفاهم معها واعتذرلها رافضة تتكلم معايا حتى جدي يقول مثلها يقول انت اناني ما تبيها تفرح فهمتو ان عندي اختبارات ولو انهم جلسو على اتفاقنا يوم 20 كان ماحصل الكلام ذا كله بعدين سألته ليه ما جلستو على الموعد الي اتفقت عليه مع الرجال قلي انت ورع ما نمشي على كلامك قلتلو جزاك الله خير بعدين قال حتى لو عندك اختبارات ماهو عذر انك ما تحضر الزواج زواج اختك ووحدة اهتمت فيك مثل امك فوق كل شيء ما حبيت اكثر كلام وقلت له صحيح على راسي. انا غلطان وسامحوني*
جاتني عمتي ونظرة حزن في عينها كسرتني واعتذرت مني وقالت والله ما راح ننساك يا رامي وسامحنا اننا تركناك في ذي الحالة قبلت راسها وقلت لا تعتذري والله انك ما قصرتي معي ومع اختي والله يجزاكي الفردوس والله يسعدكم وين ما رحتم وانا الي راح ازوركم هناك وما اقطعكم واخذت عفشي وكل واحد سلك طريقه والحين اخذت لي شقة عزاب والحمدلله على كل حال
بس حبيت اخبركم على المستجدات
ودعواتكم لي

المشاركة الأصلية كتبت بواسطة أم الدانــــــة

رامي بعد ماتزوجت عمتك .. شرعا هل تبقون محارم؟

المشاركة الأصلية كتبت بواسطة رامـي-123

وعلى فكرة ترا سامحت امي قبل الزواج وصالحتها مع اختي بس الى الحين ما شفت منها شيء للاسف لا زيارة ولا تتصل بس قلت يلا سويت الي علي وهي براحتها