ابهرتيني يا كوكي
فعلاً زوجي چذي
شخص متفاني ومخلص لعمله جداً ، رغم انه مشهور ، إلا إنه ما يطمح انه يُعرف من قبل الناس
وأحد أكبر همومه هو المجتمع ويسعى لخدمة المجتمع وتثقيفه ... الله يعطيه الصحة والعافيه

وفعلاً ما اطلب اشياء مادية أساساً استحي ، من لما كنت ببيت اهلي
ما اقول تبي فلوس او ابي شيء مع ذلك مو مقصر معاي..

حاجتي النفسية له أكبر يا صديقتي
انزين شنو الحل ؟ ابي اكون مكتفية وما اطلب هالأمور منه ..
ابي اسكت وما اطلب منه اي شيء عاطفي بالمقابل هم اكون مرتاحة نفسياً
مو اسكت عشان اريحه وانه اتعذب ابي اثنينا نرتاح...

زواجي الأول استمر سنة فقط
تطلقت 2010
تزوجت زوجي الحالي في 2014

اذا طلبت منه الأمور العاطفية افقد سحري في عيونه ؟؟؟

إنتِ كيف معاه؟

يعني من النوع اللي تضمّيه وتقبّليه وتمدحيه وتدّلعي عليه ولا لا؟

تبادري في نواحي ثانية؟

زوجي من النوع اللي يفرح بالمدح
رغم ان يحاول ان ما تظهر عليه الفرحة ويتخوف ان الناس تعليه على الفاضي لأن يشوف روحه ان يسوي واجبه للمجتمع...
لكن اعرف انه يفرح بالمدح بس الواقعي وبدون مبالغة ..

اسلوبي معاه ..
دائماً اثني عليه وامدحه في شيء فعلاً موجود فيه ، ما اختلق امر او ابالغ فيه
نعم احيانا ابادر واحيانا انتظر مبادرته
لأن ايضا يحب هالشيء
و سبق وقال لي انه يفتقد الاهتمام فيه وبأكله وملابسه وصحته ودايماً يركز على موضوع الصحة ويحس ان اللي يحبه يهتم بصحته ويفتقد المشاركة
فمهتمه فيه بلبسه وبصحته وبجميع اموره
ويعتمد علي في حفظ بعض مواعيده
واقرأ وايد ومضطلعه واشاركه في القراءة وفي بحوثه وكتبه واحاول اجاريه بثقافته
وادلعه واتدلع عليه
وعندي علاقة حلوة بعياله واخواته ( هالشيء مهم بالنسبة له جداً )

هذا نمط حياتي الايجابي معاه...


اما السلبيات فتعرفونها..

دايماً يقول لي ان فرحان فيج عوضتيني وووو وفيج ايجابيات كنت اتمناها
لكن هالسلبيات تقتلني ...

قلت هذا كله عشان يمكن يفيد بإن تساعدوني
اشعر بالتخبط
واخاف ان اخسره