حتى انا كنت متفهمتها
بس من عقب تبريره اخاف اتزوج وتطلبين الطلاق
ماعاد تفهمتها، ليش حرقة القلب هذي!!

مشكلتك اسباب رجوعك مو واضحة.. لكن اسباب عدم رجوعك واضحة!

لازم بينك وبين نفسك تكونين عارفة

برجع عشان كيت وكيت وكيت

وانا مستعدة اصبر على العيوب من كيت وكيت وكيت

من الاخر.. لو تزوجتيه هل بتحسين معاه بالامان؟

ماهي نظرتك الشخصية واحتياجاتك من علاقتك الزوجية؟ هل تحسين انك بتلاقينها معاه؟

هذا اللي يحدد لك انتي!

اسلوب ارجعك بدون ضمانات واقصص جناحاتك عشان ماتطيرين وانعطى الضوء الاخضر ابهذلك قد ما ابي لانك "مضطرة" تتحمليني ماينفع عزيزتي..

ماينفع مع وحدة ماقد انقرصت من زوجها..

فما بالك لو جت من واحد باع وطلق بكل سهولة قبل والحين جاي يقول ارجعي "بكل سهولة" برضو..

مادري فكري كويس.. بالذات ان اهلك بالاجماع او الاغلبية مو مع رجوعك..

__________________

اختلافي عنك لا يعني اختلافي معك

طيب انا ابي ارجع له
لاني شكلي حابته ههههه والله يستر لا أودر عمري
وترا حددددددي مصدقه انه يحبني
ثانيا انا انسانة لوامه لنفسي
يعني ممكن الوم نفسي لو رفضته ،واقول "ان رجل برغم اللي حصل بينا بادر وتقدم وانا قمت ورديته
طيب يمكن الولد كان جاد برغبته ولكن فعلا كان مايبي زوجة موظفة مو عشان شيء عشان انها رغبة بداخله للاسرة بكاملها "
ايضا ما احسني قدمت اللي علي تجاه علاقتنا الزوجية السابقة اشعر اني عندي اشياء كثير ماقدمتها
يعني ماحسيته شاف مني الشيء الحلو فيني بأكمله لاني على ماقيل ( انا حبي ركاده ما احبك طيش ، انا خايف كثير الحب يمللنا حلات الحب ياعمري يجي بشويش) ،
ايضا كان عندي أغلاط وكان ودي أصلحها ..
طبعا لايجي احد ويتفلسف ويقول توي احس، قبل طلاقي منه وانا مستعدة لاصلاحها بس والله ماكان معانا وقتها مرن. وعلى فكره مايصرح ابدا ابدا بأخطاءه
وهناك أهداف اخرى عامة من الزواج

هذي كلها اسباب 😂 بس ليش توك تطلعينها؟!

طيب يوم انه مايبي موظفة من البداية ليش وافق على شرطك؟

اسالي نفسك وجاوبيها عشان تتضح لك الصورة اكثر بصراحة نفسيتك الحلوة وعطائك اللي تأملين تقدمينه ومشاعرك هذي ماراح تتغير لو انقلبت الموازين ونفذ كلامه وتزوج عليك؟ ولا بتنتكس علاقتك فيه وبترجعين لنقطة الصفر؟

وشي ثاني.. تاكدي من سبب رغبته لارجاعك 😊

وعن مرونته.. غلط تربطين تقديمك لزواجك بمرونته.. طيب لازال معند ومش مرن حسب كلامك

لذلك سبب المشاكل بينكم ماتغير.. الا اذا كان في شي ماذكرتيه

ايش الحل هنا؟!

استخيري واحسبيها من كل النواحي والله يوفقك ويكتب لك الخير سواء رجعتي او لا

__________________

اختلافي عنك لا يعني اختلافي معك

يمكن مابي اصدق اني احبه ، انا يوم تطلقت منه
قلت الحمدلله ماكنت أقوله احبك كل يوم والا كان عورني قلبي اكثر

اما الوظيفة. ف تغيرت توجهاته خلال فترة طلاقنا ويرى الموظفة ماتصلح
بس انا اظنه خايف من عدم الاستقرار بحياتنا وأنجب منه
ثم يتزوج واقول طلقني ، الحل هنا ان أبقى بدون وظيفة لانه صعب علي طلب الطلاق
وبكذا حافظ على عياله
والله. لو تزوج علي وانا ماتوظفت وبنفسي وبس جلست عشانه اعتقد
بيطلع له الجزء الموحش بداخلي ، ماعتقد بصيح وتكفى تعال عندنا
راح احقد عليه هذا توقعاتي
حتى لو عطاني وظيفة بوقته بقول مابيها
اتوقع اسوي نفس المره اللي حرقت خيام الزواج
يوم تزوج زوجها
وردة فعلي لوني موظفه بصيح يومين ثلاثه شهر بعدين برجع طبيعية
مع تقلبات في الطقس. العام
بس يعني اقول بنفسي وقتها هو كويس ما منعني من انه يكون لي جو خاص بحياتي مو متعلق فيه
اما مشاكلنا
والله مشاكلنا ماتستحق طلاق ، لولا انه اصر ان رجوعي يتم بطريقة
مافيها احترام لي ، وصدرت منه اشياء وقت الخلاف فضيعة

اما ليش بيرجع والله انا احسه يحبني
واقول ساعات مأنبه ضميره
ويمكن فعلا مالقى اللي تقبل فيه

بس جد والله انا استخرت وسألت مستشارين ، مافي احد قالي شرطك غريب
بالعكس اثنين منهم أتفقو انه متسلط
واثنين مدري ثلاثه يلمحون انه صعب طبعه ، واذا بوافق لازم أتحمل
وانا مو مشكلتي معه كيف يبي تمشي الحياة
انا لوو وافق على وظيفتي ماعندي مشكله
عاد تدرين المشكلة بكل هذا اني مو موظفه هههههههه
محتاره الله يدلني

فكرت لتأكد من رغبته ، اخلي مهري محترم طبيعي مو مبالغ فيه ولا ناقص
ولو وافق فهو فعلا راغب ، لو رفض اللي عز علي فلوس ماني بشي عنده اوهام
تحسين صح علي
،

الصح انتي تحددينه.. محد هنا بيقرر عنك ولا بيعيش معاك

اطلبي ربك بهالليل وصلي وترك وفوضي امرك له 💜

__________________

اختلافي عنك لا يعني اختلافي معك

أختي من الي بادر بطلب الرجعة انتي ولا هو ؟
وشو الاسباب الي تخليه يرفض الوظيفة يعني هو ما قالك اسبابه فرفض الوظيفة ؟

هو، والاسباب مثل ماذكرت
الاهتمام بالبيت والاطفال وهو شخصيا
راح يأثر عليه موضوع الوظيفة
وايضا يخاف في حال تزوج بأخرى ان اطلب منه الطلاق
لوجود المال معي.

سبحان الله
انزين اختي يمكن بصدق هو رافض العمل للاسباب الي ذكرها تراه اسبابه مقنعة اقولك اياها عن تجربة طليقتي كانت موظفة وظلينا بطول فترة زواجنا ما نشوف بعض الا نهاية الاسبوع والاجازات وانتهى الزواج بالطلاق .

انتي بعدك استشيري اهلك مره ثانية وشوفيهم شو بيردو عليك واذا ما شجعوك ترجعيله خليهم يذكرولك الاسباب ليش ما يبوك ترجعيله

صحيح اسباب رفضه للوظيفة مقنعه
الا سبب واحد غير مقنع ومهيب ذكرته سابقا
وايماني بأن هذه الاسباب مقنعه الا واحدا جعلني اتأرجح
بين الرقض والقبول
وان كنت ناحية القبول اميل اكثر..
العجيب انه كما ذكرت طلاقنا كان على عوض دفعته اليه
وحين قررت القبول اخترت ان اطمأن له بجعل المهر مقارب للمبلغ الذي دفع اليه مقابل طلاقي ولم ازيد عليه
ورفض هذا المهر ، متحجج بأنه سأل عن مهر المثل وهو نصف ما طلبت ، وايضا ان لديه التزامات اخرى
(اجار ).


وصراحة انا حزينة ومتضايقه ، والحمدلله