السلام عليكم ورحمة الله وبركاته..

أعلم أم الترف عزيزتي لكن سقطت سهوا مني في الكتابة.

فرج الله همك صغيرتي وانار بصيرتك.

وعليكم السلام
زوجته مو بعيده عند اهله بنفس البيت و انا بشقه عندهم برضو
هى مرتين او ثلاث قابلتها و ماعاد يجبرنى اصلا ارفض
و دحين انا طلعت من بيته عند ماما و بيتى قريب يجهز ماما سوته ومو راجعه عنده
يوم اطلع من الشقه هى تطلع من بيت اهله وتسكن فيها ..

انا صابرة لكن اصراره على انه اقبل نظامه ينفذ صبري
صابرة عشانهم و انه له حياته و لى حياتى ما ادخل فيه و لا يدخل بيه
و مابغى منو حاجه بس يهتم بالصغار ..
لكن هو مصر انو حقوق وواجبات و مو عارفه ايش

قلت من مشاكلنا عدم التفاهم
انا اصلا مغصوبه عليه من زمان و يوم بزوجه لانو كان ياذينى و يلح كل مرة بتزوج بتزوج
زواجه مشكله دحين و ما اتقبله ...

هو ماطلب وجود زوجته بالاجتماع. و كلمنى امس يقول يالله نطلع عازمك على العشاء
بس رفضت لان مافيه فائده من اعادة الكلام هو مصر على رايه ..
قلت له خذ الصغار بس و غير جوهم و راح اخذهم معاها ..!!
ليش طيب ؟؟ يقول ماجيتى انتى ..
يعنى اسلوب ضغط !!

اللهم ألف بين قلبها وقلب زوجها فهم لا زالوا أزواجاً وبينهم ميثاقاً غليظا

وأكفهم شر كل شيء يفرق بينهم


اللهم فرج الهموم واستر العيوب واشرح الصدور

أختي فجر انتي ناوية على الطلاق فأيش بتخسري لو طلعتي معاه وتكلمتو بما انه هو الي عازمك ليش ترفضي لا تقولي ما شي فايده بالعكس يمكن هوه يبا بعد يتفاهم معاك وتحلو مشاكلكم فهذي الطلعة و انتي بتكوني سويتي الي عليك وزيادة ولين اخر لحظة حاولتني
انا ما اعرفك ولا اعرف زوجك لكن صدقيني عشان اطفالكم يستاهلو يعيشو بين ابوهم وامهم حاولي كمحاولة اخيرة منك صارحيه بكل شي انتي ما تطلبي منه إلا الاهتمام بأطفاله والعدل بينك وبين زوجتك الثانية تكلمي بكل صراحه .

لا مو العدل بينى وبينها
اطلب انا او هى ...

على العموم جاء هو و نفس الوضع ونفس الكلام
و اتفقنا على الانفصال والله يعوضنا خير ..كلها ممسأله وقت بس ..

اذا المشكلة الاساسية في زوجته الثانية
أكيد ما راح توصلو لحل دام هذا طلبك بس أختي حطي فبالك انه هالطلب ما يجوز عند الله اذا تفاهمتو على انه يكون منصف بينكم وهو وعد بهذا الشي فالأفضل انك تتراجعي عن طلب الطلاق وان ما وعدك بالعدل وقصر في حقوقك الشرعية فلك الخيار وقتها
راجعي قرارك أختي يعلم الله اني ما اريد إلا الخير لك ولزوجك و ابناءك ولا اريد ان يقع الطلاق بينكم لأمور يمكنكم حلها بالتفاهم
الله يسهل أمورك أختي

جزاك الله خيرا
قلت بالبدايه ماراح توصلوا لحل و قلت بالاخير امور يمكن حلها بالتفاهم ؟!
طلبت يطلقها ورفض فطلبت يطلقنى انا و الله مايكلف نفس فوق طاقتها
مابغى منه عدل و لا حقوق ولا واجبات وعرضت عليه دا الشي نبقى زواج صورى بس على ورق
عشان الصغار و رفض ..
بما انه شايف راحته و زوحته الثانيه اهم من اولاده و استقرارهم فهذا شي راحع له وانا مابيدي شي
وماعندى استعداد اتحمل وضع ما تقبله نفسي ..
هو اللى اختار وهذا خياره هو ..

و جلسنا وبدون نتيجه و خلال دا الاسبوع ان شاء الله بنطلق ..
وقال اخذ الصغار قلت خذهم راحه لي اصلا و اصرف عليهم وانا اداوم و اشوفهم نهاية الاسبوع
لكن تراجع ووضعهم راح نحاول نتفق عليه ...
شكرا ...