المشاركة الأصلية كتبت بواسطة أحبه حبيبي

ليش ركزتوا على إني ماني متقبلة وجود أمه في غرفة نومي ونسيتو اللي قدمه زوجي لأهلي وكأنكم نسيتو إن الدنيا سلف ودين .. أنا مامنعته يستضيف اللي يبي في بيته في النهاية هو بيته لكن حز في خاطري قوله لي إن هذي أمه وبيبرها وأنا مانعني أعطي أمي من باب برها مع إني عارفة إنه يعطي أهله وساكته وأقول في نفسي أهله ويستاهلون منه مع إني أكمل اللي ينقص في البيت عشان يتوفر عنده شيء ويعطيهم .. للاسف نظرتو للموضوع من جانب واحد .. وطالبتوني بشيء أكبر من طاقتي .. عموما جزاكم الله خير جميعا

المشاركة الأصلية كتبت بواسطة أحبه حبيبي

السلام عليكم .. جيتكم اليوم باستشارة أبي منكم مساعدتي..

أم زوجي تعبت شوي من ظهرها واضطرينا الاسبوع الماضي زيارتها طبعا هي في منطقة ثانية تبعد عنا 600كيلو .. قبل نسافر مهد لي زوجي انه بيجيبها معنا عشان يعرض على مستشفيات عندنا .. وقال بالحرف انها راح تنام بغرفة نومنا لانه أمه وصعب ينومها مكان ثاني .. أنا وقتها انجرحت من كلامه بس سكت .. وافقت لاني كنت متأكدة ان امه راح ترفض تجي معنا لارتباطها بمشاغل هناك ولوجود بنت لها وولد مازالوا يدرسو عشان كذا قلت ضروري اسافر مع زوجي اسلم عليها مع ان زوجي قال الامر راجع لك تبي تسافري معي او تقعدي هنا.. المهم سافرنا واكتشفت انهم مخططين كل شيء وخالصين وان زوجي كذب علي لما قالي انه بيحاولون فيها .. انا وقتها تضايقت لان عندي دوام واغلب يومي عندي شغل ..زعلت صراحة من زوجي وبان علي الزعل وقلت له يعني انا ماهميتك وانت عارف اني مو فاضية وامك تبي عناية وانا مشغولة بدوامي .. وانه لو كان شيء ضروري لاقدر الله مو مشكلة بس الحمدلله مو ذاك التعب وبعدين عندهم مستشفيات هنا واولادها ياكثرهم وزوجاتهم فاضيات يعني ليش مافي الا انت .. قال فعلا والله معك حق وابدا ماانتبهت لدوامك .. خلاص بوديها مستشفى هنا .. وحتى قلت له اذا نقص عليك فلوس هذي صرافتي اسحب اللي تبي برضو هذي أمي وتهمني صحتها .. اخذها ووداها مستشفى .. وسافرنا اليوم الثاني..

قبل شوي يقول لي كأنه يلمح ان ولدها اللي عنده تأمين لامه وأبوه مايتعالجو في المنطقة الغربية كلها الا في مستشفى في مدينتنا .. قصده انه حيجيبهم عندي .. طبعا وقتها قلت يعني الحين لفوها ورجعوها عليك .. قال وش قصدك قلت ترى منت الولد الوحيد لهم وياما عطيتهم وعطيت اخوانك وضيعت حياتك والحين مامعك شيء وهم عندهم خير ولو طلبتهم ريال ماساعدوك.. قال هذي امي وابوي ومهما عطيتهم قليل فيهم .. سبحان الله تذكرت المشكلة اللي صارت بيننا لما تخاصمنا على اني اعطي أمي فلوس من راتبي .. قلت له اما انا فقومت الدنيا وماقعدتها لما كنت اعطي امي فلوس .. قال كم لك تعطينهم .. قلت وبعطيها الين أموت أو هي تموت .. سبحان الله أوفر وأجمع عشان نبني مستقبلنا وأنت ماتفكر الا بنفسك .. قال لاتخافين بستأجر لهم في بيت ثاني ماراح اجيبهم عندك .. قلت الله يعينك .. وسكتنا والظاهر انه زعلان ..

ياجماعة والله العظيم مو كره في أمه وأبوه بس ليش كل شيء عليه هو اللي يصرف وهو اللي يعطي وأخوانه كل واحد في بيته وعندهم خير .. وليش أنا يمنعني اعطي أمي وهو مسموح له ..

المشاركة الأصلية كتبت بواسطة أحبه حبيبي

ليش ركزتوا على إني ماني متقبلة وجود أمه في غرفة نومي ونسيتو اللي قدمه زوجي لأهلي وكأنكم نسيتو إن الدنيا سلف ودين .. أنا مامنعته يستضيف اللي يبي في بيته في النهاية هو بيته لكن حز في خاطري قوله لي إن هذي أمه وبيبرها وأنا مانعني أعطي أمي من باب برها مع إني عارفة إنه يعطي أهله وساكته وأقول في نفسي أهله ويستاهلون منه مع إني أكمل اللي ينقص في البيت عشان يتوفر عنده شيء ويعطيهم .. للاسف نظرتو للموضوع من جانب واحد .. وطالبتوني بشيء أكبر من طاقتي .. عموما جزاكم الله خير جميعا

المشاركة الأصلية كتبت بواسطة mimomea

الله يريح بالك حبببتي احبه حبيبي
بنفسيتك الآن كل شي رح تشوفيه كبير وتضخميه
وممكن عم تجلدي ذاتك بالرجوع الى احداث الماضي
وهالشي عم يتعبك اكثر واكثر
من بعد ما يخلص علاج ام زوجك الله يشفيها
يا ريت تروحي زيارة عند اهلك تغيري جو وتبعدوا عن بعض لفترة لترتاحوا سوا
وبنفس الوقت تبعدي وانتوا راضيين من دون زعل
بعتقد انك بحاجة لترتبي افكارك وتريحي نفسيتك وزوجك كمان
الله يسخركن لبعض ويسعدكن دنيا وآخرة

احترامي

المشاركة الأصلية كتبت بواسطة أحبه حبيبي

فعلا ندمانة على حياتي معه..