لا حول و لا قوة إلا بالله .
الله يربط على قلبك ام دان و يعينك .

جا العصر وجاب غدا معه
جهز السفرة وناداني
أكلت لقمتين ماعرفت طعمهم
واحنا ناكل صار يقول أعرفك تحبين هالأكلة والله عشانك رحت وجبت الغدا من هناك
مارديت عليه.
خلصنا وقمنا وهو اللي شال السفرة والصحون..
بعدما غسل يدينه سألني أسويلك شاي أخضر ؟ قلت له شكراً..
سوى لنفسه الشاي وجا جلس جنبي،وصار يسلم على راسي ويديني وأنا ساكتة،، حسيت الألم أكبر من أي حوار..الألم أكبر من أي كلام.
قال ماتبين تقولين شي
قلت له وإن قلت وش اللي بتغير
مو راح تقول شرع الله وحلال
خلاص أختصر القصة وأسكت..
قال أقسم بالله أنت الغلا وانت الحب وانت وانت وانت...... الخ
قلت له ولما تروح لها تقول لها ماحسيت بالحب الا معك وماحسيت اني تزوجت الا معك.....الخ
قال مهما قلت ماراح تصدقيني.قلت مو مهم أصدقك المهم إنت تكون صادق مع نفسك.
قلت له لما براسك زواج قاطَعني وقال أقسم بالله ماكان براسي زواج
قلت له ولما مابراسك زواج خدروك وزوجوك ولاّ أهدوك وماقدرت ترد الهدية ولا غصبوك بتضحك علي بأي كذبة
كنت أتكلم بدون دموع لكن بألم شديد في قلبي وكنت أحس نفسي أرتجف كنت حاسة نفسي مخنوقة
سكتنا فترة بعدين قلت له
مالقيت غير هالانسانة
أنا مو عارفة شقول
أنت طعنتي ولا هي طعنتني ولا إنتو الاثنين غدرتوا بي وقتلتوني.من فيكم النذل إنت ولا هي،كلكم أنذال.
وبكيت بكيت بكيت من غير شعور..
جو العيال وأنا أبكي سكت واتمالكت نفسي عشان خاطرهم، بعدما هدأت، قالوا لأبوهم نبي نتكلم معاك ،، زوجي قال لهم مو الحين بعدين..
قمت ورحت غرفتي زوجي دخل وراي ولما شافني توجهت للدولاب (افتكر بشيل ملابسي وطالعة من البيت) قال والله ماتطلعين من البيت،أنا اللي أخرج، قلت له جيت آخذ منشفة بروح أستحم،أنا مو طالعة من البيت..
سألته من متى متزوج قال من 4سنوات
قلت له أنت اللي سعيت ونقلتها قال إي
كنت مسافر معها؟ لا والله ولا عمري سافرت إلا معك
أهلك يدرون؟بس أخوي
أنجبت منها؟ قال ولد..
قلت له الله أكرمك بالولد وبالبنت مع ذلك تزوجت.
قال يابنت الناس هذا قدر وانكتب
قلت له كمل شرع الله حلال ماسويت شي حرام
ولا بتقول منتِ عاجبتني راسك كبير وخشمك صغير ورجلك طويلة وايدك قصيرة وش بتطلع فيني عيوب بعد هالعمر
قال والله كانت تجربة
قلت له وش تجرب
ليش ماذقت الجماع ولا ماذقت الحضن ولا ماذقت البوس
وش اللي فقدته رحت تدوره وتجربه..لو واحد عزابي تزوج سِر يمكن ألقى له عذر لكن أنت وش الشي اللي تبي تجربه
ليش تصدمني بعد هالعمر ليش..
جبت ورقة الأرض اللي موقعين عليها الشهود وشقيتها قدامه ورميتها بالزبالة..
قال ماينفع معك الكلام الحين لكن أسألك بالله وباللي يحفظ لك عيالك إذا خرجت من البيت ماتتركين البيت وخلاني أحلف بالله إني ماأطلع..أنا حلفت وأنا صادقة لأن مو نيتي أطلع.
خرج مع أولاده وترك جواله في البيت مدري وش غرضه.
متمالكة نفسي والله يجبر قلبي..

الله يجبر كسرك يا أم دان ....

قرار جلوسك في بيتك بطولي ...

نعم المرأة أنتِ ...

نقاشكم جدا راقي وهادي
بس معقول عندة حياة اخرى عمرها
4 سنوات ما حسيتي ومخلف بعد !!!!!!!!!!!

__________________
سبحان الله وبحمده سبحان الله العظيم

اختي بغض النظر عن الكلام الي تقولينه صح ولا غلط ترا ف النهايه الي تكلمينها انسانه و لها مشاعر.. كل كلام وله وقته للمناسب.. و اللاخت ام دان ماءشاءالله عليها ما تحتاج من يوجهها فاهمه وضعها وتعرف كيف تحل امورها.. فالواحد مننا يا يقول كلمة طيبة ف "وقتها المناسب" يا اما يلتزم الصمت و يتابع عشان ما يتسبب ف جرح اي حذ
بارك الله فيج

شاطي الراحة
الثقة العمياء بزوجي هي السبب
زوجي طبعه مايجلس بالبيت كثير بعد الدوام ويشتغل شغلات ثانية بعد الدوام والاتصالات تجيبه بالصبح وبالظهر وبالليل انا تعودت وهالشي ماخلاني أفكر أي تفكير سلبي

كيف هي حال نفسيتك بعد الحوار يا أم أحمد ؟

سبحان الله ..
مثل ما توقعت و كان ردي في مثل هذا الوقت
في موضوعك السابق .
ام دان .. انتِ واعية في مرحلة الحكمة ، ما ينخاف عليك
اعرف لما لم تبكـ صمت الكلام يجاري صمت الدموع .
اعانك المولى و سدد خطاك .

__________________
لقاءات مع اللاشئ

ماشاء الله ياأم أحمد الله يحفظك نقاشك راقي زي رقي أخلاقك ماشتمتي ولابهذلت الدنيا رغم اني عارفة حجم الألم اللي يعتصرك أثناء النقاش يارب رحمتك اربعة سنوات ومخلف ولاحسيتي ... شيء مخييييييييف جدا موضوعك سبب لي الم فضيع يارب الله يربط على قلبك ويعينك .

__________________
اللهم إن أبي نزل بك وأنت خير منزول اللهم أكرم نزله ووسع مدخله وارفع درجته وجازه بالحسنات إحسانا وبالسيئات عفوا وغفرانا .. آمين

لوفتي أكذب لو قلت أنا غير حزينة
الحقيقة أنا منتهية
الحمد لله لنا رب نلجأ إليه
الحمد لله لنا رب نشكوه ويسمعنا
الحمد لله لنا رب ندعوه ويستجيب لنا

اللهم لك الحمد حتى ترضى ولك الحمد بعد الرضا

اللهم لا ملجأ منك إلا إليك