يمكن سمعت نصيحة ان الزوج يحب الزوجه المجادله ، التي تجادل زوجها ، و يشعر ان لها فكر ، لكن شطحت كثيرا .

السلام عليكم ورحمة الله وبركاته..

أتفق مع الأستاذ الكريم نهار..

وانصحك بمشاهدة برنامج وتجده اليوتيوب تحدث عما تصيب الإنسان من هذه الأفكار

إسلاموفومبيا فاضل سليمان..

وفيه منتديات خاصة بالمحاورين الحجة بالحجة مثل منتدى أهل التوحيد لكن لا انصح وجودها به في ظل هذا الوقت بما تمر به شكوك..

فالبرنامج أفضل لها وجميل جدا أو تواصل مع الدكتور فاضل سليمان يساعدك..

لدي جواب على سؤالها بخصوص تعدد الازواج
لكن اتصور انه بيضيع بين الردود...

عموما ..
المشكلة تكمن في انها اكثر ثقافة منك
لذلك تقف حائر امام تساؤلاتها...
اقرأ وتثقف
وخالق بينك و بينها حوار مشترك

__________________

حاجة الناس إليكم من نعم الله عليكم ، فـ لا تملوا النِعم ☁✨

اخي
الافضل انها تبحث عن هالتساؤلات
افضل من الي وقتها فقط للغيبه والنميمه و المشاكل وايصال الكلام والتفاهات

زوجة الاخ ما شاء الله عليها مطلعة و باحثة , الافضل ان يوجهها لشيخ ثقة عارف بعلمه يجيد الحوار لافهامها ما اشتبه عليها . لانه بطول الزمن ان لم تجد اجابات مقنعة فقد تتأثر عقيدتها . و بالنسبة لي فقد مررت بشيء مشابه في موضوع منع المرأة من الخروج او زيارة والديها . طيب من البر زيارتهم و الاطمئنان عليهم .

انت لانك تقريبا تعتبر شايب خخ وناضج تستغرب من هالاشياء وماتعرف تتعامل معاها بس وضع زوجتك جدا جدا طبيعي ، العيب والخلل فيك ماعرفت تقدر انها مراهقه نوعا ما وصغييييييرة وفي زمن عجيب وسن صغير

الله يعطيكم العافية جميع وماقصرتم الله يسعدكم يارب افدتوني غاية الإفادة ،

والله اني الأيام اللي راحت انشغلت واليوم ادخل والاقي ردود تثلج الصدر الله يعطيكم العافيه يارب ولايريكم مكروه فيمن تحبون

برد عليكم رد مختصر لجميع ردودكم
أولا اللي ذكروا الامام احمد بن حنبل وانه أفضل من يؤخذ عنه أحب أقول ان زوجتي مب على المذهب الحنبلي وإنما على المذهب الحنفي ...
ثانيا انا أرد عليها ولكن برأي علمائنا بن باز وابن عثيمين و ابن القيم وابن تيميه وهي ترفض تاخذ عنهم وماتقبل منهم شيء تحب تسمع للددو وغيرهم من العلماء وإذا ذكرت فتوى لـ بن باز تقول معليش انا مااخذ منه شيء ..

والله انك ياأبو البنات صادق بكل كلمة قلتها لكن وش أسوي بصبر عليها شوي ونشوف وش تاليها

والله ياأخوان أني صابر عليها المشكلة هي اذا اقتنعت بشيء اقدمت عليه بدون ماتقكر بأحد. .
مثلا فيه مره كنت برى المملكة لشغل عمل وزعلت من ابوها وطلعت من البيت وراحت أخذت غرفة في فندق واستغربت ذا التصرف منها ؟!! طبعا طلعت من عند اهلها قبل رجعتي بيومين فعشان كذا سكت ولا سويت معها مشاكل ..
والآن بأفكارها هذي صارت تجيني وتتكلم عن سواقة المرأة وان الرجال يبغون يستعبدون النساء وأنهم يحرمون الحلال ثم تجيني تعطيني فكرة حملة تبي تسويها مع اختها و كم بنت على ارض الواقع بالحجاز طبعا لكنها مختلفة وجديدة واشوفها تتفق مع اللي معها على يوم محدد وتقول في البدايه راح نلقى معارضات وغيرنا بعد لقي من يعارضه ولكن مع الزمن بينقلب الوضع وبيصير لنا بصمه وأثر في الحياة ومن ذا الكلام ...
وطبعا من الموقف الاول قلت أكيد راح تسويها وماعليها بأحد
المهم وأمسكها واخوفها تقول عادي يمسكوني الشرطه اليوم ويخرجوني بكره ، قلت تحسبين بيخرجونك كذا سليمه ومافيك شيء قالت وش بيسووون قلت ولان أظافيرها طويله نوعا ما 😅 وهي تخاف من العنف قلت اول شيء راح يضربونك ثم يكسرون اظافرك وحده وحده يذوقونك العذاب ثم يخرجونك .. وخافت وهونت

معليش اخويا

بس من بداية الموضوع وأنا اشوفك مركّز على ان زوجتك من الحجاز ، هل تتوقّع لو اتزوجت من منطقتك ماحتلاقي مثل هذي الأفكار ، ترى ممكن تزوج قريبتك وتتفاجأ بحجم الاختلاف في التفكير بينك وبينها.

على فكرة أنا من الحجاز ، والحجاز زيها زي بقية مدن المملكة موفلّة والدنيا على كيفنا ، يعني لاتخاف زوجتك ماحتسوي شي مجرّد أفكار وحماس في بداية العمر، اذا سوّتها وقتها لكل حادث حديث .

الله يسعدكم.

يعني الموضوع طلع كله مناصره للمرأه لا إلحاد ولايحرنون

في بنات قبايل مشهورات في social قاعدين ينادو ببعض الحقوق او الي يشوفوها حقوق ماوفرتها الدوله
زوجتك متأثره فيهم لاغير اذا عرفت إنك مارح تسمح لها تمشي في طريقهم رح تتلاشى هذي الافكار