تقبل الله منا ومنكم صالح الاعمال اخواني
زوجي له 3 اسابيع مايروح صلاة الجمعه
يسهر الخميس وينام الجمعه لبعد الظهر
ويفوت صلاة الجمعه..
رغم انه مايشوف المسجد الا الجمعة

طبعا انا ماخذه عهد على نفسي ما اذكره بشي
ولا انصحه ولا اكلمه بهالموضوع ابدا
واللي ذاكر مشاكلي القديمه بيعرف السبب
المهم
اليوم هو جالس عالساعه وحده يقلب جواله
منسدح عالسرير ويرسل نكت وخرابيط
وانا جاني برودكاست وارسلته له
يتكلم عن فضل صلاة الجمعة وانها ايام معددوات

نص ساعه ولقيته فاز كأنو لدغته عقرب
يسأل: ماتبطلي دور الداعية؟ ليه مرسله كذا؟!!!
كان معصب وكأن عامله مصيبه
قلت له هذا برودكاست جاني زي اللي يجيك
قال ما اصدقك انتي كاتبته!
قلت طيب تعال شوف.. راح وتركني
نسخت له صوره تأكد كلامي
وكتبت له: الناس تتبادل هالنصايح يوم الجمعه
وزي ما انت شايف هذي رساله وصلتني
ماكتبتها ولادورت عنها.. اعدت ارسالها لك
واعدت ارسالها لاخواني واهلي ومعارفي كلهم
(ونسخت له صوره ثانيه)
كتب لي: طيب انا اسف




لحد هذا انتهى المشهد
طيب


نرجع شوي يومين
وبنهار رمضان كان يرسل برضو نكت وخرابيط
ومن بينها مقاطع عود
وانا ابدا ماسمعتها لاني صايمه
بس ماقلت له حرف ولا نصحته ولا لمحت له

الشي الثاني
صلاه الفجر
يبقى عليها نص ساعه
ويشوفني سهرانه انتظر الاذان
يقول تصبحي على خير ويدخل ينام
اقول له: وانت من اهل الخير.. وبس


اللي ابغى اوصل له
اني لا داعيه ولا شي والله العظيم
هو رجال كبير له رب يحاسبه
رغم ان تصرفاته هذي تهز صورته بعيني
بس احاول ما ابين له


والشي المؤلم بزوجي
انه دايما ينتقد الملتحين ويسبهم
ويستهزئ بالمشايخ
ويعتبر التطاول عالدين نوع من التحضر
وهو من داخله هش معرفيا وثقافيا
واحسه يغار من اهل الصلاح بس مو قادر يصير مثلهم


الحين نرجع للي صار اليوم
هل انا غلطانه؟ وهل اعتذاره الجاف كافي؟

تم تعديل العنوان ليتناسب مع المضمون

مستجدات الرد 39

http://66n.com/forums/showpost.php?p...9&postcount=39


مستجدات الرد89

http://66n.com/forums/showpost.php?p...8&postcount=89


مستجدات الرد 136

http://66n.com/forums/showpost.php?p...&postcount=136


مستجدات الرد 152
http://www.66n.com/forums/showpost.p...&postcount=152