ربي يكون في العون

بعد الموقف الجوال كان معو ماكفى كل هالوقت ماشاف شي بجوالي ؟

تبين الحل اقطعي كل علاقتك مع زميلاتك انت باايش ولا ايش تنادين صحبتك الصباح ليش
معليش اكيد وانا بنت ابشك فما بالك بزوجك اللي شاف موقف منك

تبين تحافظين على بيتك وحياتك واولادك اقطعي النت والجوال والتليفون والصديقات تحملي ان شاء الله سنه ..... بس زوجك يرضى ... انت بمشكلة كبيره بس مش حاسه

وش السبب اللي يخليني اقطع علاقتي بزميلاتي ؟

وصديقتي اللي جت ماتقدر تجي الا الصبح ومو اول مره تجي الصبح

النت والجوال وكل شي قطعته شهر ويمكن اكثر ورجع أعطاني جوال ونت بس كل يوم شغال تفتيش ولا لقى شي واذا قلت له مابي جوال يقول مو على كيفك وليه خايفه ماتبين الجوال الا اكيد معك شي وتخافين اشوفه وعلى الحاله هذي من فتره لا هو مرتاح ولا انا

وانا حاسه بمشكلتي بس كثرة المشاكل اللي صارت خلتني انسى المشكله الأساسيه

إذا كان فيه أحد قريب له ويكون ثقة وحكيم وله تأثير عليه ويسمع منه حاولي توسطينه في الموضوع بدون مايعرف أحد

ارجع واقولك

الى الان لم تستوعبي حجم غلطتك ومستصغره الموضوع.

مستوعبته ياخي

انا بوادي وانت بوادي اخر

عنده اخوه الكبير يكتم كل شي بس صعب اكلمه

متوكله على الله هو الحلال بإذن الله وبتركه هالفتره مارح اتصل فيه

وهذا يكفي
همسة
أرجو ان لانكون عونا للشيطان على أختنا ولنحسن الظن بها
نحن لسنا ملائكة وكلنا معرضون للوقوع في الخطأ فرفقا بها
أنا متعاطف معك أختي ولا أملك إلا الدعاء لكِ

الله يجزاك خير ياخوي

لما تعرضت للضرب والذل والاهانه والحرمان كنت اقول بنفسي ليتني عملت غلط كبير عشان اقول اني استحق اللي يسويه فيني وارجع استغفر ربي

ماكفاه اللي سواه فيني مابرد قلبه بظلمه لي ومعاملته الوحشيه اتجاهي

اسبوعين ضرب وإهانة وحبس وحرمني من شوفة عيالي أسبوعين كنت على حافة الجنون وين حط عيالي ووش قالهم

كنت اترجاه اشوفهم اترجاه اذاكر لبنتي بس قلبه كان حجر اول مره بحياتي اشوفه كذا بالقساوه هذي والظلم

مرضت وارتفعت حرارتي طلبت مسكن والله ماعطاني

عيشني بهالاسبوعين بعذاب نفسي وجسدي

كان بعد مايبرد قلبه بضربي يرمي علي جواله يقول اتصلي على اهلك وقولي لهم زوجي ضربني كان يذلني ويهينني وانا ساكته والمضحك يقول انو يحبني ! وين الحب اللي يقول عنه

لو ذابحني كان اهون بكثير لان بمعاملته البشعه لي حول الحب اللي بقلبي لكره

على قد ماحبيته كرهته

كل ماتذكر اللي سواه فيني يزيدني حقد وكره واقول هذا مو انسان


وكل ماتذكر اللي سواه فيني يجي ببالي الطلاق واقول مستحيل اكمل حياتي معه وهو سوى فيني كذا

وكل مانسى معاملته السيئه بجلسة صفى بيننا يرجع يذكرني فيه بافتعال مشكله جديده

طيب لمتى ابي اعرف لمتى

اااه بس يارب رحمتك وانت العالم مابالقلوب

يارب وجهني للطريق الصحيح والقرار الذي فيه الخير لي ولأطفالي

لا كذا زودها زوجك
في الشرع ذكر تسريح بمعروف او امساك باحسان
هالشي ينافي القيم الاسلاميه تعذب انسانه وتعامل بوحشيه ولايكتفي بذلك بل يصل للايذاء النفسي ...
اساسا هالشي لا يصح للزانيه فكيف اذا كانت المراه عفيفه لكن حادثته بحديث عابر ..

انا اقترح عليك ترسلين لزوجك رساله توضحين له انه نفذ صبرك من معاملته لك وانه اللي يفعله لايصح ولابجوز له شرعا ان اراد ان يعفو فجزاه الله خير وان لم يرد العفو ماهكذا تورد الابل
ذكريه بتقوى الله وانه مايفعله لايجوز له شرعا وكلنا معرضون للخطا وليس احد معصوم من الشر