بس يا بت انتي.




الله يسلمج فديتج.

__________________


اللهم طِيبَ الأثر .. وحُسْنَ الرحيل.

كنارينا كان بيموت أمس!!



تذكرون عصفورين الكناري اللي طاروا مع الريح؟

عقبها اشترينا كناري يديد .. بس طبعاً من بعد حادثة العصفورين اللي قبله ما قمت أطلعه برا أبداً.


الكناري اليديد ما شاء الله تبارك الرحمن عليه تغريد عشرة على عشرة .. أول ما الفجر يطلع تبدأ الوصلة التغريدية بمنهى النشاط والحماس.

لما زوجي رجع من دوامه من كم يوم رد يطلعه برا الصبح!! .. لأنه ما يقدر يرجع ينام بعد الصلاة بسبب صوت الكناري!! .. والحاصل إنه كان يطلعه الفجر ويرجع يدخله البيت الضحى تقريباً.

اللي صار أمس إن زوجي نسى يدخله .. والعصفور تم برا لين الظهر!!!!!!!!!

وتفاجأت بزوجي ماسكه بيده .. والكناري خلاص فطسان وشوي وتطلع روحه من الحر والخنقة!!!!!!

زوجي حس بتأنيب الضمير .. وقام يقول لي: هاتي ماي .. هاتي ماي.

عطيته ماي شوي شوي .. والمسكين يشرب وينتفض .. بس مب قادر يصلب نفسه .. ولما رجّعناه القفص تم طايح مب قادر يوقف على ريوله.

وزوجي من كثر الندم تم يروح ويرجع عليه ويدور حواليه يبا يتطمن بعده حي والا لا.


أنا تميت ساكتة وما قلت له شي .. وبعدها على طول طلعنا مع اليهال .. لين بدا زوجي يكلم نفسه ويقول: الله يستر ما يكون مات.

قلت له على طول: لو هالعصفور مات بيكون في ذمتك .. وبتكون أنت اللي ذبحته .. حد يخلي عصفور صغيرون مثل هذا تحت الشمس لين الساعة وحدة الظهر؟!!!!!!!! .. وأساساً أنا قلت لك خلاص الدنيا الحين صيف وحر وما ينفع العصفور يطلع برا.

قال: الماي كان مخلص .. لو كان عنده ماي كان حصّل شي يشربه .. أنتو ما تحطون له ماي؟!

قلت: نحط له ماي وأكل كل يوم المغرب .. والمفروض الماي يتم لين ثاني يوم .. لكن لما حضرتك تحطه تحت الشمس أكيد الماي بيتبخر ويخلص!

قال: لو حطيتوا له ماي وايد كان حصل شي يشربه حتى لو تحت الشمس.

قلت له: حتى لو عنده ماي .. ترا بيفور تحت هالشمس .. تباه يشرب ماي مغلي؟!!!!!!!!!!!!!!



المهم طلعنا ورجعنا واحنا حاطين إيدنا على قلبنا ليكون العصفور مات.

ودخلنا البيت وكلنا طيران عند القفص نبا نتطمن.



والحمدلله لقيناه حي يرزق.

__________________


اللهم طِيبَ الأثر .. وحُسْنَ الرحيل.

مساكم خير و بركة

__________________

السلام عليكم كيفكم ياقمرات وحشتوني❤

__________________



هل تتعرضين للأبتزاز ؟؟ أدخلي هنا

مفضلة المتزوجين 2011-2014



مفضلة المقبلين على الزواج 2014

.

هلا هاجر وندى.

__________________


اللهم طِيبَ الأثر .. وحُسْنَ الرحيل.

نفسي اجيب عصفور يامهرة بس ريحتهم تطلع بالبيت مره كريهه وحوالين القفص دمار شامل من حب وريش وووو

__________________



هل تتعرضين للأبتزاز ؟؟ أدخلي هنا

مفضلة المتزوجين 2011-2014



مفضلة المقبلين على الزواج 2014

.

معلمة وندوش وهاجر نورتووو يا هلا وسهلا

معلمة مبروووك الإجازة الله يهنيك يارب 🌷💋

مهرة تحززن القصة هههههههه ما اعرف كيف تحزن واضحك

بس الحمدلله على سلامتهم ويتربوا في عزكم❤

عجبتني حركتك زوجك أصلا حاسس بالذنب وانتي تزيدي عليه 😂😂

مب هينة والله

واليوم الصبح كمّلت عليه.

الفجر طلع والعصفور ساكت ما غرّد .. وتم على الصامت لين الضحى.

قلت لزوجي: كله منك .. شفت سوء تقديرك شو سوا؟ .. أحباله الصوتية احترقت.





بس الحمدلله شوي شوي رجع يغرّد.

يحق له نفسبته تتعب .. شاف الموت بعينه أمس .. حسبي الله على ابليس.

__________________


اللهم طِيبَ الأثر .. وحُسْنَ الرحيل.

شوك كيفه قلب أمه عجبني مره مناداتك له😍

فتاة وهاجر وسيلا وفانتي وأنكسار ومعلمه وكوين ومهره ومريوم وميمو وأشراقه وخالة بيتا وسمو وزين وكوين والكللللل عساكم بالف خير يارب🌷🌷🌷🌷


أنكسار عظم الله أجركم وأن شاء الله يارب مايكونو مره قريبين منك الله يرحمهم ويفغر لهم ويصبر اهاليهم


مريوم الله يرزقك بالذرية الطيبه

__________________



هل تتعرضين للأبتزاز ؟؟ أدخلي هنا

مفضلة المتزوجين 2011-2014



مفضلة المقبلين على الزواج 2014

.

منورة ندى و معلمة

مهرة
ما احلى الصبح و صوت الكناري يغرد احلى الالحان
الانسان معرض للنسيان و اذا حابينه يسكت حطوا على القفص لحاف و خلوا فيه مكان يدخل الهواء
و اذا بنتكم كبيرة علموها هي تنظف القفص بحيث يكون مسؤوليتها هي باشرافكم