السلام عليكم ورحمة الله وبركاته،

أدري انك ما تحب الحوار الطويل والكلام الكثير .. وادري اني ما بقدر امسك نفسي وانا اكلمك .. وفي النهاية انت بتتضايق وما راح تسمع مني .. فالكتابة يمكن تكون أفضل.

قبل كل شي اعترف انك ريال والنعم فيك .. ما عمري شفت منك شي .. وما عمرك قصرت معاي .. عيّشتني عيشة حلوة وعززتني وأكرمتني .. جزاك الله خير.

ويمكن هذا كان أهم سبب .. مع عيالي طبعاً.

طول السنة ونص اللي طافت وأنا أحاول أصبر .. وأتعوذ من ابليس .. وأقول بلاش غيرة حريم وقلة عقل.

طول السنة ونص وأنا اسوي نفسي مب شايفة أي شي يقول ان بالك مع غيري .. وان مشاعرك مع غيري .. وان جزء من حياتك مع غيري.

طول السنة ونص وانا ادعي ربي ان يرفع عني هذا هالهم

كان ممكن أستمر في الصبر ما دام كل شي بعيد .. لكن تييبها لين هني؟! هذا وايد علي ... والله وايد.

ما راح اقدر اعترض .. ولا راح اقدر اقول لك ليش سويت جذي .. لكن واضح انك تباها تدخل حياتنا .. من حقك بس أنا ما أقدر اتحمل هالشي.

اللي صار البارحة معناه انك تحبها وايد .. وما راح اقدر اعاتبك على هالشي لان الحب بيد رب العالمين .. لكن وجودي خلاص ماله داعي والأفضل انك تطلقني وتعيش حياتك معاها بشكل طبيعي .. وتحصل الحب والسعادة اللي انت محتاجهم معاها.

بخصوص اليهال .. انا أكيد ابا عيالي معاي .. ومب حابة انهم يطلعون من الشارقة .. فإذا حبيت تخليني معاهم هني في البيت فكثر الله خيرك .. وإذا كان لك راي ثاني وشفت انك انت وحرمتك تقدرون تراعونهم وتديرون بالكم منهم فما راح اقدر اقول شي .. بس أمانة عليك تخليهم في مدرستهم .. وشما تدخلها حضانة الويس جرين.

لكن اذا سألتني عن اللي انا اباه .. فأنا اتمنى ان عيالي يكونون معاي .. على الأقل وهم معاي باقدر اطلب لي بيت من الحكومة يشيلني ويشيلهم .. لاني ما ابا اعيش مع حد من اخواني لأسباب خاصة فيني .. بس اذا ممكن يكون كل هذا عقب الصيف لاني ابا اعلم شما الحمام.


وسامحني اذا كان مني قصور .. مع اني والله العظيم ما ادري لين الحين انا في شو قصرت بالضبط .. وسامحني إن ما قدرت اخليك تحبني مثل ما كنت أتمنى.
.
.
.
هذه رسالتي له.

__________________


اللهم طِيبَ الأثر .. وحُسْنَ الرحيل.

الاخت شوك مو شرط كلامك صحيح
زوجي جاب حرمته الثانيه لأمه وهو مو حابها
ومتأكده من ذلك
ممكن هي استعطفته
ممكن حاس بحاجتها القويه له
ممكن محسسته انو مالها غيرو بهالدنيا ومعطيته هالجو وهو مصدق هالشي

__________________
(سيدة الموقف)
لم ننساك ونسأل الله ان تكوني أنتي وأولادك بخير

الرجل يستغني ويتخلص من كل ما يثقل كاهله اذا لم يرغب فيه ولا مجال للعواطف لديه في سبيل راحته
حملت منه ورضي وبعدها وداها لامه !!
الحمل لوحده يكفي والله ما يخليها تحمل لو ما يبيها
ادري تبون تخففون عن مهره، واحبها مثلكم لكن لازم نقول اللي شايفينه في الموضوع والمعروف في طباع الرجال

اقصد بكلامي لزوج مهره
زوجك يامهره من اي الانماط

__________________
(سيدة الموقف)
لم ننساك ونسأل الله ان تكوني أنتي وأولادك بخير

مهره حبيبتي... مافي حل وسط ؟؟

شو رايك باعتراض وبعض التمرد ما دامت خربانه خربانه

__________________

الله يعينك مهرة

معاكي حق توصلي حدك

بصراحه يعني هي رضت تتزوج واحد من غير اهله و رضت و عآشت في الظل

و الآن جاءت لتظهر في حياتكم و انتي رضيتي فيها و هي بعيدة

بس صعبه في القرب

ربي يعينك يآرب

__________________
[img]http://im78.***********/FRd0Bi.jpeg[/img]

لله الامر من قبل ومن بعد ..
لاتنهى حياتك بيدك

__________________
تٌجّنِبًوٌا الَوٌحًدٍهّ...فُهّيِ تٌعٌشُقُ الَرجّوٌعٌ لَلَمًاضيِ

انتوا صدقتوا !!!!!!!!
في حد يستغني عن روحه
بالوقتي يقرأ الورقة و روح يراضيها و يسبلها و هي تذوب

و يا ريتها تطمنا بس , حتخلينا برده نأكل في نفسنا

حسابك معانا بكرة لو طمنتيناش قبل ما تناموا

__________________




( اخوتي و اخواتي ان لم تجدوني بينكم في الجنة فسألوا عني )

سيبوها شويه
هى برضه مستحمله كتير
بس على قولتك حاتسيبنا نهرى وننكت وهى ولا على بالها ..
ربنا يهنى سعيد بسعيده ..
لا والنهارده الخميس !!

الله يسعدج يا سابين .. تراج ما تعرفين زوجي.


لنا يومين ما تكلمنا مع بعض .. واليوم الفجر طلع راح الدوام بدون ولا كلمة.

__________________


اللهم طِيبَ الأثر .. وحُسْنَ الرحيل.