ايوة ايوة ايوة
مين كان بينادى هنا؟
هو الواحد ميعرفش ينام شوية فى الصفحة دى؟!!!!!!!!!
وحشتونى جدا او بمعنى اصح وحشتنى الكتابة ليكم لانى كل يوم بدخل اتطمن على اخباركم بس كانت عندى حالة من صدة النفس "حكتب عنها بعد شوية" كانت مخليانى مش بحب اتكلم حتى مع ولادى و الحمد لله على كل حال
رورو ذى ما بيسموكى الف حمد لله على سلامتك و ان شاء الله تبشرينا الباشرة المتينة الشهر اللى جاى على طول كدة
سلومتى حبيبتى هاااااااااااااااانت متقلقيش خالص كله بيعدى و بعد ما حتقومى بالسلامة بكام شهر حتقولى يالا عاوزة بيبى تانى ربنا يكتبلك اللى فيه الخير
اما بالنسبة للقيصرية فعااااااااااادى لا تقلقى انا حضرتك 2 قيصرية و نص طبيعية "دى بتاعة كريم 3 ساعات طلق و بعدين بقت قيصرية"
بصى اهم اهم اهم نصيحة و حطيها فى بالك كويس قوى اول ما يتنفع تقومى من السرير و دا بيكون بعد كام ساعة من الولادة مش عاوزاكى تقعدى امشى امشى امشى امشى كل ما تمشى كل ما العضلات تلم بسرعة و بتساعد ان الجرح ميوجعكيش انا كنت بلف فى الاوضة لحد ما احس انى دوخت بجد مهمة جدا و متخافيش اول قوام من السرير رخم شوية بس دا اللى حيساعدك انك تبقى كويسة بعد كدة
انا بقى عن موضوع كذا دكتور فانا تابعت فى حملى فى كريم مع 3 دكاترة و عادى لسة عايشة و ذى القرد اهو
و متقلقيش على البيبى الولادة القيصرية احسن و اامن لللبيبى يعنى متخافيش خالص بأذن الله حتكونوا ذى الفل
هالة بجد انتى دينامو الصفحة ربنا يبارك فيكى و فى اولادك يا رب
مرميسة السكرة اديها رقية لانها جميلة و بتريح القلب
زهورة
بجد انا كل يوم بدخل عشان يمكن الاقيكى كاتبة حاجة و لما قريت اسمك النهاردة على اد ما فرحت على اد ما احبطت لما قريت ان اللى كتبتيه اتمسح
سعوود حبيبتى
الف لا بأس عليكى و يا رب ما تشوفى شر ابدا
و الحمد لله انك بخير
نيجى لاخباى الجميلة
انا يا اهل الخير فى نص الشهر اللى فات و بعد عيد الحب على طول و انتو داخلين على ايدكوا الشمال كدة
الست الاستاذة الخادمة اللى عندى حاولت تنتحر ايوووووووووون تنتحر
طبعا اللى يقرا الخير النميس دا يقول عليا بنت 60 فى 70 بس ححكى كل حاجة و احكموا فى الاخر
انا دخلت اخد دش و بعدين خرجت لقيتها فاتحة الشباك عشان تنضفوا و حاطة جنبه الكرسى و كرمة و كريم فى الاوضة و كرمة بتحاول تطلع على الكرسى المهم ندهتيلها و زعقتلها جامد عشان دى حاجة مينفعش تتعمل تانى ابدا "دى فيها حياة" و بعدين قلتلها ان لما يجى جوزى حقوله و دى كانت اول مرة ازعق و اول مرة اقول لجوزى فعلا عن حاجة هى بتعملها المهم بعد كام ساعة لكمت جوزى اتطمن عليه و حكيتله و الموقف خلانى اعيط و انا بحكى و بعدين وصيته انه لما يجى ميزعقلهاش و يتكلم بس بجد معاها ان دا غلط و خلاص فهى شافتنى بعيط عيطت و قالتلى متعيطيش المهم انا كنت سابتة على موقفى انى مخصماها و مش بكلمها
المهم كرمة كانت نايمة و انا و كريم بنتفرج على التليفزيون سمعت صوت عامل ذى ما تكون المكنسة مسدودة فقلت ايه الصوت دا و افتكرت ان كرمة مناخيرها اتسددت قمت اشوف فى ايه لقيتها واقعة على الارض قلت اغم عليها بس لقيتها بتتشنخ قلت اوباااااا جالها صرع و دا بيفكوه ازاى دا ؟ جريت عليها افكها ولا احوال افوقها و لما قربت لقيتها رابطة رقبتها بسلك الدى فى دى و مبرقة المهم صرخت عليها و قعدت اقولها اسم ابنها "ذى ما بنشوف فى التمثليات الاجنبية حاجة تخلى الواحد يمسك فى الدنيا لحد ما اخلصها" و فعلا فكيت السلكو قعدت الطش فيها عشان تفوق و اضغط على صدرها عشان اتطمن انها بتتنفس و كان الموقف منيل بـ 60 نيلة و كريم حبيبى واقف معايا فى الاوضة بيتفرج على كل دا و كان صعب طبعا انى اخرجه لانى كنت خايفة اسيبها لتموت و بعدين لما اتطمنت انها عايشة لقيتها بقت هبلة بتعمل حركات هبل كانها مجنونة و تبص حواليها و تلحس فى الحيطة قلت اتجننت عان مثلا الاكسجين موصلش للمخ كلمت جوزى و قلتله تعالى حالا جه و لما جه ابتدت تبقى طبيعية المهم قلها عملتى كدة ليه تقولى اصل كريم و كرمة كانوا ممكن يقعوا من الشبك طب يا بنت الناس دا سبب تموتى عشانه نفسك تعيط و متردش
نقولها كنت خايفة من جوزى متردش نقولها يعنى انتى متخيلة هو كان حيعمل فيكى ايهظ حيضربك مثلا؟!!!! حتى اذا دا حصل حتفضلى عايشة مش حتموتى متردش
المهم انا بصراحة خفت من المسؤلية قلت نرجعها المكتب اللى جت منه طبعا مرضيوش يستلموها و قالوا يا تبعوها يا ترجعوها بلدها
بصراحة انا خفت من مسؤلية انها تروح عند حد تانى تعمل كدة و اللى مرضتهوش على نفسى مرضتهوش على غيرى و رجعناها بلدها تانى يوم
نيجى لمعاملتى معاها انا كنت بعاملها ذى ما بعامل عيالى لدرجة انها كانت بتقولى انى ذى مامتها و كنت الاكل اللى باكل منه هى كمان تاكل منه بالظبط فى البيت او حتى فى اى مطعم و عمرى ما زعقتلها او عاملتها وحش
بصراحة كان عندى امل انى اهديها للاسلام بس بطريقة غير مباشرة كنت كل ما اعمل حاجة تبسطها اقولها سيدنا محمد قال نعمل كدة الاسلام قال كدة
طبعا قعدتلى فترة نفسيتى ذى الزفت و كل ما ادخل الاوضة افتكر منظرها و هى متربطة و هى بتبصلى بعنيها كانها بتقولى انقذينى مش عارفة بصراحة بس كانت تجربة ذى الزفت
المهم قبل ما تمشى قعدت تشكرنى و تعيط لانها مش حتشوفنا تانى و انا كمان كنت منهارة نفسيا "اصلى كنت بحبها"
كانت فعلا كويسة مؤدبة و امينة و ذى الفل فى نفسها و شغلها و بتاعة شغل لدرجة انى كتير كنت بطلب منها تبطل شغل و ترتاح و هى كانت بترفض
سبحان الله عقووول
المهم بقى ست الحلوين سابتنى لوحدى مع اطفالى و الدنيا تصارع فيا
طبعا كل يوم بيكون عندى مصيبة جديدة بتحصل من العصابة اللى عندى يخرربوا حاجة يغررقوا الدنيا ماية يحموا التليفزيون يـ يـ يـ يـ تظبيط التظبيط كتيييييييييييييير من كتر اللى بعمله و اتعب الاعصاب افضل اعيط ذى المجنونة لانى لوحدى تمااااااما مافيش حد معايا غير ربنا و الحمد لله طبعا احسن من الكل
بس دلوقتى ابتديت انى ارجع طبيعية "لحد ما طبعا"
بس اللى مضايقنى ان جوزى مش مستحمل الولاد خااااااااااااالص و خاصتا كريم لانه شقى و كتير بيرفض يخرج معانا
لازم اديه البوز المتين عشان يخرجنا لان الولاد مالهمش ذنب اننا بنتبهدل لما بنخرجهم
الحمد لله على كل حال بجد
المهم انى بحبكم فى الله
__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة
28-02-2012, 09:21 PM
يا قمر ربى يرزقك الذرية الصالحة السليمة عاجلا غير اجلا ..كل شئ باوان اصبرى ان بعد العسر يسر ان شاء الله
ضوابط المشاركة
العرض المتطور