اقتباس:
المشاركة الأصلية كتبت بواسطة abo marym
[CENTER] لو حبيتى ان اسرد المخطىء معك فى
قصتك سأرجع واقول ابوك وامك
يتحملوا جزء كبير من هذه المشكلة
|
السلام عليكم ورحمة الله وبركاته
صار لي فتره ما دخلت وكتبت بالموضوع ولكن عندي تعليق على هالاقتباس بالذات
وكنت كل يوم اقول بدخل واعلق واكتب لكن الظروف كانت تمنعني من المشاركه
اخوي .. انت في اكثر من رد تقول ان الوالد والوالده يتحملون جزء كبير من اللي حصل لي
لو كان بعايله مختلفه كنت بقول صح لكن في حالتي امي وابوي احس انظلموا معي
مع اني ورب الكعبه كنت احس بتأنيب ضمير وخايفه يصير عليهم اثم اللي اسويه
مع ان والله مالهم ذنب ابدا
ودايم ادعي ربي ما يكون عليهم اثم
انا بقول لك ليش
لاني من صغيره كنت انا مضرب المثل وسط اقاربي القريبين من عمري عيال اعمامي وخوالي
اني متربيه ببيت ملتزم وان ابوي شخص متدين ويعلمني على الصح والغلط
لدرجة اني من يوم دخلت صف الرابع الابتدائي كان يحفظني القرآن وياخذني لمراكز التحفيظ
ويتابع معي ويجيب لي كتب عن قصص الانبياء والصحابه وغيرهم
وامي كانت تتابع معي نفس الشي وكنت متفوقه بدراستي
وهادئه ومطيعه و"بريئه" ماعمري رفعت صوتي ولا حتى حسوا ان فيني شي غلط او اني بضيع نفسي
ماحب اطلع مجمعات او كذا ولا احب اشوف مسلسلات
فكانت ثقتهم فيني ثقة عمياااااااااااااااااااء
تحفظ قرآن + متفوقه + مطيعه وماعندها حركات = اكيد بيثقون فيني
حتى لين قلت لهم مثلا بطلع او بروح مكان ما يعترضون لانهم يدرون اني ما بسوي غلط
تصدق .. الموبايل ما اخذته الا يوم تخرجت والكمبيوتر اخذته هدية نجاحي وانا بالمدرسه
وما كنت استخدم الانترنت ولا الايميل اول ما اخذته وكنت دايم اجلس معهم وانا ع الجهاز
مافي شي يستدعي الشك ابدا
ويوم جات فترة الضياع حسبي الله على اللي دخلتني هالعالم
ما تغير فيني شي من ناحيتهم
كنت اجلس اتكلم في الماسنجر والشات بالليل
وباقي وقتي اكون مع اهلي
ما كنت اطووول بالماسنجر لدرجة ان اهلي يشكون فيني
والجوال كنت اتكلم بعد في الليل
الساعه 2 او 3
او حتى الساعه 1
والصبح ابدا عاااادي ما كانوا يحسون ان فيه شي لاني من ناحيتهم ما تغيرت
حتى مركز التحفيظ كنت اروح وعلاقتي ما تغيرت وكنت اقرا واسوي كل شي كنت اسويه
فهمت علي ؟؟
يعني حتى وقت الضياع كانوا يشوفون فيني البنت الملتزمه اللي ربوها صح واللي ما تغلط
وانا ما كنت اسوي كل هذا بس عشان عشان ما يشكون فيني
لا .. انا من داخلي كنت مقتنعه ان اللي اسويه غلط عشان كذا كنت احاول اسوي الاشياء الصح عشان تنهيني عن الغلط
بالله عليك اخوي
كيف راح يشكون ان بنتهم غلط ومانفعت معها التربيه
وكلمت 15 شخص - يمكن هذا بس اللي اتذكرهم بس ما يتعدون 20- على مدى 7 سنوات
الادهى والامر ان جاتني فترات كنت اكلم اكثر من شخص بنفس الفتره
بس انا ما تكلمت عنهم لان الشخص الوحيد اللي تكلمت عنه هو الشخص اللي عشت معاه 7 سنوات وهو اللي حبيته من قلبي وما كنت اكلم غيره الا لما ننفصل ع اساس ما نرجع لبعض
والباقي ما كان بيني وبينهم الا سوالف شات وضحك وما تتعداها - وما كلمت بالجوال الا شخص واحد وهو اللي حبيته اما الباقي ماسنجر
مو مهم التفاصيل الحين لاني لو بتكلم راح يطول فيني الوقت
واعتقد راح تشمئز وما عاد بتتكلم معي
المهم
كيف تبيهم يعرفون ان بنتهم اسوأ انساااانه على وجه الارض
اصلا ما يخطر بالبال
والله لو يدرون يطيحون ميتين بعيد الشر عنهم والله يطول باعمارهم
انا احاااااول انسى الماضي لانه يذبحني كلما اتذكره
استحي من نفسي لما اتذكر معقوله انا سويت كل هذا
طيب ليييييييييييييش
والله استحي من نفسي كنت في سن مراهقه لكن ما يشفع لي
ليش سمعت كلام الانسانه اللي المفروض كانت صديقتي
وخليتها تمشيني على كيفها وتدخلني هالطريق وتعرفني عليهم ليييش
بس والله ساعات اقول الحمدلله مليووووووووووون مره
صديقتي هذي كانت تبي تجرني للهلاك بس الحمدلله -وهذي الحسنه الوحيده فيني- عقلي صااحي
كانت تبيني اروح معاها مقابلاتها وطلعاتها معهم لكني كنت اررررفض وكل مره اتعذر
اللهم لك الحمد
بس كل املي بربي انه ما يحاسب اهلي على اللي صار لي
والله مااااااااااااالهم ذنب ولا عمرهم قصروا معي
العيب مو بتربيتهم العيب فيني انا
آسفه اخوي بس كلامك فتح بالقلب كلاااااام
ادري انك تقول هالكلام من حرقتك على وضعي
حتى انا هالموضوع ببالي كثييير
ما عاد بالنفس مكان للتحمل .. ياااارب استر علي وثبتني وابعدني عن طريق الحراااام واغفر لي
06-04-2012, 11:33 AM
ضوابط المشاركة
العرض العادي
